ەكولوگييا, گەولوگييا جەنە تابيعي رەسرۋرستار مينيسترٸ ماعزۇم مىرزاعاليەۆتٸڭ ەل الدىنداعى ەسەپتٸك كەزدەسۋٸ كەزٸندە شارىن شاتقالىنداعى قايعىلى وقيعا تۋرالى سۇراق قويىلدى, دەپ حابارلايدى قازاقپارات.
«الماتى وبلىسىندا ەكولوگييالىق تۋريزمدٸ دامىتۋدىڭ بٸرنەشە جوباسى تالقىلانىپ جاتقانىن بٸلٸپ وتىرمىز. سونىڭ ٸشٸندە شارىن شاتقالى دا بار. ول جەردە بٸر ايدا ەكٸ رەت سەل جٷرٸپ, بٸرٸ قايعىلى وقيعامەن اياقتالدى. قازٸر شارىن شاتقالى تارتىمدى تۋريستٸك اۋماقتان ٶلٸم قاۋپٸ بار نىسانعا اينالىپ وتىر. مينيسترلٸك قولعا الىپ وتىرعان ينۆەستيتسييالىق جوبادان نەگە باس تارتپايدى», - دەپ سۇرادى ساۋال يەسٸ.
ماعزۇم مىرزاعاليەۆ جاۋابىندا شارىن شاتقالىنداعى سەلدٸڭ ىقتيمال جولىنا ەشكٸم نىسان سالۋدى جوسپارلاماعانىن ەسكەرتتٸ.
«شارىنداعى ينفراقۇرلىمىعا كەلەتٸن بولساق, ەگەر مۇقييات زەرتتەگەن بولساڭىز, جوبالانىپ وتىرعان ۆيزيت ورتالىق پەن ەتنواۋىل, ساۋدا دٷرگٸرشەكتەرٸ مەن ٶزگە نىساندار شاتقالدىڭ ٸشٸنە سالىنعالى جاتقان جوق. بۇل نىساندار ٷستٸڭگٸ الاڭدا سالىنادى. ول جەردە قازٸر اۆتوكٶلٸك تۇراعى تۇر», - دەدٸ مينيستر.
سونداي-اق, ول اتالمىش جوبا بويىنشا قوعامدىق تىڭداۋ ٶتەتٸنٸن, بارلىق ەسكەرتپەلەردٸ سول جەردە ايتىپ, تٷسٸنٸكسٸز سۇراقتارعا سول جەردە جاۋاپ الۋعا بولاتىنىن تٷسٸندٸردٸ.
«بۇل مەسەلە بويىنشا قوعامدىق تىڭداۋ بولادى. سول كەزدە وسى مەسەلەلەردٸ قاراۋعا بولادى», - دەپ قايىردى ماعزۇم مىرزاعاليەۆ.
ەسەپتٸك كەزدەسۋ بارىسىندا ۆەدومستۆو باسشىسى مەملەكەت باسشىسىنىڭ تاپسىرماسى بويىنشا مينيسترلٸك ەكولوگييالىق تۋريزمدٸ دامىتۋعا كٷش سالىپ جاتقانىن اتاعان بولاتىن. اتاپ ايتساق, الماتى وبلىسىنىڭ 4 ٸرٸ ۇلتتىق پاركٸندە بٸرنەشە ينۆەستيتسييالىق جوبالاردى ٸسكە اسىرۋ كٶزدەلگەن. ەر جوبا بويىنشا ينۆەستورلار بەكٸتٸلگەن كٶرٸنەدٸ. ولار:
- «كٶلساي كٶلدەرٸ» مەملەكەتتٸك ۇلتتىق تابيعي پاركٸ بويىنشا – «اتىراۋ-رەنت» جشس»;
- «شارىن» مەملەكەتتٸك ۇلتتىق تابيعي پاركٸ بويىنشا - QazaqGeography رەسپۋبليكالىق قوعامدىق بٸرلەستٸگٸ
- «التىن ەمەل» مەملەكەتتٸك ۇلتتىق تابيعي پاركٸ بويىنشا – QazaqGeografy رەسپۋبليكالىق قوعامدىق بٸرلەستٸگٸ
- «ٸلە-الاتاۋ» مەملەكەتتٸك ۇلتتىق تابيعي پاركٸ بويىنشا – «تۋرانگا گرۋپپ» جشس.
«الماتى ٶڭٸرٸنٸڭ ۇلتتىق پاركتەرٸ بويىنشا 11 زاماناۋي ۆيزيت-ورتالىق, 5 ەكو-قوناق ٷي, 28 گلەمپينگ, 8 كەمپينگ, 4 ەتنو-اۋىل سالۋ كٶزدەلٸپ وتىر. وسى نىساندارعا جالپى كٶلەمٸ 31,5 ملرد تەڭگە جەكە ينۆەستيتسييا تارتىلادى. ۇلتتىق پاركتەردٸڭ رەكرەاتسييالىق جٷكتەمەسٸنٸڭ نورمالارىن ەسكەرسەك, تۋريستەردٸڭ كٷتٸلەتٸن اعىنى 2 ملن ادام بولماق.
قازٸرگٸ تاڭدا 3 مەملەكەتتٸك ۇلتتىق تابيعي پاركتە قاجەتتٸ ينفراقۇرىلىمنىڭ قۇرىلىسى باستالدى. «ٸلە-الاتاۋ» ۇلتتىق پاركٸندە «ايۋساي» ۆيزيت-ورتالىعى اشىلدى. ۆيزيت-ورتالىقتىڭ اينالاسىندا سوقپاقتار تازارتىلىپ, تۋريستەرگە ىڭعايلى بولۋ ٷشٸن ٶزەنگە كٶپٸر تٶسەلدٸ. ۆولونتەرلەر ەكو-مەدەنيەت بويىنشا وقىتۋ جٷرگٸزۋدە», - دەدٸ مينيستر ەسەپتٸك كەزدەسۋدە.
