بۇرىنعى قورعانىس مينيسترٸ, پارلامەنت سەناتىنىڭ دەپۋتاتى مۇحتار التىنباەۆ تالدىقورعان ماڭىندا ەۋە اپاتىنا ۇشىراعان قازاقستاندىق سۋ-27 ۇشاعىنىڭ قۇلاۋىنىڭ سەبەپتەرٸن اتادى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
مۇحتار التىنباەۆتىڭ ايتۋىنشا, جويعىش ۇشاق ونداعى وتىن جٷيەسٸندەگٸ اقاۋلاردىڭ بولۋىنا بايلانىستى اپاتقا ۇشىراعان. "مەنٸڭشە, بۇل ەۋە اپاتى وتىن جٷيەسٸمەن نەمەسە وتىنعا بايلانىستى بولىپ وتىر. قىسقى ۋاقىتتا وتىن دايىنداۋدىڭ ٶز تەرتٸبٸ بار. قازٸر كوميسسييا وسى جۇمىستاردىڭ قانشالىقتى اتقارىلعانىن تەكسەرەتٸن بولار. (...) مۇنداي جاعدايدا بارلىق ۇشۋ توقتاتىلادى. ۇشاقتار مەن ونداعى ۇشقىشتاردى دايىندايتىن ۇيىمدار دا تەكسەرٸستەردەن ٶتكٸزٸلەدٸ", - دەدٸ بۇرىنعى قورعانىس مينيسترٸ.
"ەكٸ قوزعالتقىشتىڭ بٸردەي جۇمىس ٸستەمەي قالۋى - سيرەك كەزدەسەتٸن جاعداي. جاعداي قيىن بولعان. مەن سول كەزدەگٸ ۇشقىشتىڭ ەرەكەتٸن اتاپ ٶتكٸم كەلەدٸ. ول ٶتە دۇرىس جاسادى. ۇشاقتى ەلدٸ مەكەندەردەن ارى الىپ كەتتٸ. ياعني, ول بايسالدى تٷردە ۇشاقتىڭ بٸر قوزعالتقىشىنىڭ ٸستەن شىققانىن, ال كەيٸنٸرەك ەكٸنشٸ قوزعالتقىشتىڭ جۇمىس ٸستەمەي قالعانىن حابارلادى. ۇشقىش قوزعالتقىش ٸستەن شىقسا دا, ول جاقتان كەتٸپ قالمادى. ول ٶتە دۇرىس جاسادى", - دەپ اتاپ ٶتتٸ پارلامەنت سەناتىنىڭ دەپۋتاتى.
سونىمەن قاتار, ول قازاقستاندا شامامەن 30 سۋ-27 جويعىشىنىڭ بار ەكەنٸن ايتتى. "بٸر پولك - 26 ۇشاق. تاعى تٶرت ۇشاق ساتىپ الدىق, سوسىن تاعى ەكٸ جاڭا ۇشاق جەتكٸزٸلدٸ. شامامەن 30 ۇشاق بار", - دەدٸ سەناتور.
"قازٸر جويعىشتاردىڭ باعاسى ەر تٷرلٸ. جاڭا ۇشاقتىڭ باعاسى 10 ميلليون دوللارعا جەتەدٸ. ال مىنا ۇشاقتارعا, مەنٸڭشە, 30 جىل بولدى. مەن ناقتى قاي ۇشاقتىڭ قۇلاعانىن بٸلمەيمٸن. ەگەر دە سۋ-27 ۇشاعى قۇلاسا, بٸز ونى 1996 جىلى ەلگە ەكەلگەنبٸز. بۇل ۇشاقتاردى رەسەيلٸكتەر ٶتەماقى رەتٸندە بەرگەن بولاتىن. 1996 جىلى الىنعان بولسا, وندا بۇل ۇشاقتارعا 20 جىل بولدى", - دەدٸ مۇحتار التىنباەۆ.
ەسكە سالا كەتەيٸك, كەشە, 21 جەلتوقساندا سۋ-27 جويعىش ۇشاعى اپاتقا ۇشىراعان بولاتىن. "بٷگٸن, 21 جەلتوقساندا تٷن جاعدايىندا وقۋ-جاتتىعۋ ۇشۋىن ورىنداۋ كەزٸندە اۆياتسييالىق وقيعانىڭ سالدارىنان سۋ-27 ۇشاعى اپاتقا ۇشىرادى. ۇشقىش مايور ە.ىسقاقوۆ بار مٷمكٸندٸگٸن سالدى جەنە ۇشاقتى ەلدٸ مەكەننەن الشاق الىپ كەتٸپ, كاتاپۋلتالاندى", - دەلٸنگەن ەدٸ مينيسترلٸكتٸڭ رەسمي پٸكٸرٸندە.
