مەسكەۋدە وپپوزيتسييالىق ساياساتكەر الەكسەي ناۆالنىي قاماۋدا وتىرعان تەرگەۋ يزولياتورىنىڭ پروفيلاكتيكا كوميسسيياسى ونى قاشىپ كەتۋگە بەيٸمٸ بارلار ەسەبٸنە قويدى. بۇل تۋرالى ساياساتكەردٸڭ ٶزٸ Instagram-دا مەلٸمدەدٸ.
ناۆالنىيدىڭ سٶزٸنشە, بۇل شارا قاڭتاردا جارىق كٶرگەن زەرتتەۋٸ ٷشٸن قىسىم كٶرسەتۋ رەتٸندە قابىلدانىپ وتىر. Youtube جەلٸسٸندە جارىق كٶرگەن زەرتتەۋ فيلمٸ رەسەي پرەزيدەنتٸ ۆلاديمير پۋتينگە تيەسٸلٸ دەگەن "سارايعا" ارنالعان.
وپپوزيتسيونەر ٶزٸنەن كوميسسييانىڭ شەشٸمٸمەن تانىسقانى جٶنٸندەگٸ قاعازعا قول قويۋدى تالاپ ەتكەنٸن مەلٸمدەدٸ.
- 2 اقپان كٷنٸ مەسكەۋ سوتى الەكسەي ناۆالنىيدى 2014 جىلعى الاياقتىق جٶنٸندە شارتتى جازا ٷكٸمٸ بويىنشا 2 جىل 8 اي تٷرمە جازاسىنا كەستٸ. 2017 جىلى ەۋروپانىڭ ادام قۇقىقتارى جٶنٸندەگٸ سوتى وپپوزيتسيونەردٸ سوتتاۋعا ٸلٸك بولعان "يۆ روشە" ٸسٸن زاڭسىز دەپ تاۋىپ, ونىڭ سوتتالۋى ناۆالنىيدىڭ ەدٸل سوتقا دەگەن قۇقىعىن بۇزدى دەپ مەلٸمدەدٸ. وعان تٸپتٸ ٶتەماقى دا تٶلەنگەن. بٸراق رەسەي جوعارعى سوتى ٷكٸمدٸ زاڭدى دەپ تانىپ, ونى ٶزگەرتۋدەن باس تارتقان.
- باتىس ەلدەرٸ ناۆالنىيدىڭ قىلمىستىق قۋدالانۋىن ايىپتايدى. ولار رەسەي بيلٸگٸنەن ونىڭ ۋلانۋىن تەرگەۋدٸ دە تالاپ ەتتٸ. سوتقا كەمٸ 10 مەملەكەتتٸڭ ديپلوماتييالىق ميسسيياسى قاتىستى. ميسسييا جٸبەرگەندەردٸڭ كٶبٸ – ەۋروپا ەلدەرٸ. رەسەي سىرتقى ٸستەر مينيسترلٸگٸنٸڭ ٶكٸلٸ مارييا زاحاروۆا مۇنى ەلدٸڭ ٸشكٸ ٸسٸنە ارالاسۋ دەپ باعالادى.
- الەكسەي ناۆالنىي 2020 جىلعى 20 تامىزدا تومسكٸدەن مەسكەۋگە جول تارتقان ۇشاقتىڭ بورتىندا ەسٸنەن تاڭىپ, ونى الدىمەن ومبىداعى اۋرۋحاناعا جاتقىزىپ, كەيٸنٸرەك گەرمانيياداعى كلينيكاعا الىپ كەتتٸ. ول جاقتا ماماندار ساياساتكەردٸڭ اعزاسىنان ەسكەري ۋدىڭ ٸزدەرٸن تاپتى. ەۋرووداق, اقش جەنە ۇلىبريتانييا ۋدىڭ حيمييالىق قارۋعا قاتىسى بارىن ايتىپ, رەسەي بيلٸگٸنەن تٷسٸنٸكتەمە تالاپ ەتتٸ. رەسەي بيلٸگٸ دەرٸگەرلەرگە سٸلتەپ, ۋلاۋ فاكتٸسٸن جوققا شىعارادى.
- ناۆالنىي ەسٸن جيىپ, بەرليندەگٸ "شاريتە" كلينيكاسىنان شىققان سوڭ گەرمانييادا بٸرنەشە اي بولىپ, ساۋىقتىرۋ ەمٸن قابىلداعان. رەسەي جازانى اتقارۋ فەدەرالدىق قىزمەتٸ (فسين) ساياساتكەردٸ قايدا جٷرگەنٸ تۋرالى دۇرىس ەسكەرتپەدٸ دەپ ايىپتاپ, ونىڭ 2014 جىلعى ٷكٸم بويىنشا شارتتى جازاسىن تٷرمە جازاسىنا اۋىستىرۋدى تالاپ ەتتٸ. ناۆالنىي بولسا, ەلدە تٷرمەگە جابىلۋى مٷمكٸن ەكەنٸن بٸلە تۇرا, 17 قاڭتار كٷنٸ مەسكەۋگە ورالدى. رەسەي پوليتسيياسى ونى تۋرا ەۋەجايدان ۇستاپ ەكەتتٸ. 19 قاڭتار كٷنٸ ناۆالنىيدىڭ جەمقورلىقپەن كٷرەس قورى ەكٸ ساعاتقا جۋىقتايتىن زەرتتەۋ فيلمٸن جارييالادى. وندا رەسەي وليگارحتارىنىڭ قارا تەڭٸز جاعاسىنداعى زەۋلٸم ٷيدٸڭ قۇرىلىسىنا 1,3 ميلليارد دوللار جۇمساعانىن, ٷيدٸڭ ەل پرەزيدەنتٸ پۋتينگە تيەسٸلٸ ەكەنٸ ايتىلادى.
