جۋىردا قازاقستان ۇلتتىق مۋزەيٸنٸڭ ديرەكتورى بولىپ تاعايىندالعان ەكس-مينيستر ارىستانبەك مۇحامەديۇلى قازٸرگٸ جالاقىسى قانشا ەكەنٸن ايتتى, دەپ حابارلايدى "ۇلت اقپارات".
مۇحامەديۇلى ۇلتتىق مۋزەي ديرەكتورىنىڭ جالاقىسى 3 ميللليون تەڭگە دەپ جالعان اقپارات تاراتقاندارعا جاۋاپ بەردٸ.
"دوستارىم, جالاقىمنىڭ قانشا بولاتىنى ەلٸ ٶزٸمە دە بەلگٸسٸز بولىپ تۇرعاندا, ول تۋرالى جالعان اقپارات تاراپ كەتتٸ. 3 000 000 تەڭگە كٶلەمٸندەگٸ ەڭبەكاقى – جالعان. مۇنداي شىندىققا جاناسپايتىن اقپارات تاراتۋ كٸمگە پايدا ەكەلەتٸنٸن بٸلمەيمٸن, fake news قولدان جاسالعانىنا كٷمەنٸم جوق. تىم ەسٸرە سٸلتەپتٸ, باسقا نە ايتۋعا بولادى", - دەپ جازدى ول ينستاگرامداعى پاراقشاسىندا.
مۇحامەديۇلى مينيستر بولعان تۇستا, مەدەنيەت سالاسى قىزمەتكەرلەرٸنٸڭ جالاقىسىن كٶتەرۋ مەسەلەسٸن بٸرنەشە رەت كٶتەرگەنٸن اتاپ ٶتتٸ. وسى ورايدا ول ٷكٸمەتتە ٸستەگەن جىلدارى قانشا العانىن جەنە قازٸرگٸ ەڭبەكاقىسى تۋرالى اشىق ايتتى.
"ەگەر وسىنداي اقپارات شىندىققا جاناسسا, ەرينە قۋانار ەدٸم, ٶكٸنٸشكە قاراي, بۇل ەزٸرگە مٷمكٸن ەمەس. ەدەتتەگٸدەي سٸزدەرگە شىنىمدى ايتايىن: مينيستر قىزمەتٸن اتقارعاندا ەڭبەكاقىم 980 000 بولدى... ۇلتتىق مۋزەي ديرەكتورى رەتٸندە 172 436 تەڭگە ەسەپتەلٸپ, قولىما 139 673 تەڭگە بەرٸلەتٸن بولادى. بۇل قىزمەتتەگٸ مەنٸڭ ساناتىم "ا1-1", ەڭبەك ٶتٸلٸم مامىر ايىن قوسا العاندا 31 جىل ٷش اي بولدى", - دەدٸ ۇلتتىق مۋزەيدٸڭ جاڭا ديرەكتورى.
ەكس-مينيستر جالاقى تٶڭٸرەگٸندەگٸ جالعان اقپاراتقا ۋاقىت كەتٸرگٸسٸ كەلمەيتٸنٸن ايتىپ, تاقىرىپتى جابۋدى ٶتٸندٸ.
"سونىمەن, دوستارىم, نە شىقتى? ناعىز فەيك. جالعان اقپاراتتا مەنٸڭ ايلىق جالاقىم رەتٸندە كٶرسەتٸلگەن سوما مەنٸڭ ەڭبەكاقىمدى 95%-كە كٶبەيتٸپ, مەن 12 ايدا الاتىن 1 676 076 تەڭگەنٸ ەكٸ ەسەگە ارتتىرىپتى. بٸزدە "ون ٷشٸنشٸ ەڭبەكاقى", بونۋستار جوق. "كەزدەيسوق" ميلليوندارعا قاتەلەسٸپ كەتٸپتٸ... مۇنداي جالعان اقپاراتقا سەنگەن ادامدار تابىلىپ, ولارعا تٷسٸنٸك بەرۋٸم كٷلكٸلٸ جاعداي. وسىمەن بۇل تاقىرىپتى تالقىلاۋدى دوعارايىق, اعايىن. مۇنداي ۇساق-تٷيەككە ۋاقىتىمدى ەندٸ كەتٸرمەيمٸن: اقىلدىلار ٶزدەرٸ تٷسٸنەدٸ, اقىماقتارعا تٷسٸندٸرە المايسىڭ. بارشاڭىزعا جاقسى كٶڭٸل-كٷي ٷشٸن راقمەت!", - دەپ جازعان مۇحامەديۇلى.
ايتا كەتسەك, جۋىردا بۇرىنعى مەدەنيەت جەنە سپورت مينيسترٸ ارىستانبەك مۇحامەديۇلى قازاقستان ۇلتتىق مۋزەيٸنٸڭ ديرەكتورى قىزمەتٸنە تاعايىندالدى.
ۇلتتىق مۋزەيدٸ بۇعان دەيٸن الماز نۇرازحان باسقارعان بولاتىن.
