قىزىلوردا وبلىسىندا جىل سايىن مۇناي ٶندٸرۋ كٶلەمٸ 1 ملن تونناعا دەيٸن تٶمەندەپ جاتىر. بۇل تۋرالى بٷگٸن ٷكٸمەت وتىرىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس گەولوگييالىق بارلاۋدىڭ 2021-2025 جىلدارعا ارنالعان مەملەكەتتٸك باعدارلاماسىنىڭ تۇجىرىمداماسى ەزٸرلەندٸ. بۇل مەسەلەگە مەملەكەت باسشىسى بىلتىر 5 قىركٷيەكتە اتىراۋ قالاسىندا ٶتكەن مۇناي-گاز سالاسىنا قاتىستى كەڭەستە باسا نازار اۋداردى. نەگٸزٸ ەلٸمٸزدە 8 مىڭعا جۋىق كەن ورنى تٸركەلگەن. ونىڭ ٸشٸندە 317 كٶمٸرسۋتەك, ياعني مۇناي, گاز, كوندەنسات كەن ورىندارى بار. مۇنان بٶلەك, 910 قاتتى پايدالى قازبالار كەن ورنى بولسا, 3 مىڭنان استامى كەڭ تارالعان پايدالى قازبالارعا تيەسٸلٸ. سونىمەن قاتار 4 مىڭعا جۋىعى جەراستى سۋلارى كەن ورنى بار», - دەدٸ تۇجىرىمدامانى تانىستىرعان مينيستر.
ونىڭ ايتۋىنشا, بٷگٸنگٸ كٷنٸ بٸرقاتار ٶزەكتٸ مەسەلە كٷن تەرتٸبٸندە تۇر. اتاپ ايتقاندا, مونوقالالارداعى تاۋ-كەن كەسٸپورىندارىنىڭ شيكٸزات بازاسىنىڭ تۇراقسىزدىعى, پايدالى قازبا قورلارىنىڭ ازايۋى جەنە «بايىرعى» كەن ورىندارىندا ٶندٸرۋ كٶلەمٸنٸڭ تٶمەن دەڭگەيگە تٷسۋٸ ٶزەكتٸ بولىپ وتىر.
مىسالى, قىزىلوردا وبلىسىندا جىل سايىن مۇناي ٶندٸرۋدٸڭ كٶلەمٸ 1 ملن تونناعا دەيٸن تٶمەندەۋدە. وسى مەسەلە تاياۋ ارادا اقتٶبە مەن ماڭعىستاۋ وبلىستارىندا دا بولجانۋدا. سوڭعى ون جىلدىقتا شىعىس قازاقستانداعى مونوقالالارعا جاقىن ورنالاسقان – شەمونايحا, يۋبيلەينو-سنەگيريحينسكوە, زىريانوۆسكوە ٸرٸ قورعاسىن-مىرىش كەن ورىندارىنىڭ قورى تٷگەلدەي تاۋسىلىپ, جابىلدى. 2025-2040 جىلدارعا تامان ورلوۆسكوە, مالەەۆسكوە, تيشينسكوە, ريددەر-سوكولنوە سيياقتى كەن ورىندارىندا دا پايدالى قازبا قورلارىنىڭ تولىقتاي سارقىلۋى كٷتٸلۋدە», - دەدٸ ماعزۇم مىرزاعاليەۆ.
