مىسىردا جوعالعان قازاقستاندىق ستۋدەنتتەردٸڭ جٷرٸس-تۇرىسىنان جات دٸن بەلگٸلەرٸ بايقالعان ەمەس. بۇل تۋرالى باق ٶكٸلدەرٸنە قر سىرتقى ٸستەر مينيسترلٸگٸ باسپاسٶز قىزمەتٸنٸڭ جەتەكشٸسٸ ەنۋار جايناقوۆ مەلٸم ەتتٸ, دەپ حابارلايدى "ۇلت اقپارات".
«بٸزدەگٸ مەلٸمەتتەرگە سەيكەس, التى قازاقستاندىق ستۋدەنت 20 شٸلدەدەن باستاپ جاقىندارىمەن بايلانىسقا شىقپاعان. ولاردىڭ ەكەۋٸ 11 شٸلدە كٷنٸ ەكٸ ايلىق تٸلدٸك كۋرستان ٶتۋ ٷشٸن كايرگە كەلگەن. بارلىعى بٸر پەتەردە تۇرعان. 20 شٸلدەدەن باستاپ ولارمەن بايلانىس ٷزٸلگەن. سول سەتتەن باستاپ قازاقستاندىق ديپلوماتتار ٸزدەۋ شارالارىنا كٸرٸسٸپ كەتتٸ. قازاقستاننىڭ ەلشٸلٸگٸ مىسىردىڭ سىرتقى ٸستەر مينيسترلٸگٸنە قازاقستاندىق ازاماتتاردى ٸزدەۋگە جەنە قاي جەردە ەكەندٸكتەرٸن انىقتاۋعا جەردەم بەرۋلەرٸن ٶتٸنٸپ نوتا جولدادى. قازٸرگٸ ۋاقىتتا قازاقستاندىقتاردى ٸزدەۋ جۇمىستارى جالعاسۋدا. مەنٸڭ بٸلۋٸمشە, ولار «نيل» دەپ اتالاتىن وقۋ ورنىندا بٸلٸم الىپ جاتقان. ەلشٸلٸگٸمٸزدٸڭ دەرەگٸنشە, ولاردىڭ جٷرٸس-تۇرىسىنان دەستٷرلٸ ەمەس دٸني سەنٸم بەلگٸلەرٸ بايقالماعان», - دەدٸ جايناقوۆ.
ەسكە سالا كەتسەك, مىسىردا جوعالىپ كەتكەن قانات بەرٸككە ايبول يسابەك ەسٸمدٸ ەلەۋمەتتٸك جەلٸ قولدانۋشى Facebook ارقىلى ٸزدەۋ جارييالاعان بولاتىن. ونىڭ جازۋىنشا, قانات 11 شٸلدە كٷنٸ دوسى ەلامان جازىلحانمەن مىسىرعا ۇشىپ كەتكەن.
«الماتىدان شاردج قالاسىنا ۇشقان. شاردجدان الەكساندريياعا. بارعان سەتتە قر ەلشٸلٸگٸنە تٸركەلگەن. 20 شٸلدە كٷنٸ ەكەۋٸ دە بايلانىسقا شىقپاي قالدى. ەگيپەتتەگٸ قازاقستان كونسۋلى ەرشات ولاردىڭ قايدا ەكەنٸن بٸلمەيدٸ. ولاردى ٸزدەستٸرۋگە بارشاڭىزدان كٶمەك سۇرايمىن! سوڭعى دەرەك بويىنشا, تاعى 4 بالا جوعالعان. جالپى سانى 6 قازاقستاندىق ستۋدەنت جوعالىپ كەتتٸ», - دەپ جازدى ول.
