"قازاتومٶنەركەسٸپ" ۇلتتىق كومپانيياسىنىڭ بۇرىنعى جەتەكشٸسٸ, قازاقستاندىق قۇقىق قورعاۋشىلار "ساياسي تۇتقىن" ساناتىنا قوسقان مۇحتار جەكٸشەۆ شارتتى جازامەن بوستاندىققا شىعاتىن بولدى. بٷگٸن, 3 ناۋرىزدا سەمەي قالالىق №2 سوتى مۇحتار جەكٸشەۆتٸڭ مەرزٸمٸنەن ەرتە بوساتۋ تۋرالى ٷشٸنشٸ ٶتٸنٸشٸن قاناعاتتاندىردى.
سوت شەشٸمٸ بويىنشا, مۇحتار جەكٸشەۆ "پروباتسييالىق باقىلاۋعا الىنادى, جازا مەرزٸمٸ تولىق اياقتالمايىنشا قازاقستان اۋماعىنان شىعارىلمايدى".
سوت وتىرىسىنا قازاقستاننىڭ ەر تٷكپٸرٸنەن قوعام بەلسەندٸلەرٸ مەن مۇحتار جەكٸشەۆتٸ قولداۋشىلار, ەۋروپا مەن نۇر-سۇلتانداعى ەلشٸلٸكتەردەن كەلگەن باقىلاۋشىلار دا جينالدى. ولار سوت باستالماي تۇرىپ زالدا مۇحتار جەكٸشەۆكە بوستاندىق سۇراپ, ۇرانداتتى. جەكٸشەۆتٸڭ ٶزٸ سوتقا كەلگەن جوق, كەزەكتٸ پروتسەسكە سكايپ ارقىلى قاتىستى.
"مەنٸڭ قازاقستان ازاماتى رەتٸندەگٸ باستى ٶتٸنٸشٸم, ماعان قاتىستى قازاقستان رەسپۋبليكاسىندا قابىلدانعان زاڭ قولدانىلعانى", - دەدٸ ول.
جەكٸشەۆتٸڭ تەرتٸبٸ دۇرىس دەگەن ٷشٸنشٸ دەرەجەسٸ بار, بۇل ەڭ جاقسى كٶرسەتكٸش سانالادى. كولونييا ٶكٸلٸ ۆيدەو-كونفەرەنتس-بايلانىس ارقىلى سوتتالۋشىنىڭ مٸنەزدەمەسٸ وڭ ەكەنٸن راستادى (دۇرىس تەرتٸبٸ ٷشٸن جەتٸ مەرتە ماداقتالعان) جەنە مەرزٸمٸنەن بۇرىن شارتتى تٷردە بوساتۋعا نەگٸز بار دەپ ەسەپتەيتٸنٸن ايتتى.
بۇدان كەيٸن جەكٸشەۆتٸڭ ادۆوكاتى نۇرلان بەيسەكەەۆ سٶز سٶيلەدٸ.
"وسى ۋاقىت بويىندا جەكٸشەۆ 24 گيپەرتونييالىق كريزدٸ باستان ٶتكەردٸ. ەلٸ دە گيپەرتونييالىق شابۋىلى جالعاسىپ جاتىر. 2020 جىلعى 6 اقپانىنداعى انىقتاما بويىنشا سەمەي قالاسى مەديتسينالىق مەكەمەلەرٸندە جەكٸشەۆتٸڭ باسقا دا اۋرۋلارعا دۋشار بولعانى دەلەلدەندٸ. ونىڭ جاعدايى جاقسارماي كەلەدٸ, ناشارلاپ كەتتٸ, ال كٷنٸنە 40-تان اسا دەرٸ قابىلداۋى كەرەك", - دەدٸ ادۆوكات.
پروكۋرور سۋديادان ادۆوكات نۇرلان بەيسەكەەۆتٸڭ جەكٸشەۆتٸ شارتتى تٷردە مەرزٸمٸنەن بۇرىن بوساتۋ تۋرالى ٶتٸنٸشٸن قاناعاتتاندىرماۋدى سۇراعان بولاتىن. ايتۋىنشا, سوتتالۋشى 99 ميلليارد تەڭگە شىعىننىڭ تەك 200 مىڭ تەڭگەسٸن عانا ٶتەگەن.
بىلتىر 24 شٸلدەدە سەمەي قالاسىنىڭ №2 سوتى تٷرمەدە وتىرعانىنا 10 جىلدان اسقان مۇحتار جەكٸشەۆتٸڭ شارتتى جازامەن مەرزٸمٸنەن بۇرىن بوستاندىققا شىعارۋ تۋرالى ٶتٸنٸشٸن قاناعاتتاندىرۋدان باس تارتقان. سەمەي سوتى "جەكٸشەۆ مەملەكەتكە كەلتٸرگەن 99,6 ميلليارد تەڭگە (قازٸرگٸ كۋرسپەن 258 ميلليون دوللار) شىعىندى ٶتەمەگەنٸن" ايتقان. قىركٷيەك ايىنداعى اپەللياتسييالىق سوت بۇرىنعى شەشٸمدٸ ٶزگەرتپەدٸ.
سوتتىڭ الدىندا جەنە ودان كەيٸن قازاقستاننىڭ بٸرنەشە قالاسىندا بيلٸكتەن جەكٸشەۆتٸ بوساتۋدى تالاپ ەتكەن نارازىلىق اكتسييالارى ٶتتٸ.
مۇحتار جەكٸشەۆتٸ ساياساتتانۋشىلار "بٸلٸكتٸ مەنەدجەر" دەپ سانايدى. ول 2009 جىلى مامىردىڭ 21-ٸنە "قازاتومٶنەركەسٸبٸ" كومپانيياسىنىڭ باسشىسى قىزمەتٸنەن الىنىپ, مامىردىڭ 24-ٸنە تۇتقىندالعان. "ۆەنادا (اۆسترييا) "قازاتومٶنەركەسٸپ" كومپانيياسىنىڭ زاڭسىز ٶكٸلدٸگٸن اشۋ ارقىلى پايدا تاپتى, استىرتىن كاسسا ۇستادى, كٷزەتشٸسٸنە قوسىمشا ەڭبەكاقى تٶلەپ كەلگەن" دەگەن ايىپپەن 14 جىلعا سوتتالعان.
2012 جىلى ماۋسىم ايىندا مۇحتار جەكٸشەۆتٸڭ ٷستٸنەن قوزعالعان تاعى بٸر ٸس بويىنشا استانا قالاسىنداعى سارىارقا اۋدانىنىڭ №2 سوتى ٷكٸم شىعاردى.
وعان "ٸرٸ كٶلەمدەگٸ الاياقتىق" (قىلمىستىق كودەكستٸڭ 177-بابى) جەنە "ٶزٸنە سەنٸپ تاپسىرىلعان بٶتەن مٷلكٸن يەمدەنٸپ, شىعىنداۋ" (176-باپ), "زاڭداستىرۋ" (193-باپ), "قىلمىستىق توپ قۇرۋ" (235-باپ), "قىزمەتتٸك ٶكٸلەتٸن اسىرا پايدالانۋ" (307-باپ) باپتارى بويىنشا ايىپتار تاعىلىپ, 10 جىلعا باس بوستاندىعىنان ايىرۋ جازاسىن بەلگٸلەدٸ. بۇل جازا بۇرىنعى 14 جىلدىق جازامەن بٸرٸكتٸرٸلدٸ. ەكٸنشٸ قىلمىستىق ٸس بويىنشا سوت وتىرىستارىنا مۇحتار جەكٸشەۆ پەن ونىڭ ٶزٸ جالداعان ادۆوكاتتارى قاتىسپاعان.
تٷرمەدە وتىرعان كەزدە ٷشٸنشٸ توپ مٷگەدەكتٸگٸن العان جەكٸشەۆ ٶزٸنە تاعىلعان ايىپتارمەن كەلٸسپەيدٸ. وتاندىق قۇقىق قورعاۋشىلار جەكٸشەۆتٸ "ساياسي تۇتقىندار" تٸزٸمٸنە قوسقان. قازاقستان بيلٸگٸ ەلدە "ساياسي تۇتقىندار جوق" دەپ ەسەپتەيدٸ.
