قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ تٶراعالىعىمەن قازاقستان حالقى اسسامبلەياسىنىڭ XXVII سەسسيياسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
قحا تٶراعاسى جيىنعا قاتىسۋشىلاردى سەسسييا جۇمىسىنىڭ باستالۋىمەن قۇتتىقتاپ, ەلٸمٸزدە بەيبٸتشٸلٸك پەن تۇراقتىلىقتى ساقتاۋ ٸسٸندەگٸ قازاقستان حالقى اسسامبلەياسىنىڭ ماڭىزدى رٶلٸن اتاپ ٶتتٸ.
– جاھاندىق ەلەم كٷشتٸ ترانسفورماتسييانى باستان ٶتكەرٸپ وتىر. بٸز بەرٸمٸز مٷلدە جاڭا تاريحي دەۋٸردە ٶمٸر سٷرٸپ جاتقانىمىزدى تٷسٸنەمٸز. ەكونوميكا, قوعام ٶمٸرٸ جەنە تەحنولوگييا تٷبەگەيلٸ ٶزگەردٸ. بۇل جاڭالىقتاردى قابىلداپ, كٶپ نەرسەنٸ ٷيرەنەمٸز, بٸراز نەرسەنٸ ٸستەي الامىز. بٸراق, بۇل قۇبىلمالى ەلەمدە بٸر عانا مەڭگٸ ەرٸ كەشەندٸ قۇندىلىق بار. ول – قوعامنىڭ بٸرلٸگٸ مەن ۇلتارالىق كەلٸسٸم, – دەدٸ ەلباسى.
نۇرسۇلتان نازارباەۆ تەۋەلسٸزدٸك جىلدارى قازاقستان حالقىنىڭ ەلٸمٸزدە ەتنوسارالىق قارىم-قاتىناستاردىڭ كەلەشەگٸنە قاتىستى دەسترۋكتيۆتٸ بولجامداردىڭ بەرٸن جوققا شىعارعانىنا نازار اۋداردى.
– بٸز ەكونوميكاسى قارقىندى دامىپ كەلە جاتقان مىقتى مەملەكەت قۇردىق. تاريح سىناقتارىنىڭ بەرٸن بٸرگە ەڭسەردٸك. پراگماتيكالىق جەنە سارابدال سىرتقى ساياساتىمىزدىڭ ارقاسىندا حالىقارالىق بەدەلٸمٸزدٸ بيٸكتەتتٸك. ەلٸمٸزدەگٸ ەتنوسارالىق قارىم-قاتىناستاردىڭ ٷلگٸسٸ تەڭدەستٸرٸلگەن, ۋاقىت جاعىنان تيٸمدٸ ەرٸ تەجٸريبەدەن ٶتكٸزٸلگەن. بۇل بەرٸنە ٷلگٸ بولۋعا تيٸس, – دەدٸ ەلباسى.
سەسسييا بارىسىندا ەلباسى قازاقستان قوعامىنداعى تۇراقتىلىقتى ساقتاۋ ٷشٸن بارلىق تەتٸكتەردٸڭ قالىپتى ەرٸ تيٸمدٸ جۇمىسىن قامتاماسىز ەتۋدٸ تاپسىردى.
قازاقستاننىڭ تۇڭعىش پرەزيدەنتٸ مەملەكەتتٸك ورگاندار جانىنداعى مەدياتسييا ينستيتۋتى مەن قوعامدىق كەڭەستەردٸڭ جۇمىسىن جانداندىرۋ قاجەتتٸگٸن ايتتى. سونىمەن قاتار, ەلباسى اسسامبلەيا كەسٸپكەرلەرٸنٸڭ قاۋىمداستىعىنا ارقىلى شەتەلدٸك ينۆەستورلارمەن ەكونوميكالىق ىنتىماقتاستىقتى نىعايتۋعا جەنە قازاقستان حالقى اسسامبلەياسىنىڭ دەپۋتاتتىق كورپۋسىنىڭ ەلەۋەتٸن بەلسەندٸ پايدالانۋعا شاقىردى.
نۇرسۇلتان نازارباەۆ سٶيلەگەن سٶزٸندە بارشا مۇسىلمان قاۋىمىن الداعى قاسيەتتٸ رامازان ايىنىڭ باستالۋىمەن جەنە حريستيان ٶكٸلدەرٸن پاسحا مەرەكەسٸمەن قۇتتىقتادى.
– حالقىمىزعا, سونىڭ ٸشٸندە قازاقستان حالقى اسسامبلەياسىنىڭ بارلىق مٷشەسٸنە قولداۋ كٶرسەتٸپ, تٷسٸنٸستٸك تانىتقانى ٷشٸن ريزاشىلىعىمدى بٸلدٸرگٸم كەلەدٸ. پرەزيدەنت سايلاۋى 9 ماۋسىمعا تاعايىندالدى. «Nur Otan» پارتيياسىنىڭ كەزەكتەن تىس حٸح سەزٸندە قاسىم-جومارت كەمەلۇلى توقاەۆتىڭ كانديداتۋراسى ۇسىنىلدى. ول – تەجٸريبەلٸ مەملەكەت قايراتكەرٸ, ەلگە باسشىلىق ەتۋگە لايىق قازاقستاننىڭ ناعىز پاتريوتى. بارشا قازاقستاندىقتاردى, اسسامبلەيانىڭ مٷشەلەرٸن الداعى سايلاۋعا بەلسەندٸ اتسالىسىپ, تاعى بٸر رەت بٸرلٸگٸمٸزدٸ تانىتۋعا شاقىرامىن. بارشا قازاقستاندىقتارعا اسپاندارىنىڭ اشىق بولۋىن, ەر وتباسىنا بەيبٸت ٶمٸر, اماندىق جەنە باق-بەرەكە تٸلەيمٸن, – دەدٸ تۇڭعىش پرەزيدەنت.
سەسسييا بارىسىندا قحا تٶراعاسىنىڭ جاڭا ورىنباسارلارى بولىپ يۋسۋپ كەليگوۆ جەنە شەرزود پۋلاتوۆ تاعايىندالدى.
ەلباسىنىڭ سٶيلەگەن سٶزٸنٸڭ تولىق مەتٸنٸن مىنا جەردەن وقي الاسىزدار.
