تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين حالىق الدىنداعى ەسەپ بەرۋ كەزدەسۋٸندە تۋريستٸك ورىندارعا ۇيالى بايلانىس تارتۋ ٷشٸن مەملەكەتتەن قارجى بٶلٸنۋ كەرەكتٸگٸن ايتتى, دەپ حابارلايدى قازاقپارات.
«ۇلتتىق پاركتەر مەن تۋريستٸك سوقپاقتارعا ۇيالى بايلانىس تاراتۋ ٷشٸن بازالىق ستانسالار كەرەك. بازالىق ستانسا بولۋى ٷشٸن انتتەنالى-ماچتالىق قۇرىلعىلار سالۋ قاجەت. ونى ورناتۋ ونشا قيىن بولماعانىمەن, وعان ەلەكتر جەتكٸزۋ قيىن. سوندىقتان بٸز وسى جۇمىستاردىڭ شىعىنىن باعالاپ, مەدەنيەت مينيسترلٸگٸنە جولدايمىز. وسىدان كەيٸن مەدەنيەت مينيسترلٸگٸ قاجەت قاراجاتتىڭ كٶزٸن ٸزدەيدٸ», - دەدٸ ۆەدومستۆو باسشىسى.
سونداي-اق, ول ەلٸمٸزدە 1 200 اۋىلدا 4G جولاعىنىڭ تيٸستٸ جەلٸسٸ تارتىلماعانىنن ەسكە سالدى.
«تۋريستٸك ەلەۋەتتٸ دامىتىپ, تىم بولماعاندا SOS سيگنال جٸبەرەتٸندەي مٷمكٸندٸك تۋعىزۋ ٷشٸن جەنە ۇيالى تەلەفون بايلانىسىن جەتكٸزۋ ٷشٸن مەملەكەت ناقتى قاراجات بٶلۋٸ كەرەك. ونىڭ جولدارىن تيٸستٸ مينيسترلٸكپەن بٸرگە پىسىقتايمىز», - دەدٸ باعدات مۋسين.
