سيرييا مەن يراكتا تاس-تالقان جەڭٸلٸسكە ۇشىراعان "يسلام مەملەكەتٸ"* سودىرلارى ورتالىق جەنە وڭتٷستٸك-شىعىس ازيياعا بەت الدى, دەپ مەلٸمدەدٸ رەسەيدٸڭ قورعانىس مينيسترٸ سەرگەي شويگۋ.
"يسلام مەملەكەتٸ" تاس-تالقان بولعان سوڭ, سيرييا مەن يراكتاعى سودىرلار باسقا ايماقتارعا, ونىڭ ٸشٸندە ورتا جەنە وڭتٷستٸك-شىعىس ازيياعا بەت الدى. ول جاقتا جاڭا تەررورلىق ۇياشىقتار پايدا بولىپ جاتىر", — دەدٸ شويگۋ سەيسەنبٸ كٷنٸ پەكيندەگٸ شىۇ ەلدەرٸ قورعانىس مينيسترلەرٸنٸڭ باس قوسۋىندا, دەپ حابارلايدى Sputnik Kazakhstan ريا نوۆوستي اگەنتتٸگٸنە سٸلتەمە جاساپ.
رەسەي مينيسترٸنٸڭ سٶزٸنە سٷيەنسەك, تەرروريستەر زاماناۋي قارۋ-جاراقتاردى پايدالانادى, ولاردىڭ ٸشٸندە شابۋىل جاسايتىن دروندار دا بار.
"پيلوتسىز ۇشۋ اپپاراتتارى 100 كيلومەتر قاشىقتىقتان ۇرىس جٷرگٸزۋگە مٷمكٸندٸك بەرەدٸ. ولاردى دامىعان مەملەكەتتەردٸڭ تەحنيكالىق قولداۋ كٶرسەتۋٸنسٸز جاساۋ مٷمكٸن ەمەس. بۇل قۇرالداردى حالىق تىعىز قونىستانعان اۋدانداردا پايدالانسا, ورنى تولماس زاردابىن تيگٸزۋٸ ىقتيمال", — دەپ مەلٸمدەدٸ شويگۋ.
بىلتىر جەلتوقساندا رەسەي پرەزيدەنتٸ ۆلاديمير پۋتين "يسلام مەملەكەتٸنٸڭ" سيريياداعى ەۆفرات ٶزەنٸنٸڭ قوس جاعاسىندا دا جەڭٸلٸسكە ۇشىراعانىن مەلٸمدەدٸ. رەسەي قارۋلى كٷشتەرٸنٸڭ باس شتابى باسشىسى ۆالەريي گەراسيموۆ اتاپ ٶتكەندەي, سيرييا اراب رەسپۋبليكاسى يسلام مەملەكەتٸ تەرروريستەرٸنەن تولىعىمەن ازات ەتٸلدٸ, ال دەير-ەز-زوردا قالعان سودىرلاردىڭ كٶزٸ جويىلعان.
"يسلام مەملەكەتٸ" — قازاقستاندا, رەسەيدە جەنە باسقا دا بٸرقاتار ەلدە تىيىم سالىنعان تەررورلىق ۇيىم.
