2021 جىلى مٷگەدەكتٸگٸ بار ادامدارعا بەرٸلەتٸن ەلەۋمەتتٸك تٶلەمدەرگە جەنە وڭالتۋدىڭ تەحنيكالىق قۇرالدارى مەن قىزمەتتەرٸن ۇسىنۋعا 486 ملرد تەڭگە قاراستىرىلعان. بۇل تۋرالى حالىققا ەسەپ بەرۋ كەزدەسۋٸندە قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ايتتى, دەپ حابارلايدى قازاقپارات.
«2020 جىلى مينيسترلٸك مٷگەدەكتٸگٸ بار ادامداردى ەلەۋمەتتٸك قورعاۋدى جاقسارتۋعا باعىتتالعان نورمالارى بار زاڭ جوباسىن ەزٸرلەدٸ. اتاپ ايتقاندا, مٷگەدەكتٸك سەبەبٸنە قاراماستان I توپتاعى مٷگەدەكتٸك كٷتٸمٸنە جەردەماقى ەنگٸزۋ; 7 جاستان 16 جاسقا دەيٸنگٸ بالالاردى مٷگەدەكتٸك توپتارى بويىنشا جەردەماقى مٶلشەرٸن قايتا قاراي وتىرىپ بٶلۋ; مٷگەدەكتٸگٸ بويىنشا جەنە اسىراۋشىسىنان ايرىلۋ جاعدايىنا جەردەماقىلاردى بٸر مەزگٸلدە الۋ قۇقىعىن بەرۋ; كەمەلەتكە تولعان مٷگەدەك بالالاردى تەربيەلەپ وتىرعان وتباسىلار ٷشٸن تۇرعىن ٷي كەزەگٸن ساقتاۋ جەنە باسقا دا نورمالار. وسى زاڭ بيىل قابىلدانادى دەپ كٷتٸلۋدە, زاڭ جوباسى مەجٸلٸستە ماقۇلداندى», - دەپ اتاپ ٶتتٸ مينيستر.
مٷگەدەكتٸگٸ بار بالالاردى وڭالتۋ قىزمەتتەرٸمەن قامتاماسىز ەتۋ ٷشٸن جەرگٸلٸكتٸ اتقارۋشى ورگاندارمەن بٸرلەسٸپ شاعىن وڭالتۋ ورتالىقتارىن اشۋ جۇمىستارى جٷرٸپ جاتىر. بيىل 12 ورتالىق اشىلادى, قازٸر ونىڭ التاۋى جۇمىس ٸستەپ تۇر.
«مٷمكٸندٸگٸ شەكتەۋلٸ جاندارعا مەديتسينالىق-ەلەۋمەتتٸك ساراپتاما جٷرگٸزۋ رەسٸمٸ مەن مەرزٸمٸن وڭتايلاندىرۋ ماقساتىندا بٸز مٷگەدەكتٸكتٸ سىرتتاي بەلگٸلەۋدٸ ەنگٸزۋ بويىنشا جۇمىس ٸستەپ جاتىرمىز. 1 شٸلدەدەن باستاپ جوبا 6 ٶڭٸردە, نۇر-سۇلتان, الماتى قالالارىندا, باتىس قازاقستان, سولتٷستٸك قازاقستان, اقمولا جەنە قاراعاندى وبلىستارىندا ٸسكە قوسىلا باستايدى. جوبانى جٷزەگە اسىرۋ كەلەشەكتە مٷگەدەكتٸگٸ بار ادامداردىڭ قۇزىرلى مەكەمەلەرگە قايتا-قايتا بارۋىن جەنە قىزمەت كٶرسەتۋشٸمەن تٸكەلەي بايلانىسىن بولدىرماۋعا مٷمكٸندٸك بەرەدٸ», – دەپ ناقتىلادى ەڭبەك مينيسترٸ.
