ناتو رەسەيدٸ كەرچ بۇعازىندا ۇستاعان ۋكراين ەسكەري كەمەلەرٸ مەن تەڭٸزشٸلەرٸن دەرەۋ بوساتۋعا شاقىردى. ناتو باس حاتشىسى يەنس ستولتەنبەرگ 26 قاراشادا بريۋسسەلدە ٶتكەن باسپاسٶز كونفەرەنتسيياسىندا "ۋكراينا كەمەلەرٸنە ەسكەري كٷش قولدانۋدى اقتاۋعا بولمايدى" دەپ مەلٸمدەدٸ.
ستولتەنبەرگتٸڭ سٶزٸنشە, رەسەي كەرچ بۇعازىنداعى ەرەكەتٸنٸڭ كەرٸ سالدارى بولاتىنىن ۇعىنۋى كەرەك. ستولتەنبەرگ ۋكرايناعا قولداۋ بٸلدٸرٸپ, ەكٸ ەل "ۇستامدىلىق تانىتۋى" قاجەت ەكەنٸن ايتتى.
26 قاراشادا ۇلىبريتانييا رەسەيدٸڭ ۋكراينا كەمەلەرٸن تۇتقىنداعانىن ايىپتاعان. ۇلىبريتانييا پرەمەر-مينيسترٸنٸڭ ٶكٸلٸ دجەيمس سلاك كەرچ بۇعازىنداعى وقيعا رەسەي بيلٸگٸنٸڭ ايماقتاعى تۇراقتىلىقتى بۇزۋعا تالپىنىپ وتىرعانىن دەلەلدەيتٸنٸن مەلٸمدەدٸ.
