Ekologiia, geologiia jáne tabiǵi resrýrstar ministri Maǵzum Myrzaǵalievtiń el aldyndaǵy eseptik kezdesýi kezinde Sharyn shatqalyndaǵy qaiǵyly oqiǵa týraly suraq qoiyldy, dep habarlaidy QazAqparat.
«Almaty oblysynda ekologiialyq týrizmdi damytýdyń birneshe jobasy talqylanyp jatqanyn bilip otyrmyz. Sonyń ishinde Sharyn shatqaly da bar. Ol jerde bir aida eki ret sel júrip, biri qaiǵyly oqiǵamen aiaqtaldy. Qazir Sharyn shatqaly tartymdy týristik aýmaqtan ólim qaýpi bar nysanǵa ainalyp otyr. Ministrlik qolǵa alyp otyrǵan investitsiialyq jobadan nege bas tartpaidy», - dep surady saýal iesi.
Maǵzum Myrzaǵaliev jaýabynda Sharyn shatqalyndaǵy seldiń yqtimal jolyna eshkim nysan salýdy josparlamaǵanyn eskertti.
«Sharyndaǵy infraqurlymyǵa keletin bolsaq, eger muqiiat zerttegen bolsańyz, jobalanyp otyrǵan vizit ortalyq pen etnoaýyl, saýda dúrgirshekteri men ózge nysandar shatqaldyń ishine salynǵaly jatqan joq. Bul nysandar ústińgi alańda salynady. Ol jerde qazir avtokólik turaǵy tur», - dedi ministr.
Sondai-aq, ol atalmysh joba boiynsha qoǵamdyq tyńdaý ótetinin, barlyq eskertpelerdi sol jerde aityp, túsiniksiz suraqtarǵa sol jerde jaýap alýǵa bolatynyn túsindirdi.
«Bul másele boiynsha qoǵamdyq tyńdaý bolady. Sol kezde osy máselelerdi qaraýǵa bolady», - dep qaiyrdy Maǵzum Myrzaǵaliev.
Eseptik kezdesý barysynda vedomstvo basshysy memleket basshysynyń tapsyrmasy boiynsha ministrlik ekologiialyq týrizmdi damytýǵa kúsh salyp jatqanyn ataǵan bolatyn. Atap aitsaq, Almaty oblysynyń 4 iri ulttyq parkinde birneshe investitsiialyq jobalardy iske asyrý kózdelgen. Ár joba boiynsha investorlar bekitilgen kórinedi. Olar:
- «Kólsai kólderi» memlekettik ulttyq tabiǵi parki boiynsha – «Atyraý-Rent» JShS»;
- «Sharyn» memlekettik ulttyq tabiǵi parki boiynsha - QazaqGeography respýblikalyq qoǵamdyq birlestigi
- «Altyn Emel» memlekettik ulttyq tabiǵi parki boiynsha – QazaqGeografy respýblikalyq qoǵamdyq birlestigi
- «Ile-Alataý» memlekettik ulttyq tabiǵi parki boiynsha – «Týranga Grýpp» JShS.
«Almaty óńiriniń ulttyq parkteri boiynsha 11 zamanaýi vizit-ortalyq, 5 eko-qonaq úi, 28 glemping, 8 Kemping, 4 etno-aýyl salý kózdelip otyr. Osy nysandarǵa jalpy kólemi 31,5 mlrd teńge jeke investitsiia tartylady. Ulttyq parkterdiń rekreatsiialyq júktemesiniń normalaryn eskersek, týristerdiń kútiletin aǵyny 2 mln adam bolmaq.
Qazirgi tańda 3 memlekettik ulttyq tabiǵi parkte qajetti infraqurylymnyń qurylysy bastaldy. «Ile-Alataý» ulttyq parkinde «Aiýsai» vizit-ortalyǵy ashyldy. Vizit-ortalyqtyń ainalasynda soqpaqtar tazartylyp, týristerge yńǵaily bolý úshin ózenge kópir tóseldi. Volonterler eko-mádeniet boiynsha oqytý júrgizýde», - dedi ministr eseptik kezdesýde.
