ٶزبەكستان رەسپۋبليكاسىنىڭ نامانگان قالاسىنان تٷركٸ ەلەمٸندە يسلام دٸنٸنٸڭ كەڭ تارالۋىنا ەرەكشە لەپ بەرٸپ, سوپىلىق نەگٸزدەرٸنٸڭ دەنٸن ەككەن ەيگٸلٸ قوجا احمەت ياساۋي شەجٸرەسٸنٸڭ بٸر نۇسقاسى مەن يسلام ەلەمٸنە ەيگٸلٸ ون بٸر شايىقتىڭ ەسٸمٸ جازىلعان مٶر تابىلدى.
اتالمىش جەدٸگەرلەر قر مەدەنيەت جەنە سپورت مينيسترلٸگٸ, «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸ ۇيىمداستىرعان «ياساۋي ٸزٸمەن» عىلىمي-ەكسپەديتسيياسى اياسىندا تالىعان بولاتىن, دەپ حابارلايدى "ۇلت اقپارات" ەزٸرەت سۇلتان مەملەكەتتٸك تاريحي-مەدەني قورىق-مۋزەٸنٸڭ رەسمي سايتىنا سٸلتەمە جاساپ.
سايتتاعى مەلٸمەتتەرگە قاراعاندا, احمەت ياساۋيدٸڭ تاريحىنا قاتىستى قۇندى مۇرالار تۇراتىن ياساۋيدٸڭ ۇرپاعى, عۇلاما عالىم شاريفحۋجاەۆ يبراحيمجان قاجىنىڭ قولىندا ساقتالعان.
98 جاستاعى يبراحيمجان اقساقال تٷركٸستان قالاسىنىڭ تۋماسى. احمەت ياساۋي كەسەنەسٸنٸڭ جانىندا ٶمٸر سٷرٸپتٸ. دٸني سەنٸمدەرگە قارسى اتەيستٸك كٶزقاراس دەندەگەن كەزەڭدە تٷركٸستان قالاسىنان دا كٶپتەگەن تاقۋا جاندار قۋدالاۋعا تٷسٸپ, كٸتاپتارى ٶرتەلٸپ, قيىن كەزەڭدەردٸ باستان ٶتكەرەدٸ. بۇل زوبالاڭ احمەت ياساۋي ۇرپاقتارىنا قاتتى سوققى بولعان. سول سەبەپتٸ ەكەسٸنەن ەرتە ايرىلعان يكرامجان قارييا 10 جاسىندا اناسى ەكەۋٸ باس ساۋعالاپ نامانگانعا تىعىلىپتى. اتا-بالالارىنان ۇرپاقتان-ۇرپاققا جەتكەن ناسابناما مەن مٶردٸ ساقتاپ قالۋ ٷشٸن نامانگان جەرٸندە دە كٶپ قيىندىقتار كٶرگەن.
«ەكەم تٷركٸستاندا جەرلەندٸ. ال انام نامانگاندا جاتىر. بٸزگە بۇل جاقتا دا وڭاي بولعان جوق. اتادان بالاعا مۇرا بولىپ كەلە جاتقان اماناتتى ساقتاپ قالۋ انام ەكەۋمٸزدٸڭ باستى پارىزىمىز بولدى. قاراڭعىدا جاسىرىنىپ جٷرٸپ, ارىق-اتىزدار مەن ەلەۋسٸز جەرلەرگە كٶمدٸك. جەر استىندا كٶپ جاتقاندىقتان ناسابنامانىڭ كەيبٸر جەرلەرٸنٸڭ بوياۋى ٶزگەرٸپ, شٸري باستادى. كٶزٸمنٸڭ تٸرٸسٸندە بۇل اماناتتى بابام جاتقان جەرگە تابىستاۋدى ارمانداپ جٷرگەن ەدٸم», - دەدٸ يبراحيمجان قاجى.
نامانگاننان تابىلعان ناسابناما نۇسقاسى شاعاتاي تٸلٸندە جازىلعان. ۇزىندىعى - 2,5 مەتر. مۇرانىڭ قاي عاسىرعا جاتاتىنى ەزٸرگە بەلگٸسٸز. الداعى ۋاقىتتا «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸ تاراپىنان ناسابناما دا جازىلعان دەرەكتەرگە قاتىستى تولىققاندى عىلىمي-زەرتتەۋ جۇمىستارى جٷرگٸزٸلەتٸن بولادى.
نامانگان عانا ەمەس بٷكٸل رەسپۋبليكا جۇرتىنىڭ قۇرمەتٸنە بٶلەنگەن عۇلاما عالىم يبراحيمجان اقساقالدىڭ سەگٸز ۇل, ٷش قىزىنان تاراعان ۇرپاق ٷلكەن ەۋلەتكە اينالعان.
«ۇل-قىزدارىم قوجا احمەت ياساۋي ۇرپاقتارىنان بولعاندىعىن قۋانىشپەن ايتادى. ٷلكەن ۇلىم دٸني ٸلٸمدٸ مەڭگەرٸپ, زەرتتەۋ جۇمىستارى بويىنشا مەنٸڭ جولىمدى جالعاستىردى», - دەيدٸ قارييا.
يكرامجان قاجى ٶز ٷيٸنٸڭ بٸر بٶلمەسٸنەن قوجا احمەت ياساۋي مەن تٷركٸستانعا ارناپ شاعىن مۇراجاي اشىپتى. مۇراجايعا ياساۋيدٸڭ شەجٸرەسٸنە قاتىستى ناسابنامانىڭ كٶشٸرمەسٸ مەن مٶرٸن جەنە تٷركٸستانعا قاتىستى سۋرەتتەر مەن كٸتاپتار قويعان.
ەلباسى نۇرسۇلتان ەبٸشۇلى نازارباەۆتىڭ «بولاشاققا باعدار:رۋحاني جاڭعىرۋ», «ۇلى دالانىڭ جەتٸ قىرى» باعدارلامالىق ماقالالارى اياسىندا قوجا احمەت ياساۋيگە قاتىستى دەرەكتەر مەن مۇرالاردى جان-جاقتى زەرتتەۋ, ٸزدەۋ, ۇرپاققا اماناتتاۋ ماقساتىندا قولعا الىنعان «ياساۋي ٸزٸمەن» عىلىمي-ەكسپەديتسييالىق جوباسى تاشكەنت قالاسىندا جالعاسادى.
