"مەن قازاقپىن مىڭ ٶلٸپ, مىڭ تٸرٸلگەن" دەگەن جولدى تامىرى تەرەڭگە جايىلعان تاريحىمىزدا باسىمىزعا تٷسكەن قاسٸرەتتەن امان شىققانىمىز ٷشٸن ايتىلعان دەپ تٷسٸنۋشٸ ەدٸم بۇعان دەيٸن.
عاسىرلار ٸشٸندە ەمەس, شٸرٸگەن رەجيم, شٷكٸرشٸل قوعام جاعدايىندا 30 جىلدا-اق مىڭ ٶلٸپ, مىڭ تٸرٸلە بەرەدٸ ەكەنسٸڭ.
جاڭاٶزەندە حالىقتى اتقاندا, بٸر ٶلدٸك, تىرتىعى قالسا دا, جارانى امالداپ جازۋعا تىرىستىق.
ۇلان-بايتاق جەرٸ بار مەملەكەتتە ورىن تابا الماي, شەكارا اسىپ جاتقان باۋىرلارىمىزعا قاراپ, تاعى ٶلدٸك, تٸرشٸلٸك قىلۋ كەرەك بولعان سوڭ, كٷندە تٸرٸلۋگە مەجبٷرمٸز.
بۇرىن-سوڭدى تاريحىمىزدا بولماعانداي, قازاق قانداسىن دٸني ەكسترەميزم جولىندا مەرت قىلعاندا دا ٶلدٸك, جان باعۋ كەرەك, كٶز جۇمدىق, ارى قاراي جٷردٸك.
ٶز جەرٸندە كٷنٸن كٶرە الماي جٷرگەن قازاق, امال نەشٸك, اۋزىڭا قاراپ وتىرعان بالالارىڭ وتىر, جانىمىزدى ورامالعا تٷيدٸك تە, سٷيرەلەڭدەپ كەلەمٸز.
كەشە دەنيس تەندٸ پىشاقتاعاندا جانىمىزدى سۋىرىپ العانداي بولدى, جىلادىق, قايعىردىق, بۇدان دا ٶتتٸك.
بۇل جولى دا ٸشٸمٸزدە بٸرنەرسە ٷزٸلدٸ, قابىرعامىز قايىستى, كەشەدەن بەرٸ كٶزٸمنەن جاس كەتەر ەمەس. پەرٸشتەلەردٸڭ ٶلٸمٸنە مەنٸڭ دە كٸنەم بار. ٷندەمەدٸك, قارسى ايتپادىق, قورىقتىق. ەلٸ دە قورقىپ كەلەمٸز. شٸرٸگەن بيلٸك ازا تۇتۋ كٷنٸن جارييالاۋعا بارا الماي تۇر. بۇل جولى دا ٶلدٸم, ٸشٸمدە ەندٸ ٷمٸت تٸرٸلە قويماس.
قۇداي پەك جاندارىڭدى بٸزدٸڭ توزاققا قييا الماي العان شىعار. كەشٸرٸڭدەر بٸزدٸ. جاندارىڭ جانناتا بولسىن.
باقىتجان بۇقاربايدىڭ فەيسبۋكتاعى جازباسىنان
