قر تۇڭعىش پرەزيدەنتٸ—ەلباسى نۇرسۇلتان نازارباەۆ «Qazaqstan» ۇلتتىق ارناسىنداعى «تٷركٸستان: كٶنە مەن كەلەشەك كٶپٸرٸ» دەرەكتٸ فيلمٸندە تٷركٸستان قالاسىن دامىتۋعا قانشا قاراجات بٶلٸنگەنٸن ايتىپ بەردٸ, دەپ حابارلايدى "ۇلت اقپارات".
«استانانى سالعان قاراجات باياعىدا ٶزٸن-ٶزٸ اقتادى, قازٸر بۇل قالا بيۋدجەتٸنە اقشا قۇياتىن دونور بولدى. سول سيياقتى بٸرٸنشٸ كەزەڭدە تٷركٸستانعا 350 ملرد تەڭگە اقشا جۇمسالاتىن بولدى. ونىڭ 50 پايىزىن جەكە مەنشٸكتەر بيزنەس رەتٸندە سالىپ جاتىر. سوندىقتان ونىڭ اۋىرتپاشىلىعى بولمايدى دەپ ويلايمىن. بۇل دا بٸر ٷلكەن قالا بولعان سوڭ, بارلىعى اتسالىسادى. سەبەبٸ تٷركٸستاننىڭ تۇرعان جەرٸ – قالىڭ جۇرتتىڭ ورتاسى, قازاقتىڭ قايماعى بۇزىلماعان, عۇرىپ-سالتتاردى ساقتايتىن ەلدٸڭ ورتاسى», - دەدٸ ن. نازارباەۆ.
ونىڭ ايتۋىنشا, وبلىس ورتالىعى اتانعان ەكٸ جىلدا 160 نىساننىڭ جارتىسى سالىنىپ بٸتتٸ. ونىڭ ٸشٸندە ەكٸمشٸلٸك عيماراتى, قازاق دراما تەاترى, كونگرەسسسح حول, 10 مىڭ ورىندىق ستاديون, جاستار سارايى بار.
باس جوسپارعا ساي 2050 جىلى تٷركٸستان تۇرعىندارىنىڭ سانى 500 مىڭعا جەتۋٸ تيٸس.
