«بٸر قاراعاندا ارحەولوگييا مەن جاھاندىق جىلىنۋ اراسىندا ەش بايلانىس جوق سيياقتى كٶرٸنەدٸ. دەگەنمەن, مۇزدىقتاردىڭ ەرۋٸ نەتيجەسٸندە بٷگٸنگٸ كٷنگە دەيٸن ٶتە جاقسى كٷيدە ساقتالعان ەسكەرتكٸشتەر تابىلۋدا», - دەپ جازادى Slate.fr باسىلىمى.
اۆتوردىڭ جازۋىنشا, بٷگٸنگٸ تاڭدا مۇز ارحەولوگيياسى دەگەن جاڭا عىلىمي پەن پايدا بولعان.
«مۇز ارحەولوگيياسى - مۇز استىنداعى تاريحي ەسكەرتكٸشتەردٸ تاۋىپ, زەرتتەۋمەن اينالىسادى. مۇنداي زاتتار مۇز استىندا قاتىپ قالعاندىقتان, جاقسى كٷيدە ساقتالعان», - دەيدٸ شۆەيتساريياداعى ۆال تاريحي مۋزەيٸنٸنٸڭ قىزمەتكەرٸ پەر-يۆ نيكو.
«عىلىمي پەن رەتٸندە مۇز ارحەولوگيياسى بٸرەگەي سالا سانالادى. بٸرٸنشٸدەن, ونىڭ پايدا بولۋىنىڭ ٶزٸ ەرەكشە. 1991 جىلى قىركٷيەك ايىندا يتاليا - اۆسترييا شەكاراسىندا جٷرگەن جۇپ مۇز استىنان شىققان ادام دەنەسٸن تاۋىپ العان. ول مۋمييا ەتستال تاۋىنىڭ قۇرمەتٸنە ەتسي اتالىپ كەتتٸ. عالىمدار باسىندا بۇل جوعالىپ كەتكەن الپينيست دەنەسٸ دەپ ويلادى. ال ارحەولوگتار دەنەنٸڭ 5 مىڭ جىل بۇرىنعى مۋمييا ەكەنٸن انىقتادى», دەپ جازادى اۆتور.
ونىڭ سٶزٸنە قاراعاندا, مۇز ارحەولوگيياسىنىڭ باستى مٸندەتٸ ەجەلگٸ كەزەڭدەگٸ تاۋ تۇرعىندارىنا باسقاشا كٶزقاراس ۇسىنۋ.
«مۇز استىنان تابىلعان كيٸمدەر مەن اكسەسساۋارلاردىڭ ساپاسى تاڭعالدىرادى. الپٸ تاۋلارىنىڭ ماڭىنان 2800 مەتر تەرەڭدٸكتە تابىلعان زاتتار ب.ز.د. 3800-3700 جىلدارداعى ەدٸسپەن جاسالعان. كەيبٸر تەرٸ اياق كيٸمدەر تٸپتٸ ب.ز.د. VIII-VI عاسىرعا تەن», دەيدٸ نيكو.
ونىڭ پايىمىنا قاراعاندا, جاھاندىق جىلىنۋ نەتيجەسٸندە مۇزدار جىلدام ەرٸپ, مۇز استىنداعى تاريحي ەسكەرتكٸشتەر سۋ بەتٸنە شىعىپ, ٶتە جىلدام بۇزىلىپ جاتىر.
«سول سەبەپتٸ ادامدار تاريحي وبەكت تاۋىپ السا, ونى قوزعاماي, ارحەولوگتارعا حابارلاۋى كەرەك», دەيدٸ ول.
