كوروناۆيرۋس ينفەكتسيياسىن جۇقتىرعان بۇرىنعى دەنساۋلىق ساقتاۋ ۆيتسە-مينيسترٸ كامالجان نادىروۆ حالىقتى ساقتانۋعا شاقىردى, دەپ حابارلايدى "ۇلت اقپارات".
«قۇرمەتتٸ دوستار, ەرٸپتەستەر! ٶزدەرٸڭٸز بٸلەتٸندەي, قازٸر مەن ەلورداداعى ستاتسيونارلاردىڭ بٸرٸندە جاتىرمىن. ماعان قاتىستى جاڭالىق وسىنشاما رەزونانس تۋعىزار دەپ ويلاعان جوقپىن. قولداۋ بٸلدٸرگەن لەبٸزدەردٸ وقىپ جاتىرمىن. قولداۋلارىڭىز ماعان كٷش بەرەدٸ. سٸزدەرگە كٶپ راحمەت», - دەپ جازدى كامالجان نادىروۆ Facebook پاراقشاسىندا.
بۇرىنعى ۆيتسە-مينيستر اۋرۋدى جەڭٸل كٶتەرٸپ جاتقانىن ايتادى.
«دەرٸگەرلەر بارىنشا جٸگەرلٸ ەرٸ ٷيلەسٸمدٸ, كەسٸبي جۇمىس ٸستەۋدە. وسى ۋاقىتقا دەيٸن شەبەرلٸگٸن شىڭداعانى كٶرٸنٸپ تۇر. ولار ناعىز باتىرلار! ولارعا تاعزىم ەتەم. قىزمەت بابىمەن ايماقتاردى ارالاپ, ەرٸپتەستەرمەن كەزدەسٸپ, اۋرۋحانالاردا بولدىم. اۋرۋدى جۇقتىرىپ الۋ قاۋپٸن ەسكەرە وتىرىپ, COVID-19 بويىنشا قايتا-قايتا تەستٸلەۋدەن دە ٶتٸپ جٷردٸم. بۇرىن تەست نەتيجەلەرٸنٸڭ بەرٸ دە جۇقتىرماعانىمىزدى كٶرسەتكەن ەدٸ. بٸراق كەشە كەشكە نەتيجە باسقاشا بولىپ شىقتى. بۇل بٸزدٸڭ كٶزگە كٶرٸنبەيتٸن جاۋىمىزدىڭ قانشالىقتى زۇلىم ەكەنٸن تاعى بٸر مەرتە كٶرسەتٸپ وتىر», - دەيدٸ ول.
كامالجان نادىروۆ ەمحاناعا جاتپاعاندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى قىزمەتٸندە جۇمىسىن باستاۋى كەرەك ەدٸ.
«قالاي ساۋىعام, سولاي قاتارعا قايتا قوسىلىپ, ٶزٸمە تاپسىرىلعان اۋماقتا جۇمىسىمدى جالعاستىرا بەرەمٸن. ەزٸرشە قاشىقتان ەڭبەك ەتەمٸن. قازاقستاندىقتارعا تاعى دا ايتارىم: ۆيرۋس بٸز ويلاعاننان دا جاۋىز. ونىڭ كەي ادامنىڭ بويىندا كٶرٸنبەي تٸرشٸلٸك ەتۋٸ – بٸزدٸڭ دياگنوستيكانى كٷردەلەندٸرە تٷسەدٸ. سول سەبەپتٸ الدىن الۋدىڭ بارلىق قامىن قاراستىرعان ابزال. وقشاۋلانۋ كەرەك. ٶزدەرٸڭٸزدٸ ساقتاڭىزدار!» - دەپ جازادى كامالجان نادىروۆ.
