مٷگەدەكتەردٸ جۇمىسپەن قامتۋ كۆوتاسىن ورىنداماعان كومپانييالارعا مەملەكەتتٸك ساتىپ الۋلارعا قاتىسۋعا شەكتەۋ ەنگٸزٸلەدٸ. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ كەڭەيتٸلگەن القا وتىرىسىندا ۆەدومستۆو باسشىسى بٸرجان نۇرىمبەتوۆ ايتتى, دەپ حابارلايدى قازاقپارات.
مينيستردٸڭ دەرەگٸنشە, قازاقستاندا شامامەن 695 مىڭ مٷگەدەكتٸگٸ بار ادام تۇرادى. 2019 جىلى مٷگەدەكتەردٸ ەلەۋمەتتٸك قورعاۋعا رەسپۋبليكالىق بيۋدجەتتەن 323 ملرد تەڭگە بٶلٸندٸ. 2019 جىلدىڭ 1 شٸلدەسٸنەن باستاپ مٷگەدەك بالانىڭ جەنە 18 جاستان اسقان بالا كەزٸنەن بٸرٸنشٸ توپتاعى مٷگەدەكتٸڭ كٷتٸمٸ بويىنشا مەملەكەتتٸك جەردەماقىلاردىڭ مٶلشەرٸ 30 پايىزعا ٶستٸ. 292 مىڭنان استام مٷگەدەك نەمەسە بارلىق مۇقتاج ادامداردىڭ 70 پايىزى وڭالتۋدىڭ قاجەتتٸ قۇرالدارى مەن قىزمەتتەرٸمەن قامتاماسىز ەتٸلگەن. سونىمەن قاتار, ول مٷگەدەكتەردٸڭ قۇقىقتارىن قامتاماسىز ەتۋ جەنە ٶمٸر سٷرۋ ساپاسىن جاقسارتۋ جٶنٸندەگٸ 2025 جىلعا دەيٸنگٸ ۇلتتىق جوسپار اياسىندا جۇمىستار جٷزەگە اسىرىلاتىنىن ايتتى.
«ونى جٷزەگە اسىرۋ اياسىندا ەلەۋمەتتٸك قىزمەتتەر پورتالى كەزەڭ-كەزەڭٸمەن ەنگٸزٸلٸپ جاتىر. ونىڭ كٶمەگٸمەن ازاماتتار مەملەكەتتٸك ساتىپ الۋسىز وڭالتۋدىڭ قاجەتتٸ قۇرالدارى مەن قىزمەتتەرٸن ٶز بەتٸنشە تاڭداي الادى. وسى جىلدان باستاپ پورتال ارقىلى جەكە تاڭداۋدى قاجەت ەتپەيتٸن تەحنيكالىق وڭالتۋ قۇرالىنىڭ 24 تٷرٸن ساتىپ الادى. 2021 جىلدان باستاپ تەحنيكالىق وڭالتۋ قۇرالىنىڭ بارلىق 55 تٷرٸ قولجەتٸمدٸ بولادى. 2020 جىلدىڭ شٸلدەسٸنەن باستاپ جەكە كٶمەكشٸلەردٸڭ, ىمداۋ تٸلٸ ماماندارىنىڭ قىزمەتتەرٸ مەن ساناتورلىق-كۋرورتتىق ەمدەۋ قولجەتٸمدٸ بولادى. سونىمەن قاتار, بيىل العاش رەت ەلەكتر جەتەگٸ بار قازاقستاندىق مٷگەدەكتەر اربالارىن شىعارۋ قولعا الىنادى. ەكٸنشٸ توقساننان باستاپ بٸز العاشقى مٷگەدەكتەر ارباسىن بەرە باستايمىز», – دەدٸ ول.
ونىڭ ايتۋىنشا, الداعى ەكٸ جىلدىڭ ٸشٸندەگٸ ەڭبەك مينيسترلٸگٸنٸڭ باستى مٸندەتٸ – مٷگەدەكتەردٸڭ ەكونوميكالىق بەلسەندٸلٸگٸ ٷشٸن مٷمكٸندٸكتەر جاساۋ.
«بٸز مٷگەدەكتٸگٸ بار ادامداردى ورگانيزم فۋنكتسييالارىنىڭ بۇزىلۋ تٷرلەرٸنە بايلانىستى جۇمىسقا ورنالاستىرۋ جٶنٸندەگٸ ۇسىنىمدارمەن كەسٸپتەر اتلاسىن ەزٸرلەۋدٸ جوسپارلاپ وتىرمىز. شەت ەلدەردٸڭ تەجٸريبەسٸنە سٷيەنە وتىرىپ, بيىل بٸز مەملەكەتتٸك ساتىپ الۋ تۋرالى زاڭناماعا ٶزگەرٸستەر ەنگٸزۋ تۋرالى باستاما كٶتەرۋدەمٸز. مٷگەدەكتٸگٸ بار ادامداردى جۇمىسپەن قامتۋ كۆوتاسىن ورىندامايتىن ٸرٸ جەنە ورتا كومپانييالار ٷشٸن مەملەكەتتٸك ساتىپ الۋلارعا قاتىسۋدى شەكتەيتٸن نورما ەنگٸزۋ ۇسىنىلادى. سونداي-اق, جاپونييا مەن گەرمانييا تەجٸريبەسٸنە سٷيەنە وتىرىپ, بٸز جۇمىسپەن قامتۋ كۆوتاسىنىڭ ورنىنا ارنايى قورعا ٶتەماقى تٶلەۋدٸ ەنگٸزۋدٸڭ بالاما تەتٸگٸن قاراستىرىپ جاتىرمىز. «ەڭبەك» مەملەكەتتٸك باعدارلاماسى اياسىندا ميكروكرەديت جەنە قايتارىمسىز گرانت بەرۋ قۇرالدارى مٷگەدەكتٸگٸ بار ادامداردىڭ بيزنەس باستامالارىنا باعىتتالادى», – دەدٸ بٸرجان نۇرىمبەتوۆ.
