الماتى وبلىسىندا مەملەكەتتٸك كٸرٸستەر دەپارتامەنتٸنٸڭ قىزمەتكەرٸنە زاڭسىز سىياقى بەرمەك بولعان ازامات 336 مىڭ 700 تەڭگە ايىپپۇل تٶلەدٸ. وقيعا قاراساي اۋدانىندا بولعان, دەپ حابارلايدى "ۇلت اقپارات".
«2018 جىلدىڭ مامىر ايىندا جەكە كەسٸپكەر رەتٸندە تٸركەۋدە جوق ەكەندٸگٸ تۋرالى انىقتاما الۋ ٷشٸن ا.ەسٸمدٸ ازامات ٶتٸنٸشپەن قاراساي اۋدانى بويىنشا مكب-نا جٷگٸندٸ. مەملەكەتتٸك كٸرٸستەر ورگانىنىڭ قىزمەتكەرٸ ا. ەسٸمدٸ ازاماتقا وسى انىقتامانى الۋ رەسٸمٸ تۋرالى كەڭەستەر بەرٸپ, ٶزٸنٸڭ فۋنكتسيونالدىق مٸندەتتەرٸن جٷزەگە اسىرا وتىرىپ, اتالمىش انىقتامانى بەردٸ. الايدا, ا. ەسٸمدٸ ازامات تاراپىنان ارانداتۋ سيپاتتاعى تالپىنىستار جٷزەگە اسىرىلدى. دەلٸرەك ايتقاندا, مەملەكەتتٸك كٸرٸستەر قىزمەتكەرٸن حاباردار ەتپەي 1000 تەڭگە مٶلشەرٸندە اقشالاي قاراجات تاستاپ كەتۋگە نيەتتەندٸ», - دەپ مەلٸم ەتتٸ الماتى وبلىسى بويىنشا مەملەكەتتٸك كٸرٸستەر دەپارتامەنتٸنٸڭ باسپاسٶز قىزمەتٸ.
وسى جايتقا بايلانىستى مەملەكەتتٸك كٸرٸستەر قىزمەتكەرٸ ا. ەسٸمدٸ ازاماتقا تيٸستٸ شارا قولدانۋ ٷشٸن ٸشكٸ قاۋٸپسٸزدٸك باسقارماسىنا جٷگٸنگەن. نەتيجەسٸندە, ا.ەسٸمدٸ ازاماتقا قاتىستى قر ەقبتك-نٸڭ 676-بابىندا قاراستىرىلعان ەكٸمشٸلٸك قۇقىق بۇزۋشىلىق بەلگٸلەرٸ بويىنشا ەكٸمشٸلٸك ٶندٸرٸس (جەكە تۇلعانىڭ زاڭسىز ماتەريالدىق سىياقى ۇسىنۋى) قوزعالدى. قاراساي اۋداندىق ارناۋلى ەكٸمشٸلٸك سوتىنىڭ شەشٸمٸمەن مىڭ تەڭگە بەرمەك بولعان ادامعا 336 700 تەڭگە ايىپپۇل سالىنعان.
وسىعان ۇقساس جاعداي الماتى وبلىسىنىڭ ٸلە اۋدانى بويىنشا مەملەكەتتٸك كٸرٸستەر باسقارماسىندا دا تٸركەلٸپ وتىر.
قازٸر ٸس الماتى وبلىسىنىڭ قاراساي اۋداندىق ارناۋلى ەكٸمشٸلٸك سوتىنا بەرٸلدٸ.
