ماجارستان تاراپىمەن تٷركٸتٸلدەس مەملەكەتتەردٸڭ ىنتىماقتاستىعى كەڭەسٸنٸڭ اياسىنداعى ٸس-ەرەكەتتٸ ودان ەرٸ كەڭەيتۋ جٶنٸندەگٸ قادامدار تالقىلاندى. بۇل تۋرالى ماجارستان سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتومەن كەلٸسسٶزدەردەن كەيٸن قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ مەلٸم ەتتٸ, دەپ حابارلايدى قازاقپارات.
«بٷگٸن ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتو مىرزا رەسمي ساپارمەن قازاقستانعا كەلدٸ. ماجارستان – ەلٸمٸزدٸڭ جاقىن وداقتاسى, ورتالىق جەنە شىعىس ەۋروپا ايماعىنداعى ەلدەر ٸشٸندە بٸزبەن ستراتەگييالىق سەرٸكتەستٸك ورناتقان بٸردەن-بٸر مەملەكەت. ماجار حالقىنىڭ بٸزبەن باۋىرلاس ەكەنٸ, قىپشاقتارعا قۇت مەكەن بولعانى بارلىقتارىڭىزعا بەلگٸلٸ. بٷگٸنگٸ تاڭدا قازاقستان مەن ماجارستان اراسىندا ساياسي نەمەسە ٶزگە سيپاتتاعى قانداي دا بٸر كەلٸسپەۋشٸلٸكتەر جوق. حالىقارالىق ماڭىزدى مەسەلەلەر بويىنشا ۇستانىمدارىمىز سەيكەس كەلەدٸ, ەلدەرٸمٸز اراسىنداعى ساياسي ديالوگ جوعارى دەڭگەيدە. ماجارستان قازاقستاننىڭ حالىقارالىق ارەناداعى بارلىق باستامالارى مەن كٷش-جٸگەرٸن قولدايدى, بۇل ەكٸجاقتى ٶزارا ٸس-قيمىلدى ودان ەرٸ دامىتۋ ٷشٸن قولايلى جاعداي جاسايدى», - دەدٸ م. تٸلەۋبەردٸ.
ونىڭ ايتۋىنشا, ماجارستان مينيسترٸ پەتەر سييارتو مىرزامەن اشىقتىق پەن ٶزارا تٷسٸنٸستٸك رۋحىندا ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى قازاقستان-ماجارستان بايلانىستارىن, سونداي-اق تٷركٸتٸلدەس مەملەكەتتەردٸڭ ىنتىماقتاستىعى كەڭەسٸنٸڭ (تمىك) اياسىنداعى ٸس-ەرەكەتتٸ پاندەمييا جاعدايىندا ودان ەرٸ كەڭەيتۋ جٶنٸندەگٸ قادامدار تالقىلاندى.
«قازاقستان مەن ماجارستان ٸس-قيمىل جاساپ, كٷش-جٸگەرٸن جۇمىلدىراتىن ٶزارا مٷددەلٸ حالىقارالىق سيپاتتاعى بٸرقاتار مەسەلەلەر, ونىڭ ٸشٸندە قازاقستان ازاماتتارى ٷشٸن ەۋروپالىق وداقتىڭ ۆيزالىق رەجيمٸن جەڭٸلدەتۋگە قاتىستى مەسەلەلەر قارالدى», - دەدٸ مۇحتار تٸلەۋبەردٸ.
بۇدان بۇرىن حابارلانعانداي, بٷگٸنگٸ كەلەسسٸٶزدەردەن كەيٸن تاراپتار ەكٸ ەل اراسىنداعى بٸرنەشە قۇجاتقا قول قويدى.
ولاردىڭ اراسىندا:
1. دامۋعا رەسمي كٶمەك سالاسىنداعى ىنتىماقتاستىق بويىنشا ەكٸ ەلدٸڭ سىرتقى ساياسي ۆەدومستۆولارى اراسىنداعى ٶزارا تٷسٸنٸستٸك تۋرالى مەموراندۋم;
2. قازاقستان رەسپۋبليكاسىنىڭ سىرتقى ٸستەر مينيسترلٸگٸ جانىنداعى سىرتقى ساياسي زەرتتەۋلەر ينستيتۋتى مەن ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر ينستيتۋتى اراسىنداعى ٶزارا تٷسٸنٸستٸك تۋرالى مەموراندۋم;
3. قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ مەن ماجارستاننىڭ ادامي رەسۋرستار مينيسترلٸگٸ اراسىنداعى 2021-2023 جىلدارعا ارنالعان مەدەنيەت سالاسىنداعى ٶزارا ىنتىماقتاستىق باعدارلاماسى بار.
