ٶزبەكستاننىڭ حالىق بٸلٸمٸ مينيسترلٸگٸ تاشكەنت وبلىسىنىڭ بەكاباد قالاسىنداعى №5 مەكتەپتٸڭ ديرەكتورى د. بابامۋراتوۆا جۇمىستان شىعارىلعانىن حابارلادى. بۇل مەكتەپتە مۇعالٸم بٸرٸنشٸ سىنىپتىڭ تٶرت وقۋشىسىنىڭ ماڭدايىنا "ەكٸ" قويىپ بەرگەن, دەپ جازدى centralasian.org.
بۇعان دەيٸن حابارلانعانداي, بەكاباد قالالىق پروكۋراتۋراسى مەن تاشكەنت وبلىستىق حالىققا بٸلٸم بەرۋ باسقارماسى تٶرت وقۋشىنىڭ ماڭدايىنا ەكٸ قويعان مۇعالٸمنٸڭ ٸسٸن تەكسەرگەن. جازالانعان بالالاردىڭ سۋرەتتەرٸ بٸرنەشە كٷن بۇرىن ەلەۋمەتتٸك جەلٸلەردە تاراعان.
تاشكەنت وبلىستىق حالىققا بٸلٸم بەرۋ باسقارماسىنىڭ حابارلاۋىنشا, مۇعالٸم تەرتٸپسٸز جەنە ٷلگەرٸمٸ تٶمەن وقۋشىلاردىڭ ماڭدايىنا "ەكٸ" سالىپ بەرگەن. مۇعالٸمنٸڭ بۇل ەرەكەتٸن پروكۋراتۋرا "پسيحولوگييالىق ازاپتاۋ" دەپ باعالاعان.
سول سەبەپتٸ مەكتەپ ديرەكتورىمەن ەڭبەك كەلٸسٸمشارتى ٷزٸلگەن. بۇعان قوسا, ٶز قىزمەتتەرٸنە جاۋاپسىز قاراعان ديرەكتوردىڭ ەكٸ ورىنباسارى جۇمىستان شىعارىلدى. وقۋشىلاردى مازاق قىلعانى ٷشٸن باستاۋىش سىنىپتاردىڭ ەكٸ مۇعالٸمٸ جۇمىسىنان ايىرىلدى.
تاشكەنت وبلىستىق حالىققا بٸلٸم بەرۋ باسقارماسى باسشىسىنىڭ ورىنباسارى شۋكۋر بۋرحانوۆ مۇعالٸمدەردٸڭ ەرەكەتتەرٸنەن زارداپ شەككەن بالالاردىڭ اتا-انالارىمەن كەزدەسٸپ, ولاردان كەشٸرٸم سۇرادى. باسقارما بارلىق بٸلٸم بەرۋ مەكەمەسٸندە تالقىلاۋ جٷرگٸزدٸ. حالىق بٸلٸم مينيسترلٸگٸ وقۋشىلاردىڭ قۇقىقتارىن بۇزعاندار قاتاڭ جازالاناتىنىن مەلٸمدەدٸ.
