«بٷگٸن 29 تامىزدا بالالارىمىز قازاقستان رەسۋبليكاسىنىڭ پرەزيدەنتٸ مەن استانا قالاسىنىڭ ەكٸمدٸگٸنە ارنالعان كونتسەرتكە قاتىسۋعا شاقىرىلعان ەدٸ. بالالار ارنايى دايىندىقتارعا قاتىسىپ جٷردٸ, ولار دا باسقالارداي وسىنداي سالتاناتتى ٸس-شاراعا قاتىسامىز دەپ قۋانىپ, بٷگٸن ەرتە تۇرىپ, ەدەمٸ كونتسەرتكە ارنالعان كٶيلەكتەرٸن كيٸپ, بويانىپ, كونتسەرت ٶتەتٸن الاڭعا كەلٸپ ەدٸك. بالاقايلار دالادا تۇرىپ, بيلەرٸنە دايىندالىپ تۇرعان ەدٸ ۇيىمداستىرۋشىلار: «مٷگەدەك اربادا وتىرعان بالالار پرەزيدەنت پەن ەكٸمنٸڭ كٶزٸنە كٶرٸنبەسٸن», - دەپ بالالارىمىزدى شاراعا قاتىستىرماي, قايتارىپ جٸبەردٸ. مٷمكٸندٸگٸ شەكتەۋلٸ بالالاردى بٸزدٸڭ ەلدە نەگە كەمسٸتەدٸ ەكەن?! ولار ٶلەڭ ايتىپ, بيلەپ تالاي شاراعا قاتىسقان, اربادا وتىرىپ بي بيلەۋ چەمپيوناتتارىنان بٸرٸنشٸ ورىندار العان بالالار ەدٸ. مەن 13 جىل شەتەلدە تۇرعان اداممىن, ەلٸم جايلى ەرقاشاندا تەك ماقتانىشپەن ايتىپ جٷرەتٸنمٸن, بٸراق قازٸر ىزادان جارىلايىن دەپ تۇرمىن! شەتەلدەگٸ مٷمكٸندٸگٸ شەكتەۋلٸ ادامدارعا دەگەن قارىم-قاتىناسقا قازاقستانعا جەتۋ قالاي الىس دەسەڭشٸ... بٷگٸن بٸزدٸڭ بالالاردى «شابىت» ۋنيۆەرسيتەتٸنە تىعىپ قويدى, باسقا بالالار مەن ەرەسەك ادامداردىڭ ٶنەر كٶرسەتۋلەرٸ اياقتالعانشا بٸز ۋنيۆەرسيتەت اسحاناسىندا كەزەگٸمٸزدٸ كٷتۋمەن بولدىق, بٸراق بٸزدٸ ەشكٸم شاقىرمادى, سەبەبٸ پرەزيدەنت پەن ەكٸم بٸزدٸڭ ارباعا تاڭىلعان بالالارىمىزدى كٶرگٸسٸ كەلمەيدٸ ەكەن!!! ەلٸمٸزگە قانداي ماسقارا!!!», - دەپ فەيسبۋك ەلەۋمەتتٸك جەلٸسٸندە ايدا كولپاكوۆا ەسٸمدٸ ەيەل ٶزٸنٸڭ جەكە پاراقشاسىندا جازعان ەكەن.
ايدامەن حابارلاسىپ مەن-جايدى سۇراعان ەدٸم. «ۇيىمداستىرۋشىلار بٸزگە ساعات 14.30-دا الدىن-الا كەلٸسٸلگەن ورىندا ٶز شىعۋلارىڭدى كٷتٸڭدەر دەپ ايتىپ قويعان ەدٸ, سالتانات, ايگٷل ەسٸمدٸ انالار بٸر-بٸر اربادا وتىرعان بالالارىمىزبەن ورىنىمىزدا وتىرعان ەدٸك, كەنەتتەن قاسىمىزعا قاۋٸپسٸزدٸك قىزمەتٸنەن بٸر ادام كەلدٸ, ەلگٸ ادام «بۇل جەردە نە ٸستەپ وتىرسىزدار?» دەپ بٸزگە تٸل قاتتى. بٸز ول كٸسٸگە وسى شاراعا قاتىساتىنىمىزدى, ٶنەرٸمٸزدٸ كٶرسەتۋ كەزەگٸمٸزدٸ كٷتٸپ وتىرعانىمىزدى ايتتىق. شاراعا ەلباسى قاتىسقاندىقتان, قاۋٸپسٸزدٸك قىزمەتٸ جٷرەتٸنٸن بٸلەمٸز. ولار بٸزگە بۇل جەردەن ارىراق كەتۋٸمٸزدٸ تالاپ ەتتٸ, كەيٸن ولار بٸر-بٸرٸمەن راتسييا ارقىلى سٶيلەستٸ, سوسىن قاۋٸپسٸزدٸك قىزمەتٸنٸڭ باستىعى بٸزدٸڭ قاسىمىزعا كەلدٸ. سول كەزدە بٸز ۇيىمداستىرۋشىلاردىڭ قاسىندا تۇرعان ەدٸك. «بۇلار مىندا نە ٸستەپ جٷر?! پرەزيدەنت شارادان كەتكەننەن كەيٸن عانا كٸمدٸ شىعارساندار دا ٶز ەركٸلەرٸن», دەپ سٶزٸن بٸزگە قاراتىپ, اسا دٶرەكٸلٸكپەن ەكٸرەڭدەدٸ. سول جەردە قاۋٸپسٸزدٸك قىزمەتٸنٸڭ ادامدارى ۇيىمداستىرۋشىلارعا «وسىندا مٷگەدەكتەر بولاتىنىن نەگە الدىن الا ەسكەرتپەندٸڭدەر», - دەپ ايقالاپ جاتتى. بٸزگە «شابىت» ۋنيۆەرسيتەتٸنە بارىپ وتىرسىن دەپ, كونتسەرت ٶتٸپ جاتقان جەردەن شىعارىپ جٸبەردٸ. بٸز ۇيىمداستىرۋشىلاردان «بۇلار كٸم?» - دەپ سۇراعاندا ولار «ەكٸمدٸكتٸڭ ادامدارى» - دەپ جاۋاپ بەردٸ.
بٸز اسحانادا كٷتٸپ وتىردىق, بٸزدٸ ەشكٸمدە شاقىرمادى, كەيٸن ٶزٸمٸز حابارلاسقاندا عانا ەستەرٸنە تٷستٸك, بالالارىمىزبەن ساحناعا جٷگٸرٸپ بارعاندا, بارلىعى تاراپ كەتٸپتٸ, تەك ۇيىمداستىرۋشىلار عانا جٷر ەكەن. بالاپاندارىمىزدىڭ كٶڭٸل-كٷيلەرٸ قاتتى تٷسٸپ كەتتٸ, قانشاما وسى كونتسەرتكە دايىندالعانبىز, تاڭەرتەن ەدەمٸ كيٸندٸرٸپ, بالالارىمىزدى الىپ كەلگەن ەدٸك... قىزىم وسى وقيعادان كەيٸن: «اناشىم, بٸز باسقامىز با? سٸزدەر سيياقتى ەمەسپٸز بە?», - دەپ سۇرادى. قايتەيٸن, جٷرەگٸم قاتتى اۋىرىپ كەتتٸ, كەيٸن ۇيىمداستىرۋشىلار كەشٸرٸم سۇراپ, بالالارىمىزعا شوكولاد ۇسىندى, بالام الماي باس تارتتى. ەلگە بٷگٸنگٸ كەلەڭسٸز وقيعاعا تاپ بولعان قىزىمنىڭ ٶتٸنٸشٸمەن قايتىپ ورالعان ەدٸك, ەندٸ نە قۋانارىمدى نە جىلارىمدى بٸلمەيمٸن...
سالتانات ەسٸمدٸ انا: «ەكەتٸڭدەر بۇلاردى!» دەپ بۇيرىق بەرٸپ جاتقان پرەزيدەنتتٸڭ قاۋٸپسٸزدٸك قىزمەتٸ ادامىنىڭ سٶزٸن ٶز قۇلاعىممەن ەستٸدٸم. بالالارىمىز سۋىق كٷندەرگە قاراماي دايىندىققا قاتىسىپ جٷردٸ. قىزىم مەنەن: «بٷگٸن سوندا دايىندىق پا بولعان?» - دەپ سۇرادى. مەن نە دەپ جاۋاپ قاتارىمدى بٸلمەي قالدىم. ۇيىمداستىرۋشىلاردىڭ «بٸز ەرتٷرلٸمٸز, بٸراق تەڭبٸز» - دەپ كٶرسەتكٸلەرٸ كەلگەندەرٸ وسى ما ەدٸ?!.
قىمبات كەرەيباي
استانا قالاسى
