رەسەيلٸك وپپوزيتسييالىق ساياساتكەر الەكسەي ناۆالنىي ۆلاديمير وبلىسىنداعى تٷرمە اۋرۋحاناسىنان پوكروۆ قالاسىنداعى كولونيياعا اۋىستىرىلدى.
بۇل تۋرالى دٷيسەنبٸ كٷنٸ ناۆالنىيدىڭ تٷرمە ەكٸمشٸلٸگٸ ٷستٸنەن تٷسٸرگەن شاعىمى بويىنشا ٶتكەن سوت تىڭداۋىندا بەلگٸلٸ بولدى. اقپان ايىندا سوت ٷكٸمٸ شىققاننان كەيٸن ساياساتكەر وسى پوكروۆ اباقتىسىنا جٸبەرٸلگەن ەدٸ.
ناۆالنىي ەكٸ اپتادان استام ۋاقىتقا سوزىلعان اشتىق اكتسيياسىنان كەيٸن ياعني, 18 سەۋٸردە ۆلاديمير وبلىسىنداعى تٷرمە اۋرۋحاناسىنا جاتقىزىلعان. اۋرۋحانادا وپپوزيتسيونەردٸ ازاماتتىق دەرٸگەرلەر قارادى, تەك وسىدان سوڭ ول اشتىق اكتسيياسىن توقتاتقان.
دٷيسەنبٸ كٷنٸ سوت وتىرىسى كەزٸندە ناۆالنىي كەلەتٸن باسىلىمدارعا بايلانىستى تٷرمە ەكٸمشٸلٸگٸ ٷستٸنەن جازعان شاعىمىنان باس تارتتى. وپپوزيتسيونەردٸڭ ايتۋىنشا, كولونييا كەيبٸر كەزدە باسىلىمدارداعى كەيبٸر ماقالالاردى قيىپ وتىرعان. ال تٷرمە باسشىلىعى ونى جوققا شىعارعان. "مەن شاعىمىمدى قايتارىپ العىم كەلەدٸ, سەبەبٸ بٸز قازٸر زاڭدىق تۇرعىدا ەشقانداي تسەنزۋرا جوق ەكەنٸ انىقتالعان سەتتە تۇرمىز" دەدٸ.
وپپوزيتسيونەر سونىمەن بٸرگە قۇران بەرمەگەنٸ ٷشٸن تٷرمە ەكٸمشٸلٸگٸنٸڭ ٷستٸنەن تٷسٸرگەن شاعىمدى قايتارۋدى سۇرادى. "قازٸر مەندە قۇران دا بار, ۆلاديمير سوروكيننٸڭ سوڭعى كٸتابى دا بار, تٸپتٸ بيبلييا دا بار. مەسەلە بٸر ٸزگە تٷستٸ. مۇندا ماعان كٸتاپتى بەرگەنٸ جەنە وسى تەجٸريبەنٸ جٷيەلەگەنٸمٸز ماڭىزدى" دەدٸ ول. سوت ەكٸ ٸستٸ توقتاتۋعا كەلٸستٸ.
2 اقپاندا مەسكەۋدٸڭ سيمونوۆ سوتى الەكسەي ناۆالنىيدى 2013 جىلعى "يۆ روشە" ٸسٸ بويىنشا شارتتى جازا ەرەجەلەرٸن ورىندامادى دەپ تانىپ, شارتتى جازانى تٷرمەمەن اۋىستىرعان. ەۋروپانىڭ ادام قۇقىعى جٶنٸندەگٸ سوتى ٸستٸڭ ساياسيلانعانىن ايتقان. وپپوزيتسيونەر تٷرمەدە 2,5 جىل وتىرۋى تيٸس.
