مەملەكەت باسشىسى رەسمي ساپارمەن بٸرٸككەن اراب ەمٸرلٸكتەرٸنە باردى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قارسى الۋ رەسٸمٸنەن سوڭ نۇرسۇلتان نازارباەۆ ابۋ-دابيدٸڭ تاق مۇراگەرٸ, بٸرٸككەن اراب ەمٸرلٸكتەرٸ قارۋلى كٷشتەرٸنٸڭ جوعارعى باس قولباسشىسىنىڭ ورىنباسارى, شەيح مۇحاممەد بەن زايد ەل ناھايانمەن كەڭەيتٸلگەن قۇرامدا كەلٸسسٶز جٷرگٸزدٸ.
قازاقستان پرەزيدەنتٸ قوناقجايلىق كٶرسەتكەنٸ ٷشٸن مۇحاممەد بەن زايد ەل ناھايانعا ريزاشىلىق بٸلدٸردٸ.
– مەنٸڭ رەسمي ساپارىمنىڭ بٸرٸككەن اراب ەمٸرلٸكتەرٸنٸڭ نەگٸزٸن قالاعان شەيح زايد بەن سۇلتان ەل ناھاياننىڭ 100 جىلدىعىمەن تۇسپا-تۇس كەلۋٸنٸڭ سيمۆولدىق مەنٸ بار. مەن ٷشٸن سٸزدٸڭ ەكەڭٸزبەن تانىس بولعانىم – زور مەرتەبە, – دەدٸ مەملەكەت باسشىسى.
نۇرسۇلتان نازارباەۆ باۋىرلاس قارىم-قاتىناستار مەن تابىستى كەزدەسۋلەر ەكٸ ەل اراسىنداعى بايلانىستاردىڭ دامۋىنا تىڭ سەرپٸن بەرەتٸنٸن اتاپ ٶتتٸ.
– ٶزارا ۋاعدالاستىقتاردى ٸسكە اسىرۋدىڭ ارقاسىندا تەك 2017 جىلى ساۋدا-ساتتىق كٶلەمٸ 2 ەسە ٶسٸپ, 374 ميلليون دوللاردان 643 ميلليون دوللارعا دەيٸن جەتتٸ. ال 2015 جىلدان باستاپ بۇل كٶرسەتكٸش 6 ەسە ارتتى, – دەدٸ قازاقستان پرەزيدەنتٸ.
نۇرسۇلتان نازارباەۆ ۆيزاسىز رەجٸم ەنگٸزۋ ەكٸ ەل اراسىنداعى قارىم-قاتىناستارعا وڭ ەسەر ەتەتٸنٸنە نازار اۋدارىپ, تاراپتار ينۆەستيتسييالاردى قورعاۋ, عارىش تەحنولوگييالارى, سۋ ەنەرگەتيكاسى, مۇناي حيميياسى, اۋىل شارۋاشىلىعى جەنە تسيفرلاندىرۋ سالالارىنداعى ىنتىماقتاستىقتى ەرٸ قاراي ٸلگەرٸلەتۋگە مٷددەلٸ ەكەنٸن اتاپ ٶتتٸ.
سوڭىندا قازاقستان پرەزيدەنتٸ بٸرٸككەن اراب ەمٸرلٸكتەرٸنٸڭ پرەزيدەنتٸ شەيح حاليف بەن زايد ەل ناھايانعا دەگەن نيەتتەستٸگٸن بٸلدٸرٸپ, تاق مۇراگەرٸ مۇحاممەد بەن زايد ەل ناھاياندى قازاقستانعا رەسمي ساپارمەن كەلۋگە شاقىردى.
مۇحاممەد بەن زايد ەل ناھايان رەسمي ساپارمەن كەلگەنٸ ٷشٸن نۇرسۇلتان نازارباەۆقا العىس ايتتى.
– حالقىمنىڭ جەنە جەكە ٶزٸمنٸڭ اتىنان سٸزگە بٸرٸككەن اراب ەمٸرلٸكتەرٸ جەرٸنە كەلگەنٸڭٸز ٷشٸن ريزاشىلىق بٸلدٸرەمٸن. ساپارىڭىز سەتتٸ بولادى دەپ سەنەمٸن. بٸز بٷگٸن بٸرقاتار ماڭىزدى ەكٸجاقتى قۇجاتتارعا قول قويامىز. جان-جاقتى ىنتىماقتاستىققا دايىن ەكەنٸمٸزدٸ ايتقىم كەلەدٸ, – دەدٸ مۇحاممەد بەن زايد ەل ناھايان.
***
رەسمي ساپار بارىسىندا تاراپتار اراسىندا مىناداي قۇجاتتارعا قول قويىلدى:
– قازاقستان رەسپۋبليكاسىنىڭ ٷكٸمەتٸ مەن بٸرٸككەن اراب ەمٸرلٸكتەرٸنٸڭ ٷكٸمەتٸ اراسىنداعى ينۆەستيتسييالاردى كٶتەرمەلەۋ جەنە ٶزارا قورعاۋ تۋرالى كەلٸسٸم;
– اتىراۋ وبلىسىندا ينتەگراتسييالانعان گاز-حيمييا كەشەنٸن (پوليەتيلەن ٶندٸرٸسٸ) سالۋعا قاتىستى ىنتىماقتاستىقتىڭ نەگٸزگٸ شارتتارى تۋرالى مەموراندۋم;
– اتىراۋ وبلىسىنداعى پوليپروپيلەن ٶندٸرەتٸن زاۋىت جۇمىسىنا قاتىسۋ ٷلەسٸن ساتىپ الۋعا بايلانىستى ٶزارا تٷسٸنٸستٸك تۋرالى مەموراندۋم;
– «اقتاۋ تەڭٸز پورتى» ارنايى ەكونوميكالىق ايماعى اكتسيونەرلٸك قوعامىنىڭ 49% اكتسيياسىن ساتىپ الۋدىڭ نەگٸزگٸ قاعيداتتارى تۋرالى نەگٸزدەمەلٸك كەلٸسٸم;
– «DP World» كومپانيياسىنىڭ «قورعاس – شىعىس قاقپاسى» ارنايى ەكونوميكالىق ايماعىنىڭ باسقارۋشى كومپانيياسى» اكتسيونەرلٸك قوعامىنىڭ كاپيتالىنا قاتىسۋىنىڭ نەگٸزگٸ قاعيداتتارى تۋرالى نەگٸزدەمەلٸك كەلٸسٸم;
– دۋبايداعى «ەكسپو-2020» دٷنيەجٷزٸلٸك كٶرمەسٸنە قاتىسۋ تۋرالى شارت.
