«نۇر وتان» پارتيياسى تٶراعاسىنىڭ بٸرٸنشٸ ورىنباسارى جامبىل وبلىسىنداعى كەسٸپورىنداردىڭ جۇمىسىمەن تانىستى. جامبىلدىقتار مۇحتار قۇل-مۇحاممەدكە سٷت ٶندٸرٸسٸمەن اينالىساتىن 40-تان استام شارۋا قوجالىقتارىنڭ باسىن بٸرٸكتٸرەتٸن «مەركە سىر زاۋىتى» جشس كٶرسەتتٸ.
جامبىلدىق فەرمەرلەر پرەزيدەنت تاپسىرماسىن ورىنداۋ ٷشٸن ٸرٸ اۋىل شارۋاشىلىعى كووپەراتيۆتەرٸنە بٸرٸگٸپتٸ.
«مەملەكەت باسشىسىنىڭ تاپسىرماسى بويىنشا جىل سايىن اگرارلىق سالانى دامىتۋ ٷشٸن ميللياردتاعان اقشا بٶلٸنەدٸ. ول قاراجاتتى تيٸمدٸ يگەرۋ ٷشٸن شاعىن شارۋا قوجالىقتارى ٸرٸ اۋىل شارۋاشىلىعى كووپەراتيۆتەرٸنە بٸرٸگۋٸ تيٸس. مەركە ٸرٸمشٸك زاۋىتى 40-تان استام اۋىل شارۋاشىلىعى كەسٸپورىندارىن بٸرٸكتٸرەدٸ. بۇل پرەزيدەنت تاپسىرماسىن ورىنداۋدىڭ جارقىن مىسالى», - دەپ اتاپ ٶتتٸ مۇحتار قۇل-مۇحاممەد.
تارازدا بولعان «نۇر وتان» پارتيياسى تٶراعاسىنىڭ بٸرٸنشٸ ورىنباسارى «اراي» تۇرعىن القابىنداعى كٶپ پەتەرلٸ ٷيلەردٸڭ قۇرىلىسى بارىسىمەن تانىستى. بەس قاباتتى 19 ٷي «نۇرلى جەر» جاڭا مەملەكەتتٸك تۇرعىن ٷي قۇرىلىسى باعدارلاماسى شەڭبەرٸندە سالىنۋدا. پەتەرلەردٸڭ بٸر بٶلٸگٸ «بايتەرەك دەۆەلوپمەنت», بٸر بٶلٸگٸ «تۇرعىن ٷي قۇرىلىس جيناق بانكٸسٸ» ارقىلى بٶلٸنۋدە, پەتەرگە كەزەكتە تۇرعاندار ٷشٸن دە كوممۋنالدىق تۇرعىن ٷي قورىنان شارشى مەترلەر بٶلۋ قاراستىرىلعان.
مۇحتار قۇل-مۇحاممەدتٸڭ ايتۋىنشا, نۇروتاندىقتار قۇرىلىس نىساندارىن سالۋ ٷشٸن بيۋدجەتتەن بٶلٸنگەن قارجىنىڭ تولىق يگەرٸلۋٸ ٷشٸن بار كٷشٸن سالۋى تيٸس; ٷيلەر بارلىق تەحنولوگييالىق نورمالارعا سەيكەس سالىنىپ, قونىستانۋشىلار ٶز پەتەرلەرٸنٸڭ كٸلتتەرٸن بەلگٸلەنگەن مەرزٸمدە الۋى كەرەك.. «ماڭىزدى مەملەكەتتٸك باعدارلامالاردىڭ ٸسكە اسىرىلۋىنا پارتييالىق مونيتورينگ پەن باقىلاۋدى ورناتۋ پارتييا تٶراعاسىنىڭ تٸكەلەي تاپسىرماسى بولىپ تابىلادى», - دەپ اتاپ ٶتتٸ مۇحتار قۇل-مۇحاممەد.
"ۇلت اقپارات"
