مۇناي باعاسى ايتارلىقتاي قىمباتتادى – Brent ماركالى مۇنايدىڭ باررەلٸنٸڭ قۇنى $70 بولدى.
ساراپشىلاردىڭ اتاپ ٶتۋٸنشە, مۇنداي نەتيجە 2019 جىلدىڭ مامىرىنان بەرٸ العاش رەت تٸركەلٸپ وتىر, دەپ حابارلايدى Investing.com.
ساراپشىلار مۇنداي ٶسٸمدٸ تاياۋ شىعىستاعى جاعدايدىڭ ٶرشۋٸمەن بايلانىستىرىپ وتىر.
لوندون بيرجاسىنداعى ساۋدا-ساتتىق بارىسىندا Brent ماركالى مۇنايدىڭ باعاسى نۇر-سۇلتان ۋاقىتىمەن 7:15-تە 70,16 دوللاردى قۇراپ, مۇنىڭ الدىنداعى ساۋدا كٷنٸمەن سالىستىرعاندا 2,08%-عا قىمبات بولدى.
سوڭعى رەت Brent باررەلٸنٸڭ باعاسى مامىردىڭ سوڭىندا $70-كە جەتكەن ەدٸ. ول كەزدە دە مۇنايدىڭ قىمباتتاۋى پارسى شىعاناعىنداعى وقيعالارعا بايلانىستى بولدى.
