تٷرمەدە وتىرعان رەسەيلٸك وپپوزيتسييالىق ساياساتكەر الەكسەي ناۆالنىي ٶزٸنە تاعى ٷش قىلمىستىق ٸس قوزعالعانىن حابارلادى. 25 مامىردا ينستاگرامدا جارييالاعان جازباسىندا ساياساتكەر جاڭا ٸستەر جايلى بٸر كٷن بۇرىن كەلگەن تەرگەۋشٸدەن بٸلگەنٸن ايتتى.
ونىڭ سٶزٸنە قاراعاندا, بٸرٸنشٸ ٸس بويىنشا ول "جەمقورلىقپەن كٷرەس قورىنا تٷسكەن اقشانى ۇرلادى" دەپ ايىپتالىپ وتىر. ەكٸنشٸ ٸس بويىنشا "جۇرتتى ازاماتتىق مٸندەتتەرٸن ورىنداماۋعا ٷندەدٸ" دەگەن كٷدٸككە ٸلٸنگەن. ال ٷشٸنشٸ ٸس بويىنشا كرەمل سىنشىسى سۋدياعا تٸل تيگٸزدٸ دەپ ايىپتالىپ وتىر. "سوندىقتان مەنٸ مۇندا كامەرادا قۇر شەي ٸشٸپ, قول قۋسىرىپ وتىر دەپ ويلاماڭىزدار" دەدٸ ساياساتكەر ەزٸلمەن.
"مەنٸڭ پەرمەندٸ قىلمىستىق سينديكاتىم ۇلعايىپ بارادى. بارعان سايىن جاساعان قىلمىستارىم كٶبەيٸپ جاتىر. تەرگەۋشٸلەردٸڭ ٸسٸ – قانٸشەرلەر, ۇرىلار مەن ادام ۇرلاۋشىلار ەمەس, مەن بولدىم" دەپ جازدى.
بىلتىر تامىزدا "نوۆيچوك" توبىنا جاتاتىن قاۋٸپتٸ زاتپەن ۋلانعان 44 جاستاعى ساياساتكەر گەرمانييادا بٸرنەشە اي ەمدەلٸپ, بيىل قاڭتار ايىندا ەلٸنە قايتقان. مەسكەۋگە ورالا پولتسيتسييا ونى ەۋەجايدان ۇستاپ ەكەتتٸ. اقپان ايىندا مەسكەۋ سوتى سەگٸز جىل بۇرىنعى "يۆ روشە" ٸسٸ بويىنشا ناۆالنىيدى 3,5 جىلعا تٷرمەدە جٸبەردٸ. قاماۋدا ونىڭ دەنساۋلىعى كٷرت ناشارلادى. ساياساتكەر قارسىلىق رەتٸندە اشتىق جارييالاپ, ٶزٸنە تەۋەلسٸز دەرٸگەردٸ كٸرگٸزۋٸن تالاپ ەتكەن. كەيٸنٸرەك اشتىقتى توقتاتتى.
كرەمل قازٸر ناۆالنىي مەن جاقتاستارىن قۋدالاۋدى كٷشەيتكەن. رەسەي دۋماسى 25 مامىردا "ەكسترەميستٸك ۇيىم" مٷشەلەرٸنٸڭ سايلاۋعا قاتىسۋىنا تىيىم سالاتىن جوبانى ەكٸنشٸ وقىلىمدا ماقۇلداعان. قىركٷيەك ايىنا بەلگٸلەنگەن سايلاۋ قارساڭىندا بيلٸك ناۆالنىي قۇرعان قور مەن تاعى ەكٸ ۇيىمدى "ەكسترەميستٸك ۇيىم" رەتٸندە تانىتۋعا كٷش سالىپ جاتىر.
ەلەۋمەتتٸك زەرتتەۋ قورىتىندىسى باسقارۋشى "ەدينايا روسسييا" پارتيياسىنىڭ بەدەلٸ بۇرىن-سوڭدى بولماعان تٶمەن دەڭگەيگە تٷسٸپ كەتكەنٸن كٶرسەتكەن.
