Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin halyq aldyndaǵy esep berý kezdesýinde týristik oryndarǵa uialy bailanys tartý úshin memleketten qarjy bóliný kerektigin aitty, dep habarlaidy QazAqparat.
«Ulttyq parkter men týristik soqpaqtarǵa uialy bailanys taratý úshin bazalyq stansalar kerek. Bazalyq stansa bolýy úshin anttenaly-machtalyq qurylǵylar salý qajet. Ony ornatý onsha qiyn bolmaǵanymen, oǵan elektr jetkizý qiyn. Sondyqtan biz osy jumystardyń shyǵynyn baǵalap, Mádeniet ministrligine joldaimyz. Osydan keiin Mádeniet ministrligi qajet qarajattyń kózin izdeidi», - dedi vedomstvo basshysy.
Sondai-aq, ol elimizde 1 200 aýylda 4G jolaǵynyń tiisti jelisi tartylmaǵanynn eske saldy.
«Týristik áleýetti damytyp, tym bolmaǵanda SOS signal jiberetindei múmkindik týǵyzý úshin jáne uialy telefon bailanysyn jetkizý úshin memleket naqty qarajat bólýi kerek. Onyń joldaryn tiisti ministrlikpen birge pysyqtaimyz», - dedi Baǵdat Mýsin.
