قازاقستان رەسپۋبليكاسى ٷكٸمەتٸ الاڭىندا ٶتكەن باسپاسٶز كونفەرەنتسيياسى بارىسىندا قر اۋىل شارۋاشىلىعى مينيسترٸ ساپارحان وماروۆ استىق نارىعىنداعى احۋال مەن نان باعاسى تۋرالى ايتىپ بەردٸ, دەپ حابارلايدى "ۇلت اقپارات".
ونىڭ ايتۋىنشا, نان باعاسى تۇراقتى بولىپ قالادى, باعانىڭ ايتارلىقتاي اۋىتقۋ جاعدايلارى كٷتٸلمەيدٸ.
«جىل باسىندا مەن نان باعاسىنىڭ ٶسۋٸن تەجەۋ تۋرالى ايتتىم. ازىق-تٷلٸك كورپوراتسيياسى ارزانداتىلعان استىقتى ناۋبايحانالارعا 100-دەن 150 مىڭ تونناعا دەيٸن ساتادى. بٸز 100 مىڭ توننا استىق ساتتىق. سودان بەرٸ نان باعاسى تۇراقتى», — دەدٸ س. وماروۆ.
سونىمەن بٸرگە, اۋىل شارۋاشىلىعى مينيسترٸ اۋا-رايى جاعدايلارىنا بايلانىستى بيىل 1-1,5 تونناعا از ٶنٸم جيناۋ بولجالعانىن اتاپ ٶتتٸ. بۇل جاعداي ٸشكٸ نارىققا ەسەر ەتپەيدٸ.
«ەگەر بٸز 19 ملن توننا استىق جيناساق, ونىڭ 9 ميلليونى ٸشكٸ نارىقتا قالادى, بٸز 7-8 ميلليون تونناسىن ەكسپورتتايمىز, 2 ميلليون توننا استىق قالادى. سونىمەن قاتار, بٸزدە بىلتىرعىدان قالعان استىق بار. ونىڭ كٶلەمٸ – 1,5 ميلليون توننانى قۇرايدى. جالپى, بٸزدە ٸشكٸ نارىقتى قامتاماسىز ەتۋ ٷشٸن استىق جەتكٸلٸكتٸ», — دەدٸ مينيستر.
سونىمەن قاتار, س. وماروۆ اتاپ ٶتكەندەي, ازىق-تٷلٸك كەلٸسٸمشارت كورپوراتسيياسى ساتىپ الاتىن 1 ميلليون توننا استىقتىڭ ٸشٸندە نان ٶندٸرۋشٸلەر ٷشٸن 150 مىڭ توننا كٶلەمٸندە, قۇس فابريكالارۆ ٷشٸن 100 مىڭ توننا كٶلەمٸندە رەزەرۆ بار.
