فرانتسييا جەنە شۆەتسييانىڭ تەۋەلسٸز زەرتحانالارى رەسەيلٸك وپپوزيتسييالىق ساياساتكەر الەكسەي ناۆالنىيدىڭ اناليزٸن تەكسەرٸپ, نەمٸس ماماندارىنىڭ قورىتىندىسىن راستادى. بۇل تۋرالى دٷيسەنبٸ كٷنٸ گەرمانييا ٷكٸمەتٸ حابارلادى. بۇعان دەيٸن گەرمانييا ساياساتكەردٸڭ "نوۆيچوك" توبىنا جاتاتىن حيمييالىق زاتتان ۋلانعانىن ايتقان ەدٸ.
"بٸر-بٸرٸنە تەۋەلسٸز ٷش زەرتحانا ناۆالنىيدىڭ "نوۆيچوك" توبىنا جاتاتىن جٷيكە جٷيەسٸن ٸستەن شىعاراتىن زاتتان ۋلانعانىنا دەلەل كٶرسەتتٸ" دەلٸنگەن گەرمانييا ٷكٸمەتٸ تاراتقان حابارلامادا.
وندا سونىمەن بٸرگە ناۆالنىيدان الىنعان سىناما ٷلگٸسٸنٸڭ حيمييالىق قارۋعا تىيىم سالۋ جٶنٸندەگٸ ۇيىم (حقتۇ) ساراپشىلارىنا بەرٸلگەنٸ, حقتۇ زەرتحاناسىندا زەرتتەلەتٸنٸ جازىلعان.
"رەسەيدٸ نە بولعانىن تٷسٸندٸرۋگە تاعى دا شاقىرامىز. بٸز ەۋروپالىق ەرٸپتەستەرٸمٸزبەن تىعىز بايلانىستا وتىرمىز جەنە الداعى قادامداردى تالقىلايمىز" دەلٸنگەن حابارلامادا.
2 قىركٷيەكتە گەرمانييا ٷكٸمەتٸ بۋندەسۆەر زەرتحاناسىنا سٷيەنە وتىرىپ, ناۆالنىيدىڭ اعزاسىنان "نوۆيچوك" توبىنا جاتاتىن حيمييالىق زات قالدىقتارى تابىلدى جەنە وعان كٷمەن جوق دەپ مەلٸمدەگەن بولاتىن. گەرمانييانىڭ سىرتقى ٸستەر مينيسترٸ حايكو مااس رەسەي الداعى بٸرنەشە كٷندە نە بولعانىن ناقتى تٷسٸندٸرۋٸ تيٸس, ەيتپەسە گەرمانييا ەو ەرٸپتەستەرٸمەن بٸرگە شارا قولدانۋ مەسەلەسٸن تالقىلايدى دەگەن ەدٸ. مااس "سولتٷستٸك اعىس-2" جوباسىنا قاتىستى شارا قولدانۋ مٷمكٸندٸگٸن دە جوققا شىعارماعان ەدٸ.
دەرەككٶزگە سٷيەنگەن گەرمانييانىڭ اقپارات قۇرالدارىنىڭ جازۋىنشا, نەمٸس ماماندارى ناۆالنىيدى سولسبەريدە سەرگەي سكريپالعا ۋ بەرگەن كەزدە قولدانعان زاتتان سەل باسقاشالاۋ "نوۆيچوك" تٷرٸمەن ۋلاندىرعان دەگەن قورىتىندىعا كەلگەن. گەرمانييانىڭ بارلاۋ قىزمەتٸ بۇل ٸسكە رەسەيلٸك ارنايى قىزمەتتٸڭ قاتىسى بولماۋى مٷمكٸن ەمەس دەپ توپشىلايدى.
رەسمي مەسكەۋ بٸر جاعىنان ومبى دەرٸگەرلەرٸ مەن مەديتسينا سالاسىنداعى شەنەۋنٸكتەردٸڭ تۇجىرىمىنا سٷيەنە وتىرىپ, ناۆالنىيدىڭ ۋلانعانىن جوققا شىعارادى. ەكٸنشٸ جاعىنان, رەسەي گەرمانييادان ناۆالنىيدىڭ دەنساۋلىعى مەن اناليزٸ تۋرالى مەلٸمەتتٸ بەرۋدٸ تالاپ ەتٸپ, بەرلين بٸرگە زەرتتەۋگە ىقىلاس تانىتپاي وتىر دەيدٸ. رەسەيدٸڭ ٶزٸندە قىلمىستىق ٸس قوزعالماعان.
رەسەيلٸك وپپوزيتسيونەر, جەمقورلىقپەن كٷرەس قورىنىڭ جەتەكشٸسٸ 44 جاستاعى ناۆالنىي 20 تامىز كٷنٸ تومسكٸدەن مەسكەۋگە باعىت العان ۇشاقتا جاعدايى كٷرت ناشارلاعان. ۇشاق ساياساتكەر دەنساۋلىعىنىڭ ناشارلاۋىنا بايلانىستى ومبى قالاسىنا قونۋعا مەجبٷر بولعان. ساياساتكەر ومبى اۋرۋحاناسىندا ەكٸ كٷن جاتتى. ونداعى دەرٸگەرلەر ناۆالنىيدىڭ زات الماسۋ پروتسەسٸ بۇزىلعان دەپ مەلٸمدەدٸ. ولار "ساياساتكەر ۋلاندى" دەگەن ناۆالنىي جاقتاستارىنىڭ تۇجىرىمىن جوققا شىعارعان.
22 تامىزدا تۋىستارى مەن جاقتاستارىنىڭ تالابىمەن ساياساتكەر بەرليندەگٸ "شاريتە" كلينيكاسىنا اۋىستىرىلدى.
ناۆالنىيدىڭ جاقتاستارى ساياساتكەرگە رەسەي بيلٸگٸنٸڭ نۇسقاۋىمەن ۋ بەرگەن دەپ سانايدى.
بۇعان دەيٸن نەمٸس دەرٸگەرلەرٸ ناۆالنىيدىڭ دەنساۋلىعى جاقسارعانىن, كومادان شىققانىن حابارلاعان.
