قر بٸلٸم جەنە عىلىم ۆيتسە-مينيسترٸ بيبٸگٷل اسىلوۆا بٸلٸم بەرۋدٸڭ جاڭارتىلعان مازمۇنى بويىنشا ساباق بەرەتٸن مۇعالٸمدەردٸڭ جالاقىسىنا ٷستەمەاقىنىڭ قاشان قوسىلاتىنىن ايتىپ بەردٸ, دەپ حابارلايدى قازاقپارات تٸلشٸسٸ.
«جاڭارتىلعان مازمۇن بويىنشا ساباق بەرەتٸن مۇعالٸمدەردٸڭ جٷكتەمەسٸ ارتقاندىقتان, لاۋازىمدىق جالاقىسىن دا ارتتىرۋ قاراستىرىلعان. قاۋلى 7 اقپان كٷنٸ شىقتى, قازٸر ٶڭٸرلەر شۇعىل تەرتٸپتە ەسەپ جٷرگٸزەدٸ جەنە مەنٸڭ پايىمداۋىمشا, اقپان ايىنىڭ جالاقىسى بەرٸلەردە قاڭتار جەنە اقپان ايلارىنىڭ ٷستەمە اقىسى بٸرگە تٷسەدٸ», - دەپ جاۋاپ بەردٸ ول قر بعم القاسىنىڭ كەڭەيتٸلگەن وتىرىسى اياسىندا جۋرناليستەردٸڭ سۇراعىنا.
سونىمەن بٸرگە, ۆيتسە-مينيستر جالاقىعا قوسىلعان ٷستەمە اقىنىڭ ازدىعى تۋرالى پارلامەنت مەجٸلٸسٸنٸڭ دەپۋتاتى گٷلجان قاراعۇسوۆانىڭ سىنىنا جاۋاپ بەردٸ.
«كابينەتتٸ مەڭگەرۋ, سىنىپقا جەتەكشٸلٸك ەتۋگە قوسىلاتىن تٶلەمدەر 5 مىڭ تەڭگەدەن اسپايدى, بۇل تۇرعىدا قاراعۇسوۆانىڭ الاڭداۋشىلىعىن تٷسٸنەمٸن. بٸراق, قازٸر مەملەكەت باسشىنىڭ تاپسىرماسىمەن قاراستىرىلعان لاۋازىمدىق جالاقىنى كٶبەيتۋدە اناعۇرلىم كٶبٸرەك اقشا قوسىلادى. مەسەلەن, ورتا ەسەپپەن مۇعالٸمدەر 80 مىڭ تەڭگە السا, 30% ٷستەمەاقى دەل وسى 80 مىڭ تەڭگە نەگٸزٸندە, ياعني شامامەن 24 مىڭ تەڭگە قوسىلادى», - دەدٸ ب. اسىلوۆا.
ۆيتسە-مينيستردٸڭ ايتۋىنشا, 1 قاڭتاردان باستاپ, رەسپۋبليكا اۋماعىنداعى 90 مىڭعا جۋىق مۇعالٸمنٸڭ جالاقىسى كٶبەيەدٸ. 1 قىركٷيەكتەن باستاپ 200 مىڭ مۇعالٸم ۇلتتىق بٸلٸكتٸلٸك تەستٸن تاپسىرۋ ارقىلى ٶز ەڭبەكاقىلارىن كٶبەيتە الادى. اتتەستاتسييانىڭ جاڭا ەرەجەلەرٸ ەزٸرلەنٸپ جاتىر.
بۇعان دەيٸن, بيبٸگٷل اسىلوۆا ٶزٸنٸڭ قانشا جالاقى الاتىنىن مەلٸم ەتكەن بولاتىن.
