شۋاقتى ناۋرىز مەرەكەسٸنە وراي ورتالىق ازييا مەملەكەتتەرٸنٸڭ باسشىلارى بٸرلەسكەن مەلٸمدەمە جاسادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
***
بٸز, قازاقستان رەسپۋبليكاسى, قىرعىز رەسپۋبليكاسى, تەجٸكستان رەسپۋبليكاسى, تٷرٸكمەنستان, ٶزبەكستان رەسپۋبليكاسى پرەزيدەنتتەرٸ ورتالىق ازييا حالىقتارىن بٷكٸل ٶڭٸرٸمٸزگە ورتاق ناۋرىز مەرەكەسٸمەن شىن جٷرەكتەن قۇتتىقتايمىز.
2010 جىلعى 23 اقپاندا بٸرٸككەن ۇلتتار ۇيىمى باس اسسامبلەياسىنىڭ قارارىمەن بۇل مەيرام ناۋرىز – حالىقارالىق كٷنٸ دەپ تانىلعانىن جەنە ونى يۋنەسكو-نىڭ ادامزاتتىڭ ماتەريالدىق ەمەس مەدەني مۇرالارى تٸزٸمٸنە ەنگٸزگەنٸن ەرەكشە اتاپ ٶتەمٸز.
ٶزٸنٸڭ مىڭجىلدىق تاريحىندا ناۋرىز مەيرامى تابيعاتتىڭ جەنە قوعامنىڭ قايتا تٷلەۋٸ مەن جاڭارۋىنىڭ, ادامزات بالاسىنىڭ رۋحاني تازارۋى مەن ٶزٸن-ٶزٸ دامىتۋىنىڭ نىشانىنا اينالدى. وسى شۋاقتى دا قاستەرلٸ مەرەكە اماندىقتى, بٸرلٸكتٸ, باۋىرلاستىق پەن ٶزارا قولداۋدى تانىتىپ, بٸزدٸڭ ەلدەرٸمٸزدٸ بٸرٸكتٸرەتٸن بارلىق مەدەني-تاريحي قۇندىلىقتاردى دەرٸپتەيدٸ. بۇل – ورتاق اتا-بابامىزدان قالعان ۇلى مۇرا. بٸز ونى ساقتاۋىمىز جەنە دامىتۋىمىز قاجەت.
ناۋرىزدى تويلاۋ كەزەڭٸ بارلىق زاماندا ادامي جەنە وتباسىلىق قارىم-قاتىناستاردىڭ, دوستىق پەن تاتۋ كٶرشٸلٸك بايلانىستاردىڭ نىعايۋىمەن, كٶرشٸلەر اراسىنداعى ەرەكشە قوناقجايلىلىقتىڭ كٶرٸنٸس تابۋىمەن قاتار كەلگەن. بۇل ورتاق تاريح, مەدەنيەت, دەستٷر, تۇرمىس ارقىلى بٸرٸككەن ەلدەرٸمٸز ٷشٸن قازٸر دە ماڭىزدى.
وسى مەيرام قارساڭىندا بٷكٸل ٶڭٸرٸمٸزدٸڭ قاۋٸپسٸزدٸگٸن, تۇراقتىلىعى مەن ورنىقتى دامۋىن قامتاماسىز ەتۋ ماقساتىمەن ٶڭٸرلٸك ىنتىماقتاستىققا, ٶزارا قولداۋعا, ٶزەكتٸ مەسەلەلەردٸ بٸرلەسٸپ شەشۋگە نيەت بٸلدٸرۋٸمٸزدٸڭ زور سيمۆولدىق مەنٸ بار.
ٶزارا تيٸمدٸ ساۋدا-ەكونوميكالىق جەنە ينۆەستيتسييالىق ىنتىماقتاستىق, ٶڭٸرلٸك ترانزيت-كٶلٸك ينفراقۇرىلىمنىڭ كەڭەيۋٸ, سۋ-ەنەرگەتيكالىق, ازىق-تٷلٸك ەلەۋەتتەرٸن ۇتىمدى يگەرۋ, ٶندٸرٸس جەنە ٶڭدەۋ سالالارىن دامىتۋ, وزىق تەحنولوگييالار مەن يننوۆاتسييالاردى قولدانۋ, تسيفرلىق ەكونوميكا جولىنداعى ٸلگەرٸلەۋ ورتالىق ازييا ەلدەرٸ ەل-اۋقاتىنىڭ تۇراقتى تٷردە ٶسۋٸن قامتاماسىز ەتۋگە سەپتٸگٸن تيگٸزەدٸ.
بٸز حالىقتارىمىزدىڭ اراسىنداعى ٶزارا قۇرمەت, دوستىق پەن باۋىرلاستىق قاتىناستاردى ساقتاۋعا جەنە نىعايتۋعا دەگەن تاريحي جاۋاپكەرشٸلٸكتٸ سەزٸنە وتىرىپ, مەدەنيەت پەن ٶنەر, بٸلٸم مەن عىلىم, تۋريزم جەنە سپورت سالالارىنداعى ٶزارا ىقپالداستىقتى تەرەڭدەتۋگە شاقىرامىز.
كٶكتەمگٸ كٷن مەن تٷننٸڭ تەڭەلۋٸ, رۋحاني تازارۋ مەن جاڭارۋ مەرەكەسٸنٸڭ قارساڭىندا قازاقستان, قىرعىزستان, تەجٸكستان, تٷرٸكمەنستان, ٶزبەكستان حالىقتارىنا, سونداي-اق جەر بەتٸندەگٸ بارشا حالىقتارعا بەيبٸتشٸلٸك, مولشىلىق جەنە قۋانىش تٸلەپ, ٶسٸپ-ٶركەندەۋلەرٸنە نيەتتەستٸگٸمٸزدٸ بٸلدٸرەمٸز.
ناۋرىز مەيرامى ەر ٷيگە اماندىق پەن باق-بەرەكە ەكەلسٸن!
