اق قاردىڭ كٶبەسٸ سٶگٸلدٸ. ناۋرىزدىڭ ناقىشىنداي ەر جەردەن قىلتيعان كٶك كٶرٸندٸ. ەلبەتتە, بۇل – قالا سىرتىنداعى كٶرٸنٸس. ال قالا كٶشەلەرٸ مٷلگٸپ تۇر. الدىمىزدا – قازاقتىڭ تٶل مەيرامى ناۋرىز. الايدا ناۋرىز كٶجەنٸڭ يٸسٸ ەلٸ شىققان جوق.
وسىندايدا ەسٸمٸزگە جاڭا جىل مەرەكەسٸ تٷسەدٸ. جاسىل شىرشا, جاسانعان قالا. تٸپتٸ, جاڭا جىلعا جار ايتقاندا, قازاقتىڭ ازالى ھەم عاجايىپ كٷنٸ 16 جەلتوقساننىڭ دا مىسى باسىلىپ قالادى. ون التىنشى جەلتوقسان – كٷنتٸزبە بەتٸندەگٸ قىزىل داق قانا. نەگە?
كەيبٸرٸمٸز بۇل جەردە بيلٸكتٸڭ ەش كٸنەسٸ جوق, مەسەلە حالىقتا دەگەن ەڭگٸمەگە ەڭگٷدٸكتەي يلانامىز. ال ەگەر بەرٸ حالىقتىڭ قولىندا بولسا, حالىق جاسامپاز بولسا, ەكٸمدٸك نە ٷشٸن كەرەك? ۇيىمداستىرۋشى, ٷيلەستٸرۋشٸ سول ەمەس پە?! جەلتوقساننىڭ بٸرٸنەن باستاپ شىرشا جاعىپ, كٶشەنٸ تاقىرىپقا ساي سەندەيتٸن دە – سولار. كٶشەڭٸز «مەن جاڭا جىلدى قارسى الۋعا دايىنمىن» دەپ قىزشا قيىلىپ تۇرسا, بٸزدٸڭ كٶڭٸل قايتەدٸ? ٸشتەي بولسا دا ويسىراپ, ٸشتەي بولسا دا جەڭٸلٸپ, سول مەرەكەنٸڭ جەتەگٸندە كەتەرٸمٸز ھاق. بۇل – ساناعا ەسەر ەتۋدٸڭ تٶتە جولى. وسى تەسٸلدٸ ناۋرىز مەيرامىندا قولدانسا, قوي دەگەن كٸم بار? ەكٸمدٸكتەن وسى تۋرالى سۇراپ كٶرسەڭٸز, «قارجى داعدارىسى» دەپ قالتاسىن قايىرىپ كٶرسەتەدٸ. جوق, بۇل – قارجى داعدارىسى ەمەس, بۇل – ەكٸمدٸكتەگٸ ۇلتتىق بولمىستىڭ داعدارىسى. ودان باسقا ەشتەڭە ەمەس…
كٶلگٸرسۋدەن اۋلاقپىز, بٸراق كٶشەگە قاراپ كٶڭٸل جەتٸم. قايدا ناۋرىزدىڭ يٸسٸ? ويۋ-ٶرنەك قايدا, ۇلتتىق ناقىش قايدا? قىستا اياز اتا مەن اقشاقار قىز تۇرعان جەرگە قازاقتىڭ اق ساقالدى اتاسى مەن اق كيمەشەكتٸ ەجەسٸنٸڭ مٷسٸنٸن سومداسا, قانداي كەرٸم?! جيىرما بٸرٸ كٷنٸ ورتالىق كٶشەنٸ تاس بەكٸتٸپ, جاعالاي كيٸز ٷي تٸگۋمەن بٸتەتٸن بۇل نە مەيرام?
قازاقتىڭ قازاقستانداعى مەملەكەت قۇراۋشى ۇلت ەكەنٸ راس بولسا, ول ۇلتتىڭ بەدەلٸ باسقادان بيٸك بولۋى تيٸس. قازاقتى سىيلاتۋ ٷشٸن مەرەكەسٸن كەلەكە ەتپەگەن جٶن. ونسىز دا «تٷيە باققان قازاق» دەگەن اتپەن ٷش عاسىر قويداي جۋساپ جاتتىق. ەندٸ ٶز دەستٷرٸمٸزدٸ دەرٸپتەپ, ۇلتتىق قۇندىلىعىمىزدى ۇلىقتايىق. تاريحتان تاعىلىم ايتىپ, «التىن وردانىڭ» بەل بالاسى ەكەنٸمٸزدٸ بٸلدٸرٸپ, «تەپسٸنٸپ كەلگەندە, تەڭ اتانىڭ ۇلى ەكەنٸمٸزدٸ» نەگە كٶرسەتپەيمٸز?
15-18 ناۋرىز ارالىعى امال نەمەسە كٶرٸسۋ كٷنٸ ەكەنٸ بەلگٸلٸ. ناۋرىز مەيرامى وسى كٷننەن باستالۋى كەرەك. ال وعان دايىندىق اي باسىنان جاسالسىن. جەتٸم قىزدىڭ تويىنداي ەتپەسٸن ۇلىق مەيرامىمىزدى. كٶكەيدەگٸ سٶز – وسى.
ايتپاقشى, وسى سايلاۋ بٸزدٸڭ ۇلتتىق مەرەكەمٸزگە اينالىپ بارا جاتقان جوق پا? قازٸر بٸزدٸڭ كٶشەدەن سايلاۋدىڭ يٸسٸ اڭقيدى. تاقىرىپقا ساي پارتييالار مەن ٷمٸتكەرلەردٸڭ سۋرەتٸمەن بەزەندٸرٸلٸپ جاتىر قالامىز. ەسكەريلەر ايتپاقشى, «ۇرىس ۇرىسىمەن, تاماق ۋاقىتىمەن» بولۋى كەرەك قوي.
جانات جاڭقاشۇلى,
ايماقتىق «ارقا اقشامى» قوعامدىق-ساياسي گازەتٸ (№10(144) 10 ناۋرىز 2016 جىل)
