مۇعالجاردىڭ التىن كەنٸشٸندەگٸ ەرەۋٸلدەن سوڭ جۇمىسشىلار جالاقىسى 25 پايىزعا كٶبەيەتٸن بولدى. بۇل تۋرالى AltynEx كومپانيياسى حابارلادى, دەپ جازادى ازاتتىق اگەنتتٸگٸ.
"12 قاڭتار كٷنٸ جۇمىسشىلارمەن كەلٸسسٶز جٷرگٸزٸلٸپ, جالاقىلارىن قاڭتار ايىنان باستاپ 25 پايىزعا كٶبەيتۋ تۋرالى شەشٸم قابىلداندى. ودان بٶلەك, كەنٸش جۇمىسشىلارىنىڭ ەڭبەك جاعدايىن جاقسارتۋعا بايلانىستى بٸرنەشە مەسەلە شەشٸمٸن تاپتى" دەلٸنگەن AltynEx كومپانيياسىنىڭ حابارلاماسىندا.
التىن ٶندٸرەتٸن "يۋبيلەينوە" كەنٸشٸنٸڭ جۇمىسشىلارى دا تاراپتاردىڭ مەمٸلەگە كەلگەنٸن راستاپ وتىر. ولاردىڭ سٶزٸنشە, جالاقى داۋىنا بايلانىستى كەلٸسسٶز ەكٸ ساعاتقا سوزىلعان. "بەرٸ دۇرىس. شاحتاعا قايتا تٷستٸك" دەدٸ اتى-جٶنٸن ايتقىسى كەلمەگەن جۇمىسشىلاردىڭ بٸرٸ.
- التىندى اۋىلىنداعى شاحتا كەشكٸ سەگٸزدەر شاماسىندا قايتا جۇمىس ٸستەي باستادى. ياعني, كەلٸسسٶزدەن سوڭ جۇمىسشىلار كەشكٸ اۋىسىمعا كەتتٸ. AltynEx كومپانيياسىنىڭ الماتىدان كەلگەن ٶكٸلٸ ٶندٸرٸس كٶلەمٸ ۇلعايسا, جۇمىسشىلار جالاقىسى تاعى دا كٶبەيەتٸنٸن ايتتى. ۇجىم جالاقىسى 25 پايىزعا ٶستٸ, ال 100 مىڭ تەڭگەدەن از تابىس تاباتىن جۇمىسشىلار جالاقىسىن كومپانييا 30-45 پايىزعا دەيٸن كٶبەيتپەك, - دەيدٸ مۇعالجار اۋدانى ەكٸمٸنٸڭ ورىنباسارى عالىم قوبىلاندين.
12 قاڭتاردا اقتٶبە وبلىسى مۇعالجار اۋدانىنداعى التىن ٶندٸرەتٸن "يۋبيلەينوە" كەنٸشٸنٸڭ جۇمىسشىلارى ەرەۋٸل ٶتكٸزٸپ, ٶندٸرٸستٸ توقتاتىپ تاستاعان. كەنٸش جۇمىسشىلارى جالاقىلارىن 50 پايىزعا كٶبەيتۋدٸ تالاپ ەتكەن. جالاقىنىڭ ازدىعىنا نارازىلىق بٸلدٸرگەندەردٸڭ جالپى سانى – جٷز شاقتى ادام.
مۇعالجاردىڭ التىندى اۋىلىنداعى كەنٸش قازاقستاندىق AltynEx Company يەلٸگٸندە. كومپانييا كەن ورنىنا 2015 جىلدان بەرٸ يەلٸك ەتەدٸ. التىندىداعى كەنٸشتە ۆاحتالىق ەدٸسپەن 460 ادام جۇمىس ٸستەيدٸ. كەسٸپورىن جىلىنا 400 مىڭ توننا كەن ٶندٸرەدٸ.
