بٷگٸن قازاقستان رەسپۋبليكاسىنىڭ تۇڭعىش پرەزيدەنتٸ كٷنٸنە وراي ۇيىمداستىرىلعان سالتاناتتى قابىلداۋ رەسٸمٸندە «نۇر وتان» پارتيياسى تٶراعاسىنىڭ بٸرٸنشٸ ورىنباسارى مۇحتار قۇل-مۇحاممەد ٶز سالاسىندا بيٸك بەلەستەردٸ باعىندىرعان تالانتتى جاستارعا پارتييالىق بيلەتتەرٸن تاپسىردى.
مۇحتار قۇل-مۇحاممەد تەۋەلسٸزدٸكتٸڭ 26 جىلىندا قازاقستان تۇتاس بٸر عاسىرعا جٷك بولاتىن جەتٸستٸكتەرگە جەتكەنٸن, ەلەمدٸك قاۋىمداستىقتان ويىپ تۇرىپ ورىن العانىن, جاھاندىق دەڭگەيدەگٸ كٷرمەۋٸ قيىن ٶزەكتٸ مەسەلەلەردٸ شەشەتٸن تيٸمدٸ الاڭعا اينالعانىن ايتىپ, مۇنىڭ بەرٸ ەلباسىمىزدىڭ ەرەن ەڭبەگٸنٸڭ جەمٸسٸ ەكەنٸنە نازار اۋداردى. وسىعان وراي پارتييا تٶراعاسىنىڭ بٸرٸنشٸ ورىنباسارى ٸس-شاراعا قاتىسقان جاستاردى قازاقستان رەسپۋبليكاسىنىڭ تۇڭعىش پرەزيدەنتٸ كٷنٸمەن شىن جٷرەكتەن قۇتتىقتادى.
سونداي-اق, مۇحتار قۇل-مۇحاممەد جاستارعا ٶتكەننەن ساباق الىپ, حالقىمىزدىڭ جارقىن سەتتەرٸن جادىمىزدان شىعارماۋدىڭ ماڭىزى زور ەكەنٸن ايتتى.
– جيىرماسىنشى عاسىر باسىندا پاتشالىق رەسەيدٸ مەكەندەگەن تٷركٸ حالىقتارى ٸشٸندە قازاق ۇلتىنىڭ ٶكٸلدەرٸ بٸلٸمدارلىق, قايراتكەرلٸك قابٸلەتتەرٸمەن ايرىقشا كٶزگە تٷستٸ. الاشوردا ٷكٸمەتٸنٸڭ تٶراعاسى بولعان ەليحان بٶكەيحان مەسكەۋ مەن پەتەربورداعى ورىس وقىمىستىلارى مەن دەموكراتييالىق باعىتتاعى قايراتكەرلەر اراسىندا ەرەكشە بەدەلگە يە بولدى. ورتالىق ازييا تاريحىندا جارييالانعان تۇڭعىش دەموكراتييالىق مەملەكەتتٸك قۇرىلىم – تٷركٸستان اۆتونوميياسىن دا مۇحامەدجان تىنىشپاەۆ پەن مۇستافا شوقاي سيياقتى الاش ارىستارى كەزەكتەسە باسقاردى. تٸپتٸ بۇل اۆتونومييا كٷشپەن تاراتىلىپ, ونىڭ ورنىنا دٷنيەگە كەلگەن تٷركٸستان كەڭەستٸك رەسپۋبليكاسىنىڭ باسشىلىعىندا دا تۇرار رىسقۇلوۆ پەن نەزٸر تٶرەقۇلوۆ سيياقتى قازاق قايراتكەرلەرٸ بولدى. ٷركەردەي جارقىراعان دەل وسىنداي تالانتتار شوعىرىن سول كەزدەگٸ ورتا ازييانىڭ بٸردە بٸر ۇلتى شىعارا العان جوق. ەتتەڭ, رەپرەسسييا زۇلماتى بولماسا الاش ارىستارى وسىدان بٸر عاسىر بۇرىن-اق قازاق حالقىن ەلەمدٸك ٶركەنيەت بيٸگٸنە شىعارار ەدٸ. بٷگٸنگٸ ۇرپاق وسىنى ۇمىتپاۋى كەرەك. قازاقتىڭ ٶتكەن تاريحتا كەتكەن ەسەسٸن جاڭا زاماننىڭ تالانتتى جاستارى تولىقتىرادى دەپ سەنەمٸن, – دەدٸ مۇحتار قۇل-مۇحاممەد.
ايتا كەتەيٸك, بٷگٸن «نۇر وتان» پارتيياسىنىڭ مٷشەسٸ اتانعان تالانتتار قاتارىندا بەلگٸلٸ ەنشٸلەر: تٶرەعالي تٶرەەلٸ مەن ەركە ەسماحان, اۋىر اتلەتيكادان ريو وليمپياداسىنىڭ قولا جٷلدەگەرٸ كارينا گوريچەۆا, كەسٸپقوي بوكستا ەل نامىسىن ابىرويمەن قورعاپ جٷرگەن جانات جاقييانوۆ سيياقتى تانىمال جاستار بار.
