مىسىردا جوعالىپ كەتكەن 6 قازاقستاندىق ستۋدەنتتٸ كايردٸڭ قۇقىق قورعاۋ ورگاندارى ۇستاپ وتىر. بۇل جايىندا قر سىرتقى ٸستەر مينيسترلٸگٸ باسپاسٶز قىزمەتٸنٸڭ جەتەكشٸسٸ ەنۋار جايناقوۆ فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
"بٸزدٸڭ ديپلوماتتارىمىزدان مىسىردا جوعالعان قازاقستاندىق ستۋدەنتتەردٸ ٸزدەستٸرۋ نەتيجەسٸ بويىنشا الدىن الا اقپارات تٷستٸ. جاڭا عانا سەنٸمدٸ كٶزدەردەن الىنعان اقپارات بويىنشا اتالعان قازاقستاندىق ستۋدەنتتەردٸ كاير قالاسىندا قۇقىق قورعاۋ ورگاندارىنىڭ قىزمەتكەرلەرٸ ۇستاپ العان جەنە ولار وسى ەلدٸڭ اۋماعىندا. ولاردىڭ ٶمٸر مەن دەنساۋلىعىنا تٶنگەن قاتەر جوق", - دەپ جازدى ول.
جايناقوۆتىڭ اتاپ ٶتۋٸنشە, قازٸرگٸ كەزدە قازاقستاننىڭ مىسىرداعى ەلشٸلٸگٸ مىسىر تارابىنان بٸزدٸڭ ازاماتتارىمىزدىڭ ۇستالۋى, قازٸرگٸ ورنى مەن جاعدايلارى تۋرالى رەسمي جاۋاپ تالاپ ەتۋدە.
«تاياۋ ارادا قازاقستان ەلشٸسٸ مىسىر سىرتقى ٸستەر مينيسترٸنٸڭ ورىنباسارىمەن وسى مەسەلەگە بايلانىستى كەزدەسۋ ٶتكٸزبەك. قوسىمشا اقپارات مىسىر تارابىمەن كەلٸسسٶزدەر نەتيجەسٸ بويىنشا حابارلاناتىن بولادى. وسى مەسەلە قازاقستان سىرتقى ٸستەر مينيسترلٸگٸ باسشىلىعىنىڭ ەرەكشە جەنە ٷنەمٸ باقىلاۋىندا», - دەدٸ ەنۋار جايناقوۆ.
