ۇلىتاۋدا ٶتٸپ جاتقان ۇلتتىق قۇرىلتايدا بەلگٸلٸ اقىن, قوعام قايراتكەرٸ مۇحتار شاحانوۆقا قازاقستاننىڭ ەڭبەك ەرٸ اتاعى بەرٸلدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«قادٸرلٸ اعايىن, قۇرىلتايدى بارشا جۇرتىمىز ٷشٸن جاعىمدى جاڭالىقپەن اياقتاعىم كەلٸپ وتىر. كەشە داڭقتى كومپوزيتور شەمشٸ قالداياقوۆقا «قازاقستاننىڭ ەڭبەك ەرٸ» اتاعى بەرٸلگەنٸن بٸلەسٸزدەر.
ول – ەنۇرانىمىزدىڭ اۆتورى, ۇلت رۋحانيياتىندا ەرەكشە ورنى بار اسا كٶرنەكتٸ تۇلعا. بٸرتۋار سازگەرگە قۇرمەت كٶرسەتۋ – پەرزەنتتٸك پارىزىمىز.
شەمشٸنٸ حالقىمىز «قازاق ۆالسٸنٸڭ كورولٸ» دەپ قادٸرلەيدٸ. شەمشٸنٸڭ ەندەرٸ قاشاندا حالىقتىڭ جٷرەگٸندە, ەشقاشان قۇندىلىعىن جويمايدى. ونىڭ اقىن مۇحتار شاحانوۆپەن بٸرلەسٸپ جازعان ەندەرٸ ەلگە كەڭٸنەن تانىمال. ەيگٸلٸ كومپوزيتور مەن اتاقتى اقىننىڭ دوستىعى – بارشا جۇرتقا ٷلگٸ.
جاقىندا شەمشٸنٸڭ ٸنٸ-دوسى مۇحتار شاحانوۆ سەكسەن جاسقا تولادى. ونىڭ شىعارماشىلىق ەڭبەگٸ قانداي قۇرمەتكە دە لايىقتى. ول – ٶتە شىنشىل, ادال, ۇلتجاندى ادام.
مەن بٷگٸن مۇحتار شاحانوۆقا «قازاقستاننىڭ ەڭبەك ەرٸ» اتاعىن بەرۋ تۋرالى جارلىققا قول قويدىم. ەلٸمٸزدٸڭ ەڭ جوعارى ماراپاتىن اقىنعا ۇلت ۇياسى – ۇلىتاۋدىڭ تٶرٸندە تاپسىرعاندى جٶن كٶردٸم» - دەدٸ مەملەكەت باسشىسى جيىن بارىسىندا.
سونىمەن قاتار مۇحتار شاحانوۆقا ەڭبەك ەرٸ اتاعىن بەرۋ تۋرالى پرەزيدەنت جارلىعى اقوردا سايتىندا جارييالاندى.
«قازاق ەدەبيەتٸن دامىتۋعا قوسقان زور ٷلەسٸ ٷشٸن جازۋشى مۇحتار شاحانوۆقا جوعارى دەرەجەلٸ ەرەكشەلٸك بەلگٸسٸ – «قازاقستاننىڭ ەڭبەك ەرٸ» اتاعى بەرٸلٸپ, ايرىقشا ەرەكشەلٸك بەلگٸسٸ – التىن جۇلدىز بەن «وتان» وردەنٸ تاپسىرىلسىن», - دەلٸنگەن جارلىق مەتٸنٸندە.
