نۇرسۇلتان نازارباەۆ امەريكا قۇراما شتاتتارىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ ۋيليام موزەردٸ قابىلدادى, دەپ حابارلايدى "ۇلت اقپارات".
ەلباسى ۋيليام موزەردٸ قازاقستانداعى ديپلوماتييالىق ميسسيياسىنىڭ باستالۋىمەن قۇتتىقتاپ, جاۋاپتى قىزمەتٸنٸڭ تابىستى بولۋىنا نيەتتەستٸك بٸلدٸردٸ.
– وسى جىلدار ٸشٸندە بٸز اقش-پەن ٶزارا تٷسٸنٸستٸككە جەنە دوستىققا نەگٸزدەلگەن قاتىناستار ورناتتىق. قازاقستانعا اقش-تان قوماقتى ينۆەستيتسييا كەلدٸ. 420 بٸرلەسكەن كەسٸپورىن جۇمىس ٸستەپ كەلەدٸ. مەنٸڭ ۆاشينگتونعا جاساعان بىلتىرعى ساپارىم, سونىڭ اياسىندا پرەزيدەنت دونالد ترامپپەن جەنە بيزنەسمەندەرمەن بولعان كەزدەسۋٸم ىنتىماقتاستىعىمىزدى ودان ەرٸ دامىتۋعا جاعداي جاسادى, – دەدٸ قازاقستاننىڭ تۇڭعىش پرەزيدەنتٸ.
ۋيليام موزەر قازاقستانعا العاش رەت كەلگەندەگٸ ەسەرٸ تۋرالى ايتتى. اقش ەلشٸسٸ ەلوردامىز – نۇر-سۇلتان قالاسىن سالۋ جەنە تانىتۋ ٸسٸندەگٸ ايتارلىقتاي نەتيجەگە قىسقا ۋاقىت ٸشٸندە قول جەتكٸزٸلگەنٸن اتاپ ٶتتٸ.
سونىمەن قاتار, اقش ەلشٸسٸ ۋ.موزەر نۇرسۇلتان نازارباەۆقا دونالد ترامپتىڭ حاتىن بەردٸ. وندا اقش پرەزيدەنتٸ ەلباسىنىڭ ٶز ٶكٸلەتتٸگٸن توقتاتۋ جەنە مەملەكەت باسقارۋ ٸسٸن ساياساتكەرلەردٸڭ جاڭا بۋىنىنا بەرۋ تۋرالى شەشٸمٸنە قولداۋ بٸلدٸرەدٸ.
– مەن پرەزيدەنت ترامپتىڭ حاتىن الدىم. ول بٸزدٸڭ ٶڭٸردەگٸ احۋال تۋرالى الداعى ۋاقىتتا دا مەنٸمەن كەزدەسٸپ, اقىلداسىپ وتىرۋعا نيەتتٸ ەكەنٸن جەتكٸزدٸ. دونالد ترامپپەن جاقسى قارىم-قاتىناس ورنادى. مەن وسىنداي بايلانىستا بولۋعا دايىنمىن. بٸز ٷشٸن اقش ماڭىزدى سەرٸكتەس سانالادى. وسى جىلدار ٸشٸندە ارامىزدا تەك دوستىق قاتىناستار بولدى. ىنتىماقتاستىعىمىز جالعاسا بەرەدٸ دەپ سەنەمٸن, – دەدٸ نۇرسۇلتان نازارباەۆ.
