ەلٸمٸزدە ەيگٸلٸ برەندكە اينالعان "وتاندىق" ٶنٸمدەر جوقتىڭ قاسى. ونىڭ ەرتٷرلٸ سەبەپتەرٸ دە بار, ەرينە. بٸرٸنشٸدەن, كەسٸپكەلەرٸمٸز مەملەكەتتەن كٶمەك سۇراپ قانا ٸسكە كٶشۋگە ەدەتتەنٸپ السا, ەكٸنشٸدەن, ولار شارۋانىڭ تۇرالاپ قالۋىنان قورقىپ, العا جىلجۋىنا دەگەن سەنٸمسٸزدٸك ٷرەيٸمەن الىسىپ جاتادى. ال, نارىق ۇسىنۋشىدان ەش ۇيالماي, ەلەمدٸك ەم جەرگٸلٸكتٸ ساۋدا ورتالىقتارىنا شىعارۋعا بولاتىن سيرەك ٶنٸمدەردٸڭ بٸرٸ جەنە بٸرەگەيٸ - «Mukajan» كەسٸپورنىنىڭ تاۋارلارى. قازاقشا برەندتٸڭ ەرەكشە دٷنيەلەرٸ كٶز سٷيسٸنتٸپ, كٶڭٸل قۋانتادى. دەگەنمەن اتى ەندٸ تانىلا باستاعان «Mukajan»-نىڭ باسشىسى جەنە يدەيا اۆتورى كٸم?! بٸرٸ - تانىس, ەكٸنشٸلەرٸنە ەزٸرگە بەلگٸسٸز بوپ جٷرگەن ازاماتپەن بولعان شاعىن سۇحباتىمىزدى ۇسىنباقپىز.
- ٶزٸڭٸز جايلى ايتىپ ٶتسەڭٸز, الماس مىرزا...
- الماتى وبلىسى, شەبەر اۋىلىندا دٷنيەگە كەلدٸم. بالا كٷنٸمنەن ون ساۋساعىنان ٶنەر تامعان قولٶنەرشٸلەر مەن شەبەرلەردٸ كٶرٸپ ٶستٸم. اتام – مۇقاجان تەرٸ ٶندٸرۋمەن اينالىسقان ادام. ەكەم – امان مۇقاجان زەرگەرلٸك بۇيىمداردىڭ شەبەرٸ. ٸسٸمٸزدٸ ۇرپاقتان-ۇرپاققا جالعاسقان ٶنەر دەپ قابىلداعان جٶن شىعار. ەكە جولىن قۋىپ, بولاشاق ماماندىعىمدى «گرافيكالىق ديزاين» دەپ تاڭداپ, ت.جٷرگەنوۆ اتىنداعى قازاق ۇلتتىق ٶنەر اكادەميياسىن تٷستٸم. بٷگٸندە وقۋ ورنىن تەمامداپ, ٶز سالامدا ەڭبەك ەتٸپ جٷرگەن جايىم بار.
- «Mukajan» اتاۋىن ٶزٸڭٸز قويدىڭىز با, ەلدە بەلگٸلٸ بٸر سەبەپتەرٸ بار ما?
- جوعارىدا اتاپ ٶتكەنٸمدەي, مۇقاجان - مەنٸڭ اتامنىڭ ەسٸمٸ. سوندىقتان كەلەشەگٸ بۇلىڭعىر بولسا دا, اتادان كەلە جاتقان ٶنەر دەپ, كەسٸپورىننىڭ اتىن اقساقالدىڭ قۇرمەتٸنە قويدىم. اتاۋىن التى قىردان ٸزدەپ سابىلعان جوقپىن.
- وتاندىق ٶنٸمدٸ ەلەمدٸك دەڭگەيدە كٶتەرۋ - ەلباسىنىڭ بٸر تاپسىرماسى. سٸز ٶز ٶنٸمدەرٸڭٸزدٸ ەلەمدٸك بەسەكەگە قابٸلەتتٸ ٶنٸمدەرمەن سالىستىرۋعا بولادى دەپ ويلايسىز با جەنە ۇتارىمىز نە?
- ەلەمدٸك برەندتكە ساي بولۋ ٷشٸن ساپا مەن سۇرانىس ٶتە جوعارى دەڭگەيدە بولۋى قاجەت. وسى قاجەتتٸلٸكتەردٸ تولىقتىرىپ, ساپا مەن سۇرانىستى ارتتىرىپ كەلە جاتقان كومپانييانىڭ جۇمىس جاساپ تۇرعانىنا بيىل بەس جىلدىڭ جٷزٸ بولدى. العاشقى ٶنٸمدەرٸمٸز بەن قازٸرگٸ كەزدەگٸ ٶنٸمدەرٸمٸزدٸ مٷلدە سالىستىرۋعا كەلمەيدٸ. بٸز - بٸر ورىندا توقتاپ قالمايمىز. ٶندٸرەمٸز جەنە ٶسەمٸز. ەلەمدٸك ستاندارتقا ساي دٷنيەلەر جاساۋعا تىرىسامىز.
ايتا كەتەيٸن, ٶنٸمدەرٸمٸز تەك ٶزٸمٸزدٸڭ قازاقستاندا عانا سۇرانىسقا يە ەمەس, شەت ەل اسىپ جاتىر. تٸپتٸ, قازٸرگٸ تاڭدا ۇلتتىق ويۋمەن كٶمكەرٸلٸگەن ٶنٸمگە دەگەن سۇرانىس شەت ەلدٸك ساياحاتشىلار مەن كەسٸپكەرلەر اراسىندا ارتىپ كەلەدٸ.
- ويۋمەن كٶمكەرٸلگەن سٶمكەلەر, قولعا ۇستايتىن قاپشىقتار مەن تٷرلٸ بۇيىمداردىڭ ساپاسىن ارتتىرىپ تۇرعان تەك تەرٸ مە, ەلدە بۇل سالانىڭ ٶندٸرٸسٸندە ٶزٸنە تەن ەرەكشەلٸكتەرٸ بار ما?
- بٷگٸندە ەلٸمٸزدە تەرٸ مەن بىلعارى ٶنٸمدەرٸن ٶندٸرۋ ٶركەندەپ كەلەدٸ. بۇل - قۋانتارلىق جاعداي. ەلٸم دەپ ەلجٸرەگەن ەربٸر ازامات مەملەكەتتٸڭ ەر سالادا ٶسكەنٸن قالايدى. بٸزدٸڭ كومپانييا وسى باعىتتا جۇمىس جاساپ كەلە جاتىر. تەرٸ جەنە بىلعارى ٶنٸمدەرٸن ٶندٸرۋشٸ كەسٸپورىندار كٶپ. ال بٸزدٸڭ ٶنٸمنٸڭ ەرەكشەلٸگٸ, جوعارىدا ايتىپ ٶتكەنٸمدەي - ديزاينەر رەتٸندە بارلىق شىققان ٶنٸمدەردٸڭ ٷلگٸسٸن ٶزٸم سىزامىن, ٶزٸم جاسايمىن. سەبەبٸ قازاقتىڭ دالاسىندا ٶسكەن ۇل بولعاننان كەيٸن, ەربٸر ويۋدىڭ ورنى مەن ٷشٸن ەرەك. ونى سەزٸنۋ, سەزٸنگەن دٷنيەڭدٸ ٶنٸمگە اينالدىرۋ - ناعىز لەززات الارلىق جۇمىس. تۇتىنۋشىلارىمىزدان: «سٸزدەردٸڭ ٶنٸمنەن قازاقتىڭ يٸسٸ اڭقىپ تۇرادى» دەيتٸن سٶزدٸ ەستۋ - بٸز ٷشٸن ٷلكەن مەرتەبە.
- بالا كٷنٸڭٸزدە كەسٸپكەر بولامىن دەپ ارماندادىڭىز با, ەلدە جالپى جۇرتتاي «ۇشقىش» بولعىڭىز كەلدٸ مە?
- كەسٸپكەرلٸكپەن اينالىسۋ - وڭاي دٷنيە ەمەس. ونىڭ بولاشاعى بار ما, جوق پا - ونى سٸز بولجاي المايسىز. دەگەنمەن كەسٸپكەرلٸكتٸ باستاپ كەتۋ قيىندىق تۋدىرعان جوق. سەبەبٸ وتباسىم وسى سالانىڭ اينالاسىندا جٷرگەن جاندار بولعاننان كەيٸن, «ۇشقىش» بولۋدان گٶرٸ ساۋدانىڭ تٸلٸن تابۋ مەن ٷشٸن ەلدەقايدا قىزىقتى ەدٸ. وتاعاسى عانا ەمەس, وتاناسى دا بٸر تەرٸنٸڭ پۇشپاعىن يلەپ جٷرگەننەن كەيٸن, بالا كٷنٸمنەن ساۋداعا جاقىن بولدىم. ونىڭ قىر-سىرىن مەڭگەرٸپ, تەجٸريبە جيناقتادىم دا.
- «Mukajan» ٶنٸمدەرٸنٸڭ جالپى وتاندىق ٶنٸمدەردٸڭ كٶز تارتار سۇلۋلىعى تەك ۇلتتىق بەدەرٸ عانا ما, ياعني ويۋلى-ٶرنەكتەردٸڭ رٶلٸ باسىم با دەگەنٸم?
- وسى كەسٸپكە كەلمەستەن بۇرىن مەنٸڭ كٶكەيٸمدە: «نەگە ۇلتتىق ٶنٸمنٸڭ برەندتٸك نۇسقاسىن ويۋ-ٶرنەكپەن قالىپتاستىرماسقا, ۇلتتىڭ ٶزٸنە عانا تەن بوياۋىن ايقىندايتىن دٷنيەنٸ نەگە ەلەمگە پاش ەتپەسكە» دەگەن سىندى ويلار بولدى. ويدىڭ جەتەگٸمەن جٷرٸپ, كەسٸپتە جەڭٸسكە جەتۋدٸ عانا ەمەس, ۇلتتىق قۇندىلىقتى ناسيحاتتاۋدى دا العا تارتتىم. بٸزدٸڭ ٶنٸمدەردٸڭ ەرەكشەلٸگٸ دە سول ويۋلاردىڭ نەگٸزٸندە جەنە ساپالىعىندا.
- قازٸر كٶپتەگەن كەسٸپتٸك مەكتەپتەر مەن كەسٸپكەرلەردٸ دايىندايتىن ورتالىقتار بار. ٶزٸڭٸز بۇل باعىتتا جۇمىس جاساپ, ترەنينگ ۇيىمداستىراسىز با?
- بۇل ٶتە ورىندى سۇراق دەپ تٷسٸنەمٸن. سەبەبٸ ادام جەتكەن جەتٸستٸگٸمەن ماقتانىپ قانا قويماۋى كەرەك, ونى ٶزگەگە ٷيرەتۋٸ تيٸس. ەربٸر كەسٸپكەردٸڭ شەكٸرت تەربيەلەۋٸ دە - زاڭدىلىق. بٸراق مەن بۇل باعىتتا ەلٸ جۇمىس جاساعان جوقپىن. ويىمدا بار. مەن ٷشٸن ٶزٸمنٸڭ باسىمنان ٶتكەن قيىندىقتاردى بٶلٸسە وتىرىپ, ٶزگەلەرگە ۇلتتىق ٶنٸمدەردٸ ٶندٸرۋدٸڭ, ولاردىڭ قاسيەتٸ جايلى سٶز قوزعاۋ – ماقتانىش. ال, ەزٸرگە بۇل - ۋاقىتتىڭ ەنشٸسٸندە. ۇسىنىس بولسا, باس تارتپايمىن.
- ەندٸگٸ ماقساتىڭىز قانداي? ٷمٸتٸڭٸز بار ما?
- كەز كەلگەن كەسٸپتٸ باستاعان كەزدە كٷدٸك پەن ٷمٸت قاتار جٷرەدٸ. بەس جىل بۇرىن وسى كەسٸپكە كەلمەس بۇرىن, قازاقتىڭ ۇلتتىق ٶنٸمدەرٸن قولداۋشىلارعا سەنٸم ارتىپ, ولاردىڭ مۇرىندىق بولۋىمەن باستاعان ەدٸك. «شەشٸنگەن سۋدان تايىنباس» دەگەندەي, بٷگٸن, مٸنە, ٷمٸتٸمٸز اقتالىپ وتىر. العا قويعان ارمانىمىز كٶپ. سونىڭ بٸرٸ - ەلەمدٸك دەڭگەيدە اتاعى شىققان ٷلكەن كەسٸپورىنداردىڭ برەندتٸك ٶنٸمدەرٸنٸڭ قاسىندا «Mukajan» ەسٸمٸنٸڭ قاتار اتالۋى. بۇل بٸز ٷشٸن ماقساتتىڭ ٷلكەنٸ بولماق.
- قازاق ٷشٸن ٷلكەن ٸس تىندىردىم دەپ ويلايسىز با?
- بٸر نەرسە ايتا كەتەيٸن, كەسٸپكەرلٸكتٸڭ تٷرٸ كٶپ. سونىڭ بٸرٸ - ساتىپ الىپ, قايتا ساتۋ. بۇل - ناعىز كەسٸپكەرلٸك ەمەس. ال, بٸز - دايىنداۋشى جەنە ٶندٸرۋشٸ توپپىز. ونىڭ ٸشٸندە - ۇلتتىق ناقىشتاعى ٶنٸمدەردٸ ٶندٸرۋ, ونى سۇرانىسقا يە بولاتىنداي دەڭگەيگە جەتكٸزۋ قازاق ٷشٸن جاسالعان ٷلكەن سىي دەپ بٸلەمٸن, ماقتان تۇتامىن. جوعارىدا ايتىپ ٶتكەنٸمدەي, الىس-جاقىن شەت ەلدەردەن دە سۇرانىس تٷسٸپ جاتقاندىعى, ٶنٸمنٸڭ ساپالى ەرٸ ويۋمەن كٶمكەرٸلۋٸ, قازاقتىڭ سالتى مەن دەستٷرٸن تانىتۋ, بٸزدٸڭ كەسٸپورىننىڭ قازاق ەلٸ ٷشٸن جاساعان ٷلكەن ٸسٸ دەپ ويلايمىن جەنە بۇعان كٷمەن كەلتٸرمەيمٸن. ۇلت ٷشٸن قىزمەت ەتۋدەن جالىقپايمىز.
- ەڭگٸمەڭٸزگە راقمەت! كەسٸبٸڭٸز العا باسسىن!
سۇحباتتاسقان: مارعۇلان اقان
