قازاقستاندا 2022 جىلعى ناۋرىزدا جەكە سەيكەستەندٸرۋ نٶمٸرٸن العان رەسەيلٸكتەردٸڭ سانى 2021 جىلعى ناۋرىزبەن سالىستىرعاندا 14 ەسە ارتقان, - دەپ حابارلايدى Tengrinews.kz.
ٸشكٸ ٸستەر مينيسترلٸگٸ ٶكٸلٸ بىلتىر رەسەيدٸڭ 14 717 ازاماتى جسن العانىن ايتتى. ال 2022 جىلدىڭ العاشقى ٷش ايىندا جسن 12 840 رەسەيلٸككە بەرٸلگەن.
قازاقستاندا تٸركەلگەن رەسەيلٸكتەر سانى 2022 جىلعى ناۋرىزدا ٶسكەن. بٸر اي ٸشٸندە 10 995 رەسەي ازاماتى جسن العان. ال 2021 جىلعى ناۋرىزدا 783 ادام العان, سالىستىرمالى تٷردە ٶسٸم 14 ەسەدەن اسادى.
ٸشكٸ ٸستەر مينيسترلٸگٸنٸڭ مەلٸمەتٸنشە, ۋكراينا ازاماتتارىنا قاتىستى شاما ايتارلىقتاي كٶپ ەمەس. 2021 جىلى قازاقستاندا 1087 ۋكراينالىق جسن العان. ايىنا 70-تەن 128 ادامعا دەيٸن تٸركەلگەن. بيىل بۇل كٶرسەتكٸش ازداپ قانا ٶسكەن. قاڭتاردا 42 ۋكراينالىق جسن العان, اقپاندا - 80, ال ناۋرىزدا - 198 ادام.
قازاقستاندىقتار جەكە سەيكەستەندٸرۋ نٶمٸرلەرٸن تۋعان كەزدە بٸردەن الادى. جسن قازاقستاندا 2007 جىلى ەنگٸزٸلگەندٸكتەن, بٷگٸندە بارلىق ازاماتتىڭ جەكە كۋەلٸكتەرٸ مەن تۋۋ تۋرالى كۋەلٸكتەرٸندە بۇل نٶمٸر بار.
قازاقستاندا شەتەلدٸكتەرگە جسن قاجەت:
- بانكتە شوت اشۋ قاجەت بولسا;
- شەتەل ازاماتى قازاقستاندا ورنالاسقان كٶزدەردەن تابىس الاتىن بولسا;
- سالىق سالىناتىن مٷلٸكتٸ ساتىپ الۋ كەزٸندە, مىسالى, اۆتوكٶلٸك;
- قازاقستان رەزيدەنتٸ - زاڭدى تۇلعانىڭ باسشىسى نەمەسە رەزيدەنت ەمەس - زاڭدى تۇلعا فيليالىنىڭ باسشىسى بولىپ تاعايىندالعان كەزدە.
شەتەل ازاماتتارىنا جسن الۋ ٷشٸن قازاقستاندا بولۋ مٸندەتتٸ ەمەس. ونى سەنٸمحات بويىنشا جاساۋعا بولادى.
