قازاقستان ەكونوميكاسىنىڭ بارلىق سالاسىندا جاقسى قارقىن بايقالادى. بۇل تۋرالى بٷگٸن ٷكٸمەتتٸڭ كەڭەيتٸلگەن قۇرامداعى وتىرىسىندا ەلباسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
«جالپى 2018 جىلدىڭ كٶرسەتكٸشتەرٸ ەكونوميكانىڭ بارلىق سالاسىندا جاقسى دەپ ايتۋعا بولادى. سونىڭ ارقاسىندا حالىققا ەلەۋمەتتٸك قىزمەت كٶرسەتەتٸندەي جاعداي بولدى. اتاپ ايتساق, ەكونوميكانىڭ ٶسٸمٸ 4 پايىزدان استى. بۇل جالپى دٷنيەجٷزٸلٸك ورتاشا ٶسٸمنەن جوعارى. نەگٸزٸنەن ساۋدادا 7,6, كٶلٸكتە 4,5, ٶنەركەسٸپتە 4 پايىزدان استام ٶسٸم بار», - دەدٸ نۇرسۇلتان نازارباەۆ.
ەلباسى ەل ەكونوميكاسىنىڭ باسقا دا سالالارىندا جاقسى قارقىن بايقالاتىندىعىن اتاپ ٶتتٸ.
«ينفلياتسييانىڭ ٶتكەن جىلعى كٶرسەتكٸشٸ 5,3 پايىزدى قۇرادى. سولاي دەپ جوسپارلانعان ەدٸك. نەگٸزگٸ كاپيتالعا سالىنعان ينۆەستيتسييالار 17 پايىزدان استى. بۇل دا جاقسى كٶرسەتكٸش دەپ ايتۋعا بولادى. اتالعان ەكونوميكالىق كٶرسەتكٸشتەردٸڭ بارلىعى حالىق تۇرمىسىن جاقسارىپ, ناقتى تابىسىنىڭ ارتۋىنا ٶزٸنٸڭ ٷلەسٸن تيگٸزەدٸ», - دەدٸ نۇرسۇلتان نازارباەۆ.
مەملەكەت باسشىسى كەشە 5 وبلىس ەكٸمٸمەن كەزدەسكەنٸن ەسكە سالىپ ٶتتٸ.
«ەسەپتەرٸن تىڭدادىق. ٶڭٸرلەردە دە ٸستەلٸپ جاتقان شارۋا از ەمەس. بارلىعى بٸزدٸڭ باعدارلامالاردى ورىنداۋ ٷشٸن اتسالىسىپ, جۇمىس ٸستەپ جاتىر», - دەدٸ ەلباسى.
.jpeg)