مىسىر اراب رەسپۋبليكاسى (مار) پارلامەنتٸندە قازاقستان ەلشٸسٸ ارمان يساعاليەۆپەن ٶتكەن كەزدەسۋ بارىسىندا ۋاقىپتار مينيسترٸ مۇحتار دجۋماا كايردەگٸ سۇلتان بەيبارىس مەشٸتٸن قالپىنا كەلتٸرۋ ٷشٸن مىسىر ٷكٸمەتٸ 181 ميلليون فۋنت (ياعني, 10,5 ميلليون اقش دوللارى) بٶلگەنٸن جارييالادى, دەپ حابارلايدى سىرتقى ٸستەر مينيسترلٸگٸنٸڭ باسپاسٶز قىزمەتٸ.
«بۇعان قوسا, ۋاقىپتار مينيسترلٸگٸ ٶز قاراجاتىنان بۇل جوبانى تەز اياقتاۋ ماقساتىندا قوسىمشا 10 ميلليون فۋنت بەرگەنٸن باسىپ ايتتى. بۇل جاڭالىق قازاقستان مەن مىسىر اراسىنداعى تاريحي بايلانىستىڭ رەمٸزٸنە اينالعان قازاق دالاسىنىڭ پەرزەنتٸ سۇلتان بەيبارىستىڭ مۇراسىن جاڭعىرتۋ جۇمىستارى كٶپ ۇزاماي اياقتالادى دەگەن سەنٸم ۇيالاتادى» دەلٸنگەن حابارلامادا.
2007 جىلعى 28 قازاندا قر مەن مار ٷكٸمەتتەرٸ اراسىندا قول قويىلعان كەلٸسٸم نەگٸزٸندە اتالعان مەشٸتتٸ رەستاۆراتسييالاۋ جوباسى جەنە ونىڭ 12,0 ملن اقش دوللارى مٶلشەرٸندە بيۋدجەتٸ بەكٸتٸلگەن ەدٸ. كەلٸسٸمگە سەيكەس, اتالعان سومانىڭ 4,5 ملن اقش دوللارىن قازاقستان تاراپى بٶلدٸ, ال قالعان بٶلٸگٸن مىسىر ٷكٸمەتٸ قارجىلاندىرۋى تيٸس ەدٸ. جوبا 2011 جىلدىڭ قازانىندا اياقتالۋى كەرەك بولعان, الايدا مىسىرداعى سول كەزدە بولعان ساياسي جەنە ەكونوميكالىق داعدارىس سەبەبٸمەن توقتاپ قالعان ەدٸ.
2018 جىلعى قازان ايىندا, ياعني 7 جىلدان سوڭ, سۇلتان بەيبارىس مەشٸتٸنٸڭ رەستاۆراتسييالاۋ جۇمىستارى قايتا باستالدى. جوبا مار كٶنە ەسكەرتكٸشتەر مينيسترلٸگٸ جەنە باس مەردٸگەر «اراب كونتراكتورس» كومپانيياسى ٸسكە اسىرادى. مەشٸتتٸڭ شاڭىراقتى بٶلمەلەرٸ, دەلٸزٸ, كٷمبەزٸ, مۇنارالارى قايتا كٶتەرٸلٸپ, ورتالىق الاڭ مەن سىرتقى قابىرعالارى جٶندەۋ جۇمىستارى جٷرگٸزٸلەدٸ. جوبانىڭ تەحنيكالىق باقىلاۋىن مىسىرلىق ارحەولوگتار مەن تاريحي سەۋلەتشٸلەردەن قۇرىلعان ارنايى كوميسسييا تەكسەرەدٸ.
كٶلەمٸ بويىنشا مىسىردا ەكٸنشٸ ورىندا تۇرعان بۇل مەشٸت قالپىنا كەلتٸرٸلگەننەن كەيٸن ەلدەگٸ ەڭ تانىمال تاريحي جەنە تۋريستٸك ورتالىقتاردىڭ بٸرٸنە اينالاتىنىنا كٷمەن جوق.
