قازاقستاندىقتار بيىل 120 كٷن دەمالادى. سول 120 كٷننٸڭ 14 كٷنٸ - ناۋرىزعا, 10 كٷنٸ - مامىرعا دٶپ كەلٸپ تۇر. وسى رەتتە دەمالىستا ازىراق اقشا جۇمساۋ ٷشٸن, ياعني ارزان باعادا دەمالۋ ٷشٸن قازاقستاندىقتارعا قانداي امال قاراستىرعان جٶن? بۇل ورايدا «تۋريستٸك قامقور» كورپوراتيۆتٸ قورى بٸرشاما پايدالى كەڭەس بەرٸپ وتىر, دەپ حابارلايدى قازاقپارات تٸلشٸسٸ.
كورپوراتيۆتٸك قور ماماندارىنىڭ بولجاۋىنشا, ناۋرىزدا قازاقستاندىقتار جيٸ دەمالاتىن ەڭ تانىمال ەلدەر - باە, تايلاند, مىسىر, ٷندٸستان, شري لانكا, يندونەزييا, مالايزييا, ۆەتنام, يوردانييا, حاينان, دومينيكان, كانار ارالدارى, كۋبا بولۋى مٷمكٸن.
«دەمالىس ٷشٸن الدىن الا برونداۋ قىزمەتٸن پايدالانعان جٶن. بٸراق ەدەتتە الدىن الا برونداۋ كەمٸندە ٷش اپتادان 3-6 ايعا دەيٸنگٸ مەرزٸمدٸ قامتيدى. سول سەبەپتٸ سەۋٸر-مامىرداعى ىڭعايلى دەمالىسىڭىزدى بٷگٸننەن ويلاستىرعانىڭىز جٶن. مىسالى, تٷرٸك, مىسىر, تاي جەنە باە باعىتتارىنداعى تۋرلاردى الدىن الا برونداعان كەزدە (3-6 اي ارالىعى «ەرتە» بولىپ ەسەپتەلەدٸ) سٸزگە 30-50 پايىزعا دەيٸن جەڭٸلدٸكتەر ۇسىنادى. 60 پايىزعا دەيٸن جەڭٸلدٸك جاساۋعا دايىن جومارت قوناق ٷيلەر دە بار», - دەپ كەڭەس بەرەدٸ كورپوراتيۆتٸ قور.
جالپى, تۋرلاردى الدىن الا برونداۋ دەگەن جالپى نە? مامانداردىڭ ايتۋىنشا, ارزان تۋردى ساتىپ الۋ ٷشٸن مٸندەتتٸ تٷردە سوڭىنا دەيٸن سوزۋ جەنە ۋاقىتشا جەڭٸلدٸكپەن تەز ارادا ساتىلاتىن جولدامالارعا جارماسۋ مٸندەتتٸ ەمەس ەكەندٸگٸن قازاقستاندىقتار ەلٸ تولىق تٷسٸنە قويعان جوق.
«كٶپتەگەن وتانداستار ٷشٸن شەتەلدە دەمالۋ - ۇزاق ۋاقىت جوسپارلاناتىن, بارلىق ۇساق-تٷيەك ەسكەرٸلەتٸن جەنە ويلاستىرىلاتىن ٶمٸرٸندەگٸ ەڭ ماڭىزدى وقيعا سەكٸلدٸ كٶرٸنەدٸ. الدىن الا برونداۋ سەنٸمدٸلٸكتٸ, جايلىلىقتى باعالايتىن وتانداستارىمىز ٷشٸن ىڭعايلى. شىنىندا برونداۋ جىل باسىندا باستالىپ, سەۋٸر ايىنا دەيٸن جالعاسادى. ال كەي جاعدايلاردا ودان دا كەش بولۋى مٷمكٸن. وسىعان ۇقساس قىزمەت «ىستىق» ماۋسىم باستالعانعا دەيٸن الدىن الا قوناق ٷيدٸ تاڭداۋعا عانا ەمەس, سونىمەن قاتار, تۋروپەراتوردان قوماقتى جەڭٸلدٸك الۋعا دا مٷمكٸندٸك بەرەتٸنٸ راس», - دەيدٸ ماماندار.
ساياحاتتى جاقسى كٶرەتٸندەرگە 2019 جىلى قازاقستان بٸرقاتار جاڭا اۆياقاتىناس اشاتىنىن دا ايتا كەتۋ كەرەك. ياعني, وتانداستارىمىز ٷشٸن جاڭا مٷمكٸندٸكتەر مەن باعىتتار اشىلماق. جاڭا اۆياقاتىناستار تٸكەلەي بولادى, ياعني ۇشاقتان ۇشاققا اۋىسىپ مٸنٸپ جٷرمەيسٸز.
«پراگا, ۇلان-باتىر مەن توكيو. العاشقى ەكٸ باعىتتا «سكات» قىزمەت كٶرسەتەتٸن بولادى. «سكات» اۆياپاركٸ ەكٸ جاڭا بوينگپەن تولىقتىرىلادى. ۇلان-باتىرعا العاشقى رەيس 2 ماۋسىمدا جاسالادى. مونعوليياعا بيلەت ساتىلىمى اشىق. ەلەمنٸڭ ەڭ سۋىق استاناسى ۇلان-باتىرداعى تۋريستەردٸڭ نەگٸزگٸ ەرمەگٸ - بي مەن حالىق ەنٸ, وپەرا جەنە بالەت تەاترلارى. ەيگٸلٸ شىڭعىسحاننىڭ ٶمٸر سٷرگەن جەنە قىزمەت ەتكەن جەرلەرٸ, مونعولييانىڭ نەگٸزٸن قالاۋشى قولباسشى تۋعان دۋلۋن-بولدوگ اۋىلى بويىنشا ەكسكۋرسييالار اسا تانىمال», - دەلٸنگەن حابارلامادا.
سونداي-اق, «سكات» جازدا باتۋمي, كراسنودار, سوچيگە اۆيارەيستەردٸ قايتا جانداندىرادى. وسى قالالارعا ارنالعان تٸكەلەي رەيستەر استانادان جٷزەگە اسىرىلادى. سونداي-اق, ەرەۆان مەن مينەرالدى سۋلارعا اۆيا رەيستەر ەسكەرٸلگەن. ٶز كەزەگٸندە ەزٸربايجاندىق اۆياجەلٸلەر باكۋ-الماتى-باكۋ باعىتى بويىنشا جاڭا اۆياقاتىناستاردى اشۋعا نيەت بٸلدٸرٸپ وتىر. بٸرٸنشٸ رەيس 2 سەۋٸردە جاسالماق. ەزٸربايجاندىق تاسىمالداۋشى Airbus A319 ىڭعايلى ۇشاقتارىمەن اپتاسىنا ەكٸ رەت (سەيسەنبٸ مەن سەنبٸ) الماتىعا ۇشۋدى جوسپارلاپ وتىر.
