بٷگٸن جامبىل وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى مۇحتار ەبٸليازوۆتى ٶمٸر بويىنا باس بوستاندىعىنان ايىرۋعا ٷكٸم شىعاردى, دەپ حابارلايدى "ۇلت اقپارات".
ەسكە سالا كەتەيٸك, 24 قازان كٷنٸ جامبىل وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا مۇحتار ەبٸليازوۆكە قاتىستى قىلمىستىق ٸس بويىنشا باستى سوت تالقىلاۋى باستالعان بولاتىن.
مۇحتار ەبٸليازوۆكە قازاقستان رەسپۋبليكاسىنىڭ قىلمىستىق كودەكسٸنٸڭ (1997 جىلعى رەداكتسيياسىندا) 28-بابىنىڭ 3-بٶلٸگٸندە, 96-بابىنىڭ 2-بٶلٸگٸنٸڭ «ج» «ز» تارماقشالارىندا (ادام ٶلتٸرۋدٸ ۇيىمداستىرۋ, ادامدى جالداۋمەن پارا-پار, پايداكٷنەمدٸك ماقساتتا الدىن الا سٶز بايلاسۋ ارقىلى بٸر توپ اداممەن ٶزگە ادامدى قاساقانا ٶلتٸرۋ) كٶرسەتٸلگەن قىلمىستىق قۇقىقبۇزۋشىلىقتى جاسادى دەگەن ايىپ تاعىلدى.
ەسكە سالا كەتەيٸك, ٷستٸمٸزدەگٸ جىلدىڭ اقپان ايىندا جامبىل وبلىسى قىلمىستىق ٸستەر جٶنٸندەگٸ مامانداندىرىلعان ٶڭٸرارالىق سوتى بيزنەسمەن, بۇرىن ۇيىمداسقان قىلمىستىق توپ باسشىسى بولعان, 2004 جىلى بانكير ەرجان تەتٸشەۆتٸ ٶلتٸردٸ دەپ ايىپتالعان مۇراتحان توقمەديدٸ 10 جىل 6 ايعا باس بوستاندىعىنان ايىرعان بولاتىن. سوتتا مۇراتحان توقمادي جاقىندارى ٷشٸن الاڭداعانىن, وعان قوقان-لوققى كٶرسەتٸلٸپ, وتباسى بۇل قىسىمنان قورىققاندىعىن, سونداي-اق مۇحتار ەبٸليازوۆتەن ەرجان تەتiشەۆتi ٶلتiرۋ ٷشiن ەكٸ ترانشپەن 4 ميلليون دوللار كٶلەمiندە سىياقى العانىن مويىنداعان.
جامبىل وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ سۋدياسى كەنجەعالي كەنجەبەكوۆ مۇحتار ەبٸليازوۆتٸ 28-باپتىڭ 3-بٶلٸگٸندە, 96-باپتىڭ 2-بٶلٸگٸنٸڭ «ج, ز» تارماقشالارىندا كٶرسەتٸلگەن قىلمىستاردى جاسادى دەپ تانىپ, ٶمٸر باقي باس بوستاندىعىنان ايىرۋ تۋرالى ٷكٸم شىعاردى. ول قىلمىستىق-اتقارۋ جٷيٸەسٸنٸڭ قاۋٸپسٸزدٸگٸ بارىنشا كٷشەيتٸلگەن مەكەمەسٸندە جازاسىن ٶتەۋٸ تيٸس.
بۇدان تىس, سوتتالعان ەبٸليازوۆتٸڭ ٷش جىل مەرزٸمگە بانك ۇيىمدارىندا كەسٸبي قىزمەتپەن اينالىسۋىنا دا تىيىم سالىندى.
ەبٸليازوۆتٸڭ ٸسٸ 15 تومنان تۇرادى. پروتسەسس بارىسىندا جٷزدەن استام كۋەگەردەن جاۋاپ الىندى. ولار سوتقا دەيٸنگٸ تەرگەپ-تەكسەرۋ بارىسىندا ايتقان سٶزدەرٸن راستادى.
سوت باسپاسٶز قىزمەتٸنٸڭ مەلٸمدەۋٸنشە, ٷكٸم زاڭدى كٷشٸنە ەنگەن جوق.
