قازاقستان بٸلٸم جەنە عىلىم سالاسى قىزمەتكەرلەرٸنٸڭ كەسٸپوداق ۇيىمى تٶراعاسىنىڭ ورىنباسارى ايگٷل مۇقاشەۆا تامىز كەڭەسٸنە مەملەكەت باسشىسىنىڭ قاتىسۋى پەداگوگ مەرتەبەسٸن كٶتەرۋگە جاسالعان ەلەۋلٸ قادام ەكەنٸن ايتتى, دەپ حابارلايدى قازاقپارات.
«پەداگوگ مەرتەبەسٸن رەتتەيتٸن زاڭ جوباسى ۇستازدار قاۋىمى كٶپتەن بەرٸ قوردالانىپ قالعان مەسەلەلەردٸ شەشەدٸ دەگەن ٷمٸتپەن وتىر. زاڭ جوباسى قازٸر ٷكٸمەتكە تٷستٸ. ٷكٸمەتتەن كەيٸن پارلامەنت تالقىسىنا تٷسەدٸ. ەرتەڭ رەسپۋبليكالىق تامىز كەڭەسٸ بولادى. ول كەڭەستەن ٷلكەن جاڭالىق كٷتەمٸز. ٶيتكەنٸ, تاريحىمىزدا بٸرٸنشٸ رەت تامىز كەڭەسٸنە ەل پرەزيدەنتٸ قاسىم-جومارت توقاەۆ قاتىسقالى وتىر», - دەيدٸ كەسٸپوداق ٶكٸلٸ.
ايگٷل مۇقاشەۆا ۇستاز تابىسىنىڭ ەلدەگٸ ورتاشا ەڭبەكاقى مٶلشەرٸنەن تٶمەن بولۋى ەدٸلەتسٸز دەپ سانايدى.
«ۇستاز مەرتەبەسٸ دەگەندە ەڭ بٸرٸنشٸ ويعا ەڭبەكاقى تٷسەدٸ. قازٸر ۇستازداردىڭ الاتىن جالاقاسى رەسپۋبليكالىق ورتاشا ەڭبەكاقى مٶلشەرٸنەن 40 پايىز تٶمەن. وقۋ بٸتٸرٸپ, جاڭادان جۇمىسقا كٸرگەن مۇعالٸمدەردٸڭ جالاقىسى نەبەرٸ 50 مىڭ تەڭگەدەن كٶپ بولمايدى. كەسٸپوداق تاراپىنان كٶپتەن بەرٸ ايتىلىپ جٷرگەن مەسەلەنٸڭ بٸرٸ – جالاقىنى ەسەپتەۋ جٷيەسٸنە قاتىستى. بازالىق لاۋازىمدىق جالاقى دەگەن ۇعىم بار. قازٸر ونىڭ كٶلەمٸ – 17 697 تەڭگە. جالپى جالاقى وسى بازالىق لاۋازىمدىق جالاقىدان باستاپ ەسەپتەلەدٸ. بٸز سول بازالىق اقىنىڭ مٶلشەرٸن مينيمالدى ايلىق ەڭبەكاقى كٶلەمٸمەن تەڭەستٸرۋدٸ ۇسىنىپ وتىرمىز. قازٸر ونىڭ كٶلەمٸ – 42 500 تەڭگە. وسى ينديكاتوردى اۋىستىرسا, مۇعالٸمنٸڭ جالاقىسى دا ناقتى ٶسەر ەدٸ. ول ۇسىنىستى ەلەۋمەتتٸك سەرٸكتەستٸگٸمٸز بولىپ سانالاتىن قر بٸلٸم جەنە عىلىم مينيسترلٸگٸ دە قولداپ وتىر, دەپۋتاتتار دا كٶتەرٸپ جٷر», - دەگەن مامان مۇعالٸمدەر تاراپىنان كەسٸپوداق ۇيىمىنا جىل سايىن مىڭداعان شاعىم تٷسەتٸنٸن ايتادى.
«بٸلٸم جەنە عىلىم سالاسى قىزمەتكەرلەرٸنٸڭ كەسٸپوداعى ەڭ ٸرٸ قوعامدىق ۇيىم بولىپ ەسەپتەلەدٸ. قاتارىمىزدا 700 مىڭنان استام كەسٸپوداق مٷشەسٸ بار. سولاردىڭ جٷگٸنٸمدەرٸ بويىنشا بىلتىر مۇعالٸمدەرگە تيەسٸلٸ 300 ملن تەڭگەگە جۋىق قاراجات قايتارىلدى. ياعني, مۇعالٸمدەردٸڭ ەڭبەكاقىسىن زاڭسىز ۇستاپ قالعان نەمەسە تٶلەنبەي قالعان. بيىلعى التى ايدىڭ ٶزٸندە 120 ملن تەڭگە ۇستازدارعا قايتارىلدى. ماڭعىستاۋ وبلىسىندا ەڭبەك دەمالىسى مەن ساۋىقتىرۋ ٶتەماقىسى ەسەبٸنەن تٶلەنەتٸن 6,5 ملرد تەڭگە ۋاقىتىندا اۋدارىلماعانى انىقتالعان بولاتىن. قازٸرگٸ تاڭدا بۇل سوما تٷگەل تٶلەندٸ. بٸرٸنشٸ جارتجىلدىقتا بٸزدٸڭ كەسٸپوداققا پەداگوگتار تاراپىنان 1,5 مىڭ جازباشا ٶتٸنٸش تٷستٸ. ونىڭ كٶبٸ ەڭبەكاقىنى زاڭسىز ۇستاپ قالۋ نەمەسە تٶلەمەي قويۋعا, جۇمىستان شىعارۋعا بايلانىستى ارىزدار. بىلتىر جۇمىستان زاڭسىز شىعارىلعان 44 مۇعالٸم قايتادان جۇمىسقا كٸردٸ. ونىڭ التاۋى سوت ارقىلى قۇقىعىن قورعاپ شىقتى. 113 ۇستاز جۇمىستان زاڭسىز شىعارىلعالى تۇرعان جەرٸنەن قىزمەتٸندە قالدىرىلدى. وسىدان-اق ۇستازداردىڭ مەرتەبەسٸ قانداي دەڭگەيدە ەكەنٸن كٶرۋگە بولادى. ەرتەڭگٸ تامىز كەڭەسٸ وسىنداي مەسەلەلەردٸڭ تٷيٸنٸن تارقاتۋعا سەپ بولادى دەگەن ويدامىز», - دەيدٸ ايگٷل مۇقاشەۆا.
