Almaty oblysynda memlekettik kirister departamentiniń qyzmetkerine zańsyz syiaqy bermek bolǵan azamat 336 myń 700 teńge aiyppul tóledi. Oqiǵa Qarasai aýdanynda bolǵan, dep habarlaidy "Ult aqparat".
«2018 jyldyń mamyr aiynda jeke kásipker retinde tirkeýde joq ekendigi týraly anyqtama alý úshin A.esimdi azamat ótinishpen Qarasai aýdany boiynsha MKB-na júgindi. Memlekettik kirister organynyń qyzmetkeri A. esimdi azamatqa osy anyqtamany alý rásimi týraly keńester berip, óziniń fýnktsionaldyq mindetterin júzege asyra otyryp, atalmysh anyqtamany berdi. Alaida, A. esimdi azamat tarapynan arandatý sipattaǵy talpynystar júzege asyryldy. Dálirek aitqanda, memlekettik kirister qyzmetkerin habardar etpei 1000 teńge mólsherinde aqshalai qarajat tastap ketýge niettendi», - dep málim etti Almaty oblysy boiynsha memlekettik kirister departamentiniń baspasóz qyzmeti.
Osy jaitqa bailanysty Memlekettik kirister qyzmetkeri A. esimdi azamatqa tiisti shara qoldaný úshin Ishki qaýipsizdik basqarmasyna júgingen. Nátijesinde, A.esimdi azamatqa qatysty QR ÁQBtK-niń 676-babynda qarastyrylǵan ákimshilik quqyq buzýshylyq belgileri boiynsha ákimshilik óndiris (jeke tulǵanyń zańsyz materialdyq syiaqy usynýy) qozǵaldy. Qarasai aýdandyq arnaýly ákimshilik sotynyń sheshimimen myń teńge bermek bolǵan adamǵa 336 700 teńge aiyppul salynǵan.
Osyǵan uqsas jaǵdai Almaty oblysynyń Ile aýdany boiynsha memlekettik kirister basqarmasynda da tirkelip otyr.
Qazir is Almaty oblysynyń Qarasai aýdandyq arnaýly ákimshilik sotyna berildi.
