«2014 جىلى مۇناي باعاسى قۇلدىراعاننان كەيٸن كٶپتەگەن كومپانييالار پايدا تابۋ ٷشٸن جۇمىسىن وڭتايلاندىردى. ال بۇل جولى قاتەلەسۋگە بولمايدى. ەگەر مۇناي تاسىمالداۋشى نەمەسە الۋشى كومپانييالار شىعىنى مەن ينۆەستيتسيياسىن قىسقارتاتىن بولسا, بولاشاق رەزەرۆٸندە ٷلكەن جىرىق پايدا بولادى», - دەپ جازادى The Times باسىلىمى.
باسىلىمنىڭ جازۋىنشا, ٶتكەن اپتاداعى رەسەي مەن ساۋد ارابيياسىنىڭ اراسىنداعى كەلٸسپەۋشٸلٸك كەسٸرٸنەن وپەك+ اليانسى قۇلاپ, مۇناي الۋداعى شەكتەۋ تۋرالى كەلٸسٸم دە ورىندالمايتىن بولدى.
«كٶپشٸلٸگٸ بەنزين مەن باسقا دا جانارماي باعاسىنىڭ تٶمەندەگەنٸنە قۋانۋى مٷمكٸن. دەگەنمەن, مۇناي كومپانييالارىن قۇقىقتىق جۇمىستار كٷتٸپ تۇر.
«مۇنداي كومپانييالار قارىز بەن كاپيتال ەسەبٸنەن قارجىلاندىرىلادى. مۇناي كومپانييالارىنىڭ قارىزى تٷپتەپ كەلگەندە جەر قويناۋىنداعى قورعا بايلانىستى. ال مۇناي باعاسى قۇلدىراعان سايىن قوردىڭ دا ازايۋىنان بانكتەر مەن باسقا دا نەسيەلەندٸرۋ ورىندارى قارىزدى جابۋعا كەپٸلدٸك بولمايتىنىنا الاڭداي باستايدى», - دەپ جازادى اۆتور.
ونىڭ ايتۋىنشا, 2014 جىلى مۇناي باعاسى قۇلدىراعان كەزدە كٶپتەگەن كومپانييا تٶلەم قابٸلەتتٸلٸگٸنەن ايىرىلدى. بۇل جولى دا وسى وقيعا قايتالانۋى مٷمكٸن. بۇل مۇناي ٶندٸرۋشٸلەرگە عانا ەمەس, تاسىمالداۋ كومپانييالارىنا دا قاتىستى.
«كەي كومپانييالار تٶمەن باعامەن اكتيۆ ساتىپ الۋ مٷمكٸندٸكتەرٸنە يە بولا الادى. ال كەيبٸرەۋٸ قارىزدارىنان قۇتىلۋ ٷشٸن اكتيۆتەرٸن ساتىپ جٸبەرۋگە مەجبٷر بولادى. دەگەنمەن مۇناي باعاسىنىڭ تۇراقسىزدىعىنان كومپانييالار قانداي دا بٸر كەلٸسٸم جاساۋدى ەزٸرگە توقتاتا تۇراتىنى انىق», - دەپ جازىلعان ماقالادا.
