قازاقستان پرەزيدەنتٸ شەيح زايد مەشٸتٸنە باردى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى بٸرٸككەن اراب ەمٸرلٸكتەرٸنٸڭ ابۋ-دابي قالاسىنداعى كٶرٸكتٸ جەرلەرٸنٸڭ بٸرٸ – شەيح زايد مەشٸتٸن ارالاپ كٶرٸپ, وسى ەلدٸڭ نەگٸزٸن قالاۋشى ەرٸ تۇڭعىش پرەزيدەنتٸ شەيح زايد بەن سۇلتان ەل ناھاياننىڭ رۋحىنا تاعزىم ەتتٸ.
سونداي-اق, نۇرسۇلتان نازارباەۆ مەشٸت عيماراتىنىڭ ارحيتەكتۋرالىق ەرەكشەلٸگٸمەن تانىسىپ, قۇرمەتتٸ قوناقتار كٸتابىنا قولتاڭبا قالدىردى.
ايتا كەتەيٸك, مەشٸتكە بٸر ۋاقىتتا 50 مىڭ ادام سىيادى. عيبادات ورنىنىڭ بۇرىشتارىنا بيٸكتٸگٸ 107 مەتر بولاتىن تٶرت مۇنارا ورناتىلعان. باس عيماراتتىڭ سىرتقى قاباتىن اق مەرمەرمەن كٶمكەرٸلگەن 82 كٷمبەز جاۋىپ تۇر. مەشٸتتٸڭ ٸشكٸ اۋماعى - 17 400 شارشى مەتر.
