فوتو:depositphotos.com
"ناۋرىز" يپوتەكاسىنا ٶتٸنٸشتەر ماۋسىمنىڭ اياعىنا دەيٸن قابىلدانادى. بۇل تۋرالى "وتباسى بانك" فيليالىنىڭ ديرەكتورى - باسقارۋشى ديرەكتور جانسۇلتان ماتاي ايتتى, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
"وتباسى بانك" فيليالى ديرەكتورىنىڭ ايتۋىنشا, ولار جاڭا يپوتەكاعا قاتىسۋشىلاردى مازالاپ نەمەسە اسىقتىرماۋ ٷشٸن وسىنداي شەشٸمگە كەلگەن.
"ٶتٸنٸش بٸلدٸرۋشٸلەردٸ اسىقتىرماۋ ٷشٸن ماۋسىمنىڭ اياعىنا دەيٸن ٶتٸنٸشتەردٸ قابىلداۋعا ەلٸ بٸر جارىم اي ۋاقىت بار. بٷگٸن ٷلگەرمەگەندەردە ەلٸ مٷمكٸندٸك بار. ياعني, بٸرٸنشٸ كٷنٸ نەمەسە سوڭعى كٷنٸ ٶتٸنٸش بەرگەنٸڭٸز ماڭىزدى ەمەس. سوندىقتان اسىعۋدىڭ قاجەتٸ جوق, ٶتٸنٸش بەرگەندە بارلىق قاجەتتٸ قۇجاتتاردى جيناعانى دۇرىس", – دەيدٸ ماتاي.
بٷگٸندە "ناۋرىز" باعدارلاماسى بويىنشا 17 432 قازاقستاندىق ٶتٸنٸش بەرٸپ, ونىڭ 8 945-ٸ قابىلداندى. بۇل تۋرالى "وتباسى بانك" اق باسقارما تٶراعاسى لياززات يبراگيموۆا ايتتى. اتالعان باعدارلاما 25 سەۋٸردە ٸسكە قوسىلعان.
"10 مامىرداعى جاعداي بويىنشا 17 432 قازاقستاندىق ٶتٸنٸش بەردٸ. ونىڭ ٸشٸندە 8 945 ٶتٸنٸش قابىلداندى. ولاردىڭ جارتىسى, ياعني 3 955 ٶتٸنٸش تۇرعىن ٷيگە كەزەكتە تۇرعان حالىقتىڭ ەلەۋمەتتٸك وسال توبىنان تٷسكەن. بۇل – كٶپبالالى وتباسىلار, جەتٸم بالالار, تۇرعىن ٷيٸ اپاتتى دەپ تانىلعاندار", - دەدٸ لياززات يبراگيموۆا وكق-دا ٶتكەن باسپاسٶز مەسليحاتىندا.
باعدارلاماعا تٷسكەن ٶتٸنٸشتەردٸڭ 57 پايىزىن ەيەلدەر جٸبەرگەن, ال تٷسكەن بارلىق ٶتٸنٸشتٸڭ 62 پايىزى 35 جاسقا دەيٸنگٸ جاستار.
"ەڭ جاس ٶتٸنٸش بەرگەن ازامات – تٷركٸستان وبلىسىنىڭ تۇرعىنى. ول – 18 جاستا", - دەدٸ باسقارما تٶراعاسى.
